Job 12:4 - Biblia Enxet

⁴ Meyke sektémakxa eykhe ko'o méko han aqsok ekmaso sélane, hésmaksek aqsa chá'a m'a sélxegexma'a nak, yeyxhok axta han chá'a sélmaxnagko sélmaxneya enxoho m'a Dios.

Job 12:4 Referans Kwoze

Salmos 91:15

Ewóneyha sa' agkok chá'a, wátegmowagkok sa'; ¡ko'o ahagko' sa' han axek xamók ma'a! Amallahanchesek sa' ekyentaxno apha, ayánchesseshok sa' sekmésso apteme ekha kéláyo;

Job 30:1

Keñe s'e kaxwo' nak sésmésa m'a wokma'ák, maxnawo nak ko'o, cham'a magwahayo axta ko'o etnehek apkelxegexma apyapmeyk ma'a semheg séláneseykha axta seknaqtósso nepkések.

Job 21:3

Ná hélpekhés chá'a sekpaqmeta enxoho, keñe sa' sekpenchesa enxoho chá'a, kélwanchek kóllektegmaha.

Job 17:6

Xép apteméssesso apkeltémo chá'a kalesanchaha apkelpeywa hexének apyókxoho énxet'ák, elexpaqhak chá'a apyamánog nahát.

Job 17:2

Ellektegmaha aqsa chá'a hélanok ma'a énxet'ák; yókxoho ekhem sekwete setaqnaweykha.

Job 16:10

Apxámok énxet sénmexma ko'o, élántekkessáseyha apaqta'ák, etekpagáha apkeltamho amegqe'.

Miqueas 7:7

Aleyxek sa' eyke ko'o m'a Wesse' egegkok; malwataksek sa' sélhaxanma m'a Dios ahagkok sewagkasso nak teyp, hakte yeyxhok sa' ko'o sélmaxnagko m'a.

Jeremías 33:3

Hewónmakha, wátegmowagkok sa', keñe sa' altennaksek ma'a aqsok élyawe agko' nak, tén han ma'a aqsok élpowásamáxkoho nak, mey'ásegko nak xép.

Proverbios 14:2

Apcháyo chá'a etnehek Wesse' egegkok ma'a ekpéwomo nak aptémakxa'; ewanyaha eyke chá'a m'a ekmaso nak aptémakxa'.

Salmos 35:16

Etwásegkok axta, ésméssek han chá'a, kellókek axta chá'a nápaqta'a sélano.

Job 16:20

apmopwána nak exének nápaqtók Dios ma'a ektémakxa élchetámeykha ewáxok, yaqwayam enxoho étak ektémakxa sélekxagweykha m'a;

Job 11:3

¿Apkeneykeya exchep hẽlwanmeyásekxak xa aptémakxa nak chá'a appaqméteykha naqsa? ¿Apkeneykeya han méko kátegmowagkok chá'a m'a aptémakxa nak sẽlwanyeykha?

Job 6:29

Nágkólxén chá'a m'a kélxéna exchek, nágkólteme megkapéwomo kéltémakxa; kólyekpelkoho sa' ekpayhawo xa sektáhakxa nak ko'o sekpeywa.

Job 9:21

Méko ko'o sektémakxa, megkeytnakhaksók eyke ewáxok; éleklágwokmek sekweynchámeykha.

Job 12:5

Énxet ektaqmalmo nak apha, ewanyohok aqsa chá'a m'a ekmaso nak apha; eyhog aqsa chá'a m'a ketók apyaqnenmakxa nak.

Job 13:18

Altennaksek sa' sektáha meyke sektémakxa, ekya'ásegkók ekpayhawo yaqwánxa atnehek.

Job 30:9

Keñe kaxwók sey'ássekmo ko'o, sésmésamaxche' etnéssessók.

Job 34:7

¡Méko xama énxet aphawo m'a Job! Ewanyaha chá'a Dios, aptémól'a ének yegmen xama énxet;

Jeremías 20:7

Wesse', élyexancháseykha exchep, eyhayók aqsa ko'o exchep sélyexancháseykencha'a, apmeyhek axta exchep, axta axnémo'. Megkayetyapwágweykmok ko'o sésmésamaxche'; apyókxoho énxet chá'a ko'o sey'ásseyam.