Job 11:10 - Biblia Enxet

¹⁰ Apkexyekmek sa' agkok Dios, keñe han apma enxoho xama énxet yaqwayam ékpelkohok aptémakxa', ¿yaqsa awanchek kanókasha?

Job 11:10 Referans Kwoze

Job 12:14

Dios nak apmassésseyam aqsok, méko kawának kaxátekhásekxak makham; Dios nak apkelma, méko kawának kalántekkesek.

Daniel 4:35

Mékoho apancha'awók nápaqtók ma'a apyókxoho énxet'ák nak keso náxop. Elának chá'a apmakókxa enxoho chá'a elána', cham'a aqsok ekhéyak nak néten tén han keso náxop. Méko awanchek kanmexekxak apmopwána, tén han katnehek kának se'e: ¿Yaqsa ektáha aptáha nak xa ektáha nak?”

Isaías 41:27

Ko'o axta seklegasso sekxók eyeynókxa axta m'a Sión, ko'o axta nahan seyáphasso xama apseykha amya'a m'a Jerusalén séltémo eltennaksek peya elwaták makham ma'a énxet'ák apagkok.

Salmos 31:8

meltémók hemok ma'a sélenmexma nak; ¡etnegkesseykmek ma'a ekyawakxa nak exma'!

Job 38:8

¿Yaqsa axta eyápeykekxa átog yaqwayam keyxnegwók sekxók axta ekteyapma wátsam ekwányam ma'a kañe' xapop?

Job 34:29

Apwanmakkek agkok ma'a Dios, ¡méko awanchek kaxének megkapayhawo aptáhakxa'! Agkok eltamhok éteyakpok, ¿yaqsa awanchek kóta'? Cha'a apkeláneykha chá'a apkelókxa m'a tén han ma'a énxet'ák

Job 9:4

Awanhók agko' ektémakxa aqsok apya'áseykegkoho m'a Dios, tén han apmopwána, ¿yaqsa awanchek kalátegmoweyxche' tén han katnessásekxak kóneg?

Job 5:18

Apyensássek sa' agkok ma'a, sa' nahan epextehetchesek ma'a; apkelyekpexchetchek sa' agkok apmek, sa' han emasséssesek ekmáske m'a.

Deuteronomio 32:30

¿Háxko katnehek emenxenek énxet apxakko enxoho m'a mil énxet'ák nak? ¿Háxko katnehek exhok emenxenek diez mil énxet'ák ma'a apqánet enxoho? ¡Wánxa m'a apmésa enxoho yaqwayam emenxenek ma'a Wesse' egegkok, aptáha nak apkeltaqmelchesso!

Job 11:9

Awanhók agko', yeykhágweykmók ma'a ekwánxa nak ekyawe xapop, awanhek han ekpayhakxa', yeykhágweykmók ma'a ekwánxa nak ekpayhakxa wátsam ekwányam.

Isaías 14:27

Apxénchek katnehek Wesse' ekha nak apyennaqte xa, méko nahan kawának kanókasha. Peyk ellegássesagkoho', méko nahan kayaqmagkassessók mók ma'a yaqwánxa etnehek.