Job 1:21 - Biblia Enxet

²¹ Aptáhak axta s'e: —Méko axta xama aqsok sekseykha sekwaya s'e nélwanmeygkaxa', méko sa' han xama aqsok asakxak ataqhoho'. Wesse' egegkok axta sélmésso ekyókxoho, keñe sélyementamákxo makham; ¡eyeymáxkoho sa' kólteméssesek apwesey Wesse' egegkok!

Job 1:21 Referans Kwoze

Eclesiastés 5:15

Sa' katnehek makham etaqhohok ma'a ektémakxa axta sekxók apteyékmo keso náxop: meyke apáwa, meyke apseykekxa xama aqsok eñama m'a aptekkesso axta aptamheykha.

Job 2:10

Apchátegmowágkek axta aptáwa' m'a Job: —¡Máxa kelán'a ekyeyháxma táhak ekpaqmeta! Ólmok chá'a negko'o m'a aqsok éltaqmalma sẽlmésso nak chá'a m'a Dios, mogwanchek han antaqheksohok ma'a aqsok ekmaso nak séghé. Méko axta xama enxoho appeywa élánésso mey'assáxma Job, neyseksa ekteme xa ekyókxoho nak.

Isaías 45:7

Ko'o sélane m'a élseyéxma tén han ekyaqtéssóxma, sektekkesso nahan ma'a ektaqmalma nak negha tén han ma'a ekmaso nak negha. Ko'o sélane chá'a xa ekyókxoho aqsok nak, sektáha nak Wesse'.

Salmos 49:17

hakte apketsekkek sa' agkok ma'a, mopwanchek sa' eswok xama aqsok enxoho, megkalyetlewek sa' aqsok éltaqmela apagkok ma'a takhaxpop nak.

1 Samuel 2:7

Wesse' egegkok senteméssesso chá'a meyke aqsok egagkok, essenhan ekxákma aqsok egagkok; hempelápagkasek chá'a, hegheyásekxak nahan chá'a néten.

Lamentaciones 3:38

Wayak chá'a m'a aqsok ektaqmela nak, tén han aqsok ekmaso, hakte meyke Ekhémo chá'a apkeltémo kawa'.

Eclesiastés 12:7

Keñe sa' natámen xa, xapop sa' katnekxak makham ma'a ánek nak, ekhawo ektémakxa axta nano', keñe sa' eghagák kalmeyekxak ma'a aphakxa nak Dios, cham'a aptáha axta segmésso.

Génesis 3:19

Katyapok sa' chá'a apyemes ekpayhakxa nápat étak apto, ekwokmoho aptamhákxo makham xapop, apkeñamakxa axta apkelánamap, hakte xapop xeyep, xapop sa' han etnekxa'.

Salmos 39:9

“Ekwanmagkamchek aqsa ko'o, mapaqmeyesmak, hakte xép axta setnéssesso xa ektáha nak.

Isaías 42:24

¿Yaqsa axta éltémo elmenyexakpok ma'a énxet'ák Israel tén han elmakpok ma'a Jacob énxet'ák apagkok nak? ¿Háweya axta Wesse' egegkok? Apkeláneykegkek melya'assáxma apkenmexma m'a, megkalyaqwámeykegkok elyetlók ma'a ámay apxekmóssamakxa axta, melyeheykekxohok nahan ma'a segánamakxa apagkok nak.

Salmos 34:1

Alpeykeshok sa' chá'a ko'o Wesse' egegkok ekyókxoho ekhem, malwátéssemek sa' chá'a sekteméssesso apcheymákpoho.

Job 1:11

Elyementemekxa hana ekyókxoho aqsok apagkok, keñe sa' étak eyemnaha nápaqtók xép ma'a.

1 Samuel 3:18

Apkeltennáseyha axta Samuel ekyókxoho m'a aptáhakxa axta apcháneya, meyke appósso xama enxoho, keñe axta Elí aptáha s'e: —¡Wesse' egegkok ma'a! ¡Tásek elának ma'a apmakókxa enxoho elána'!

Génesis 45:5

nágkatneykha aqsa kélwáxok, nágqakha aqsa kélwáxok sélyamasma axta, hakte Dios axta ko'o seyáphasso emonye', kélmonye'e kéxegke, yaqwayam alwagkasek teyp énxet'ák meyk élnapma.

Amós 3:6

páweyk agkok kélaqkahasso m'a tegma apwányam, énxet'ák akke kéltamhók kaltemeykha apkelwáxok; temégwokmók agkok exma ekmaso m'a tegma apwányam, Wesse' egegkok akke apcháphasso m'a.

Isaías 24:15

Keñe sa' nahan ma'a apheykha nak teyapmakxa ekhem tén han ma'a apkelókxa ekhéyak nak neyáwa wátsam ekwányam, elteméssesek nahan apcheymákpoho m'a Wesse', cham'a Israel Dios apagkok nak.

Eclesiastés 5:19

Dios apkelmésso nak ekxámokma aqsok énxet, egkések nahan chá'a yaqwayam etwok, tén han etnehek apagkok, Dios nahan chá'a keñamak ma'a ekpeykessáseykekxa nak chá'a apwáxok aptamheykha aptekkesso,

2 Reyes 20:19

Aptáhak axta Ezequías apchátegmowágkokxo Isaías se'e: —Tásók agko' nak la'a Wesse' egegkok appeywa seseykentegkesso exchek. Hakte xeyenmeyk axta apwáxok keytek meyke ektáhakxa egwáxok tén han ektaqmalma negha neyseksók apha makham ma'a.

1 Reyes 12:15

Axta elyahákxak wesse' apwányam aptáhakxa apkelpeywa m'a énxet'ák nak, hakte Wesse' egegkok axta apmopmenyého katnehek xa ektáha nak, yaqwayam enxoho katnehek ma'a apkeltennassama axta katnehek Wesse' egegkok ma'a Jeroboam, Nabat axta apketche, apchásenneykekxo axta m'a Ahías, apkeñama axta Siló.

2 Samuel 16:12

Lapmaxcheyk sa' heyáphássesek aqsok ektaqmela Wesse' egegkok apleg'a enxoho ektémakxa ekyentaxno ewáxok, ekyaqmagkasso m'a sélyemneykha sekleg'a nak sakhem.

Génesis 30:2

Aptaqnókkek axta eyke m'a Jacob, aptáhak axta apcháneya s'e: —¿Diosya ko'o? Neykhe megyahayo exche' kótak étchek ma'a.

Rut 1:21

Xámok axta ko'o aqsok ahagkok sekteyapma s'e, keñe kaxwók sekwa'akto meyke aqsok ahagkok, hakte chá'a apkeltémo ko'o hetnehek ma'a Wesse' egegkok. ¿Yaqsa ektáha séltáha nak ko'o Noemí? Etaqnawágweykmek ko'o kaxwók ma'a Dios ekha nak apyennaqte, egkéssegkek ekyaqhápeykha ewáxok.

1 Samuel 2:8

Yempásekxak chá'a néten Dios náxop ma'a meyke nak aqsok apagkok, etekkessekxak chá'a kélchexakhamakxa aqsok apák ma'a ekha nak chá'a eyeyméxchexa aqsok, exnések chá'a nepyeseksa énxet'ák ekyawe nak kéláyo, exnéssók chá'a ekyetnamakxa nak taháno eyeymáxkoho; hakte Wesse' egegkok apagkok ma'a ekyennaqtéssamakxa nak xapop, cháxa appekkenmakxa nak han nélwanmeygkaxa xa néten nak.

Nehemías 9:5

tén axta aptáha apkeláneya m'a levitas, cham'a Josué, Cadmiel, Binuy, Hasabnías, Serebías, Hodías, Sebaías, tén han Petahías: “Kólchempekxa néten, kólpeykesho Dios Wesse' kélagkok, yókxoho ekhem, megkatnégwayam néxa. ¡Kóltemésses apcheymákpoho, yetlo ektaqmalma kélxeyenma apwesey eyeymáxkoho meyke ekhémo!”

Job 9:12

Apmeyk agkok xama aqsok, méko awanchek kanókasha. ¿Yaqsa awanchek kalmaxneyha aptáhakxa'?

Salmos 34:2

Awanhek ko'o eyaqheykha ewáxok Wesse' egegkok eñama m'a aqsok apkelane; ¡kóleyxho, énxet'ák apkelmopyósa nak, kalpayhekxa kélwáxok!

Eclesiastés 5:14

hakte asagkek agkok apkelyánmagkásamap, awanchek kasawhaksek ma'a ekyókxoho nak aqsok apagkok ekxámokma, yetneyk agkok han apketche xama, méko katnehek aqsok apnegkencháseykekxa natámen.