Job 11:11 - Biblia Enxet

¹¹ Apya'ásegkok Dios ma'a énxet apteme nak chá'a apmopwána amya'a; apweteyak han ma'a ektémakxa nak aqsok ekmaso élánamáxche', ¿apkenagkamcheya exchep mey'ásegkok xa?

Job 11:11 Referans Kwoze

Salmos 10:14

Apweteyak xép ma'a apkeltémakxa ekmaso senlókassamo nak anlano'; ¡apweteyak xép, etnéssesek sa' han ma'a ekpayhawo nak etnéssesek! Apkelyexánegweykmek xép ma'a meyke nak élmasma; xép appasmo chá'a m'a élyéheykha nak.

Habacuc 1:13

Mopwanchek xép yohok aqsa katyapok aqsok ekmaso, hakte cháxña'awók aptémakxa, mopwanchek elanok yetlo ekleklamo apwáxok ma'a aqsok élmasagcha'a, ¿yaqsa ektéma exchep apwanmeyeykencha'a nak aqsa apkeláneykencha'a m'a énxet'ák apkelánéyak nak chá'a aqsok ekmaso agko'? ¿yaqsa ektéma apwanmeyeykencha'a nak apkeláneykencha'a m'a énxet'ák élmasagcha'a nak apkeltémakxa apmassésseykmo m'a énxet'ák megkaxnawo nak apkeltémakxa?

Oseas 7:2

Megkalxeyenmak apkelwáxok mehelwánaqmeyk ko'o m'a ekyókxoho apkeltémakxa ekmaso nak. Wakheykekxeyk eyke kaxwók ma'a ektémakxa nak aqsok apkeláneyak apagkok apagko', sekweteya nak chá'a ko'o nahaqto'.

Eclesiastés 5:8

Nágkatlakkas aqsa apwet'a enxoho énxet'ák meyke aqsok apagkok kélnaqtawásegkoho xama apchókxa, tén han megkóltaqmelchessásekxo enxoho chá'a apheykha, essenhan megkóllánésa enxoho chá'a m'a ekpayhawo nak kólteméssesek, hakte énxet ekha nak kéláyo, elanha chá'a m'a aptáha nak kéláyo apagko', keñe apteme nak néten agko' kéláyókxa, elanha chá'a xa apqánet nak.

Salmos 94:11

Apya'ásegkok Wesse' egegkok, énxet wánxa ekxéneykha apwáxok ma'a aqsok mékoho.

Salmos 10:11

Yának chá'a kalwagqakmok Dios ma'a élmasagcha'a nak apkeltémakxa, yának chá'a yaqlásak nápat, keñe métyehek chá'a exma.

Salmos 35:22

¡Apweteyak xeyep xa, Wesse'! ¡Ná ewanma aqsa elanha! ¡Ná heyenyow ko'o!

Job 24:23

Apchahayók eyke aqsa chá'a Dios eweynchamha yetlo meyke ektáhakxa, apkeláneykha eyke chá'a m'a ektémakxa apkelweynchámeykha.

Job 28:24

hakte weykmók apwete m'a néxa xóp nak, keñe han ekyókxoho aqsok ekhéyak nak náxop kóneg yaphope.

Job 31:4

¿Enxeykel'a eteyk Dios ma'a aqsok séláneya nak? ¿Enxeykel'a eteyk ektémakxa nak sekxega?

Salmos 33:13

Apkenmexeykentamok chá'a Wesse' egegkok ma'a néten, apkelwetayók nahan chá'a m'a apyókxoho énxet'ák;