2 Ellektegmaha aqsa chá'a hélanok ma'a énxet'ák; yókxoho ekhem sekwete setaqnaweykha.
apmopwána nak exének nápaqtók Dios ma'a ektémakxa élchetámeykha ewáxok, yaqwayam enxoho étak ektémakxa sélekxagweykha m'a;
Meyke sektémakxa eykhe ko'o méko han aqsok ekmaso sélane, hésmaksek aqsa chá'a m'a sélxegexma'a nak, yeyxhok axta han chá'a sélmaxnagko sélmaxneya enxoho m'a Dios.
Énxet apchásenneykekxa nak Dios Meyke Ekhémo segmasma, cham'a Ekha nak Apyennaqte,
egkések chá'a ektaqmalma apha, elmeyásekxak chá'a aptawán'ák neptámen ma'a xapop.
Ná hélpekhés chá'a sekpaqmeta enxoho, keñe sa' sekpenchesa enxoho chá'a, kélwanchek kóllektegmaha.
¿Háxko sa' eyke kóltéhek ma'a apkelanawo sa' kéltémakxa m'a Dios? ¿Kélwancheya kólyexanchesha, kélteméssessamól'a m'a énxet xamo' nak?
¿Apkeneykeya exchep hẽlwanmeyásekxak xa aptémakxa nak chá'a appaqméteykha naqsa? ¿Apkeneykeya han méko kátegmowagkok chá'a m'a aptémakxa nak sẽlwanyeykha?
Xép apteméssesso apkeltémo chá'a kalesanchaha apkelpeywa hexének apyókxoho énxet'ák, elexpaqhak chá'a apyamánog nahát.
Kélweteyak agkok kéxegke kélyókxoho xa, ¿yaqsa ektéma kélpaqméteykencha'a aqsa chá'a?