Job 11:8 - Biblia Enxet

⁸ ¿Háxko etnehek xeyep ey'asagkohok xa aqsok nak? Yeykhágweykmók ma'a néten nak, Yeykhágweykmók agko' ekmattawóneg ma'a élmaheykegkaxa nak eghagák, mopwanchek ey'asagkoho'.

Job 11:8 Referans Kwoze

Job 22:12

Apheyk Dios ma'a netnók agko' nak néten; apheykegkek kóneg apmagkok ma'a yaw'a aphéyak nak netnók agko'.

Amós 9:2

elyexánegwók sa' eykhe m'a kañe' xapop ekmattawóneg nak, alántekkessók sa' eyke chá'a ko'o m'a, elchenátwók sa' eykhe m'a netnók agko' nak yaphope, wának sa' eyke han ko'o elántépok ma'a.

Salmos 148:13

¡Kólpeykesho kélyókxoho Wesse' egegkok apwesey, hakte wánxa ekteme meyke ekhémo apwesey m'a! ¡Hakte cha'a apteme ekyeykhágweykmoho apcheymákpoho néten ma'a, tén han keso náxop!

Job 35:5

Yenmexho hana néten, elano, netnók ma'a yaphope apyetseksek nak.

Job 26:6

Yáxñakxoho temék apkelányo Dios ma'a takhaxpop, apkelmaheykegkaxa nak apkeletsapma.

Salmos 103:11

awanhók agko' katnehek apkelásekhayo m'a ektáha nak chá'a apcháyo, kaxhok ma'a ekwánxa nak ekyawe néten, keso xapop nak.

2 Crónicas 6:18

“Wánxa agkok, ¿naqsóya apmopwána exek Dios náxop nepyeseksa énxet'ák? Mopwanchek exhok ekwánxa nak ekyawe néten, ¡ekyágwánxa agkok mexók se'e tegma appagkanamap sélánésso nak xép!

Job 7:9

Temék aphagwayam nak chá'a takhaxpop ma'a ektémól'a yaphope kayeykha', keñe kamassegwók: mopwanchek chá'a etaqhohok apkeñamakxa', melwetekxók han chá'a m'a apnámakkok nak.

Job 11:9

Awanhók agko', yeykhágweykmók ma'a ekwánxa nak ekyawe xapop, awanhek han ekpayhakxa', yeykhágweykmók ma'a ekwánxa nak ekpayhakxa wátsam ekwányam.

Job 37:23

Mogwanchek agya'asagkohok ma'a Ekha nak Apyennaqte, apmeyhók apagko' ma'a, appéwomo nahan; péwók nahan aptémakxa, metnéssesek han apyeykhamap pók elanok énxet'ák.

Job 38:17

¿Apweteyaya han ekheykegkaxa m'a atña'ák ekyáqtéssamakxa exma apkelmaheykegkaxa nak apkeletsapma?

Salmos 36:6

Máxa eyke meteymog élyawe élekhahéyak la'a m'a aptémakxa ekpéwomo; máxa eyke wátsam ekwányam ekmattawóneg la'a m'a apchánamakxa nak antéhek. Wesse', xép apkeláneykha énxet'ák, tén han aqsok nawha'ák.

Proverbios 30:4

¿Yaqsa axta ekmeheykegko néten keñe ekweyweykento makham? ¿Yaqsa awanchek kamagkok ma'a éxchahayam? ¿Yaqsa eyaqlassama eyaqlamaxche m'a wátsam ekwányam? ¿Yaqsa axta ekpekkenma m'a néxa xapop nak? ¡Héltennés sa' apwesey! ¡Héltennés sa' han apwesey m'a apketche apya'ásegko enxoho!