Job 10:9 - Biblia Enxet

⁹ Kaxénwakxoho apwáxok séláneya axta séñama yelpa': ¿xapop ánek ya makham peyk hetnessásekxa'?

Job 10:9 Referans Kwoze

Génesis 2:7

Keñe axta Dios Wesse' egegkok apkelana énxet ma'a xapop ánek, apwátekhakkassek axta apwéhek apmésa apyennaqte. Cháxa aptamhákxo axta énxet ekha apkennama.

Isaías 64:8

Wesse', xép akke apteme negko'o egyáp; yelpa' negko'o, keñe exchep ma'a senlane nak chá'a; ¡negyókxoho negko'o nenteme senlane apagko' xép!

Génesis 3:19

Katyapok sa' chá'a apyemes ekpayhakxa nápat étak apto, ekwokmoho aptamhákxo makham xapop, apkeñamakxa axta apkelánamap, hakte xapop xeyep, xapop sa' han etnekxa'.

Eclesiastés 12:7

Keñe sa' natámen xa, xapop sa' katnekxak makham ma'a ánek nak, ekhawo ektémakxa axta nano', keñe sa' eghagák kalmeyekxak ma'a aphakxa nak Dios, cham'a aptáha axta segmésso.

Jeremías 18:6

“Israelitas, ¿mowancheya ko'óxa atnéssesek kéxegke xa ektáha nak, ekhawo apteméssesakxa nak yelpa' xa apkelane nak yátegwáxwa? Máxa yelpa' ekteméssessók sélmeykencha'a emék kéxegke, ekhawo aptémakxa nak apkelmeykha apmék yelpa' xa énxet apkelane nak yátegwáxwa. Ko'o sekxeyenma xa, sektáha nak Wesse'.

Isaías 45:9

Aphawók pók ma'a yátegwáxwa, mopwanchek elátegmoweykpok ma'a ektáha nak apkelane. Megkatnehek kának yelpa' ektáha nak apkelane s'e: “¿Yaqsa apkelana?”, Megkatnehek nahan kának apkelane nak chá'a aqsok étkók éltaqmalma s'e: “Mopwanchek xép aptamheykha.”

Salmos 106:4

Wesse', kaxén sa' ko'o apwáxok apteméssesa sa' ektaqmela m'a énxet'ák apagkok; náhelwánaqma aqsa ko'o apya'aweykto sa' elwagkasek teyp,

Salmos 90:3

Yának chá'a etnekxak xapop énxet etnehek appeywa s'e: “Énxet'ák, kóltemekxa xapop.”

Salmos 89:47

Wesse', kaxén apwáxok ko'o yaqwátawók sekha; yaqwátawók apha m'a énxet ektáha axta exchep apkelane.

Salmos 25:18

Elano ektémakxa nak ko'o seklegeykegkoho, tén han sekyampayo, ná eyaqmagkásekxa ektémakxa may'assáxma.

Salmos 22:15

Yamáyak ahátog, máxa ektémól'a yelpa' ekyamaye; yepetcheykekxeyk ahaxkok epaqpehek. ¡Epekkenmeyk náxop, máxa sétsapma etnéssessók!

Job 17:14

¡Keñe sa' atnehek wának takhaxpop se'e: xeye' ekteme táta ahagkok, keñe sa' atnehek alának yápa apketkók se'e: kéxegke kélteme méme ahagkok tén han élyáxeg!

Job 7:7

Oh Dios, kaxén apwáxok ekhawo ko'o sekyennaqte m'a ektémól'a xama nentekkesso nennama, móteyekxók sa' chá'a ekpayheykekxa ewáxok.

Job 4:19

¡eyke ekyágwánxa agkok ma'a énxet, apteme nak apyelqamákpoho, aptémól'a m'a tegma yelpa', apkelánamap la'a néten yagkamex, kélmowánal'a kóltepelkoho', ektémól'a yánseleklek!

Job 7:21

¿Mopwancheya heyásekhekxohok xép sektémakxa may'assáxma? ¿Mopwancheya heyásekhekxohok sektémakxa sélane aqsok ekmaso? Kaxwók sa' eytek náxop: hektamok sa', amassegwók sa' eyke.

Job 10:10

Axta apteméssessók émpehek séláneya m'a ektémól'a kalanaxchek weyke nagkeygmenek yáma ekyennaqte;

Job 33:6

Neghawók egmók nápaqto' Dios, xeyep tén han ko'o; yelpa' ko'óxa eñamak sélánamáxche'.

Salmos 78:39

Kaxének axta chá'a apwáxok Dios apteme énxet aqsa m'a; aptamhéyak ekho éxchahayam, ekxegál'a keñe megkataqhegwome'.

Salmos 104:29

massék agkok chá'a exchep apkelano, kalyegweyk chá'a; apyementamákxeyk agkok élennama, kaletsapok chá'a, xapop chá'a katnekxa'.

Salmos 103:14

hakte apya'ásegkok néñamakxa negko'o senlane m'a: apya'ásegkok nenteme xapop.

Isaías 64:7

Méko eyke ekwóneykencha'a exchep, méko nahan ekwasqápeykekxoho enxoho yaqwayam keypetchegwakxak; cháxa keñamak senxegánegkessama nak negko'o exchep tén han segkexakhama eñama m'a nentémakxa élmasagcha'a.