Job 10:1 - Biblia Enxet

¹ ¡Éleklágwokmek sekweynchámeykha! Altennaksek sa' ektémakxa aqsok megkaleklo ewáxok, mamágwakxeyk sa' axénmakha eklo ewáxok.

Job 10:1 Referans Kwoze

Job 7:11

Cháxa keñamak mamako nak ko'o awanmeyekxa'. Mamágwakxeyk sa' axénmakha seklegeykegkoho, tén han eklo ewáxok.

1 Reyes 19:4

Tén axta apmahágko m'a meykexa nak énxet, xama ekhem axta han apxega, keñe aphakmo kóneg xama yámet pessesse agkok. Apkeltamhók axta han yetsapok, keñe aptáha: “¡Wesse', heyho ko'o watsapok! ¡Hakte ekhawók ko'o m'a ẽlyapmeyk nano'!”

Números 11:15

Apkelenxanakmók sa' agkok xép setnéssesso xa ektáha nak, tásek hemassessók, ektáha enxoho naqsók eyaqheykencha'a chá'a ko'o apwáxok sélányo exchep. Keñe sa' móteyekxók chá'a ekmaso sekha.

Jonás 4:8

Xama axta ekwa'a néten ekhem, apkeltamhók axta kaxchahák Dios ekmexanma eñama m'a ekteyapmakxa ekhem, apwetágkok axta peya kápok ma'a Jonás hakte payhawók axta ekmexanma m'a aphakxa, apkeltamhók axta yetsapok. —Tásek ko'o watsapok, kaxnók aweynchamha chá'a— axta aptáhak.

Job 9:21

Méko ko'o sektémakxa, megkeytnakhaksók eyke ewáxok; éleklágwokmek sekweynchámeykha.

Job 5:20

Megyohok sa' yetsapok ekwa'a enxoho m'a meyk segaqhe nak, ewagkasek sa' nahan teyp neyseksa kempakhakma.

Jonás 4:3

Cháxa keñamak séltamho nak ko'o hemasséssók xép Wesse', tásek ko'o watsapok, kaxnók aweynchamha chá'a.

Isaías 38:17

Yaqmagákxeyk kaxwók meyke ektáhakxa ewáxok ma'a eklegeykegkoho nak ewáxok. Emágweykekxeyk xép ketók sekteyeykemxa m'a máxek segmassesseykmoho nak, hakte meyaqmagkáseykekxak mók ekyókxoho m'a may'assáxma.

Isaías 38:15

¿Háxko eyke atnehek ko'o wának ma'a? hakte cha'a setnéssesso ko'o m'a. Eyeykhayak teyn ahagkok eñama seklegeykegkoho ekmáske émpehek.

Job 19:4

Naqsók sa' agkok ko'o sektáha seksexnánémaxche', ko'o sa' aqsa han heyápekxak xa sektémakxa nak.

Job 14:13

¡Émenyeyk nak la'a ko'o hekpóssók ma'a apkelmaheykegkaxa nak apkeletsapma ekwokmoho ekmassa aplo, epekkenek han ekhem yaqwánxa kaxénwók apwáxok ko'o!

Job 7:16

Massék sélenmáxexko. Mómenyeyk alenxanmagkohok sekha. Ná hélya'es kaxwók exma', hawók ko'o sekyennaqte m'a ektémól'a nentekkesso nennama.

Job 6:26

Élxénaha eyke aqsa ekmaso kéxegke, eñama m'a sekpeywa ekyeyháxma eksómo nak éxchahayam.