Job 10:16 - Biblia Enxet

¹⁶ Eyeyxkók agkok ko'o, heyaqmaksek xép ektémól'a méwa, weykmók apkelane m'a aqsok sempelakkasso nak agweta' apmáheyo hemasséssók.

Job 10:16 Referans Kwoze

Isaías 38:13

Yókxoho axta'a ekpayheykha ahátog seklegeykegkoho ekmáske, máxa entemék élekkexma enxoho exchakkok ma'a yámakméwa. Yókxoho ekhem señassáseykegkoho tén han yókxoho axta'a.

Lamentaciones 3:10

Máxa méwa élyexanmeykha aptemék séláneykencha'a, ektémól'a óso ketók sethanmakxa'.

Job 5:9

¡hakte elánhok chá'a ekxámokma aqsok élyawe éltaqmalma m'a, aqsok magmowána nak agya'asagkoho'!

Amós 3:8

¿Yaqsa megkalpexyennemek eyeye, ekyexweweyncha'a enxoho méwa? ¿Yaqsa megkaxénhek Wesse' egegkok appeywa apkeltamho enxoho kaxének ma'a?

Deuteronomio 28:59

yáphaksek sa' kélnepyeseksa kéxegke ekyawe agko' ma'a aqsok ekmaso nak tén han nepyeseksa m'a kéltawán'ák kélnentámen, yáphaksek sa' ma'a negmasse ekmaso nak mantaqmelwayam nak hentéhek.

Job 13:24

¿Yaqsa ektéma séxánegkessama nak xép? ¿Yaqsa ektéma setnéssessama nak máxa sénmexma?

Job 16:9

Eyaqmáseyha ko'o Wesse' egegkok, apkelpáxqatchek émpehek, máxa aqsok nawhak eklo etnessásak apmako heyaqhek, megyeyásak sélano, máxa sénmexma aptáhak.

Jeremías 5:6

Cháxa keñamak peya sa' kalántépok yámakméwa m'a naxma, keñe sa' kalnápok, nápakha'a apketkók sa' katnéssesek ma'a aqsok nawha'ák éllo élleykha nak yókxexma meykexa énxet, elyexanmaha sa' eleyxek yánneptána m'a nepyáwa nak tegma apkelyawe apagkok, nápakha'a apketkók sa' chá'a etnéssesagkok ma'a apkelántepa enxoho; hakte xámok agko' apkeláneyak melya'assáxma, hágkaxwe yenmexekxak ma'a Dios.

Oseas 5:14

Sa' atnehek ko'o aktamagkok Efraín, tén han Judá m'a ektémól'a méwa kaktamagkok aqsok, ko'o ahagko' sa' han atnéssesagkok nápakha'a apketkók, tén sa' axñekxak makham, alyenyawasagkokxak sa', méko sa' kalwagkasek teyp.