Job 1:2 - Biblia Enxet

² Siete axta apketchek apkelennay'a m'a Job, keñe ántánxo m'a apketchek kelwán'ák,

Job 1:2 Referans Kwoze

Job 42:13

Catorce axta han apyókxoho apketchek apkelennay'a, keñe ántánxo m'a apketchek kelwán'ák.

Salmos 128:3

Máxa anmen yámet ekxámokma ekyexna sa' katnehek xép aptáwa' m'a kañe' apxagkok nak; máxa olivo éltekteyapma sa' katnehek kaxmakha apketchek ma'a nekha mésa apagkok.

Salmos 107:38

Etaqmelchessesek chá'a apheykha m'a, yának chá'a exámekxa', tén han kaxámekxak agko' ma'a aqsok apnaqtósso.

Job 13:13

¡Kólwanma kaxwo', peyk ko'o apaqmétek, hetnehek sa' setnahakxa agkok!

Ester 5:11

apkeltennáseyha axta nahan ma'a ektémakxa axta ekxámokma aqsok apagkok, tén han ekxámokma m'a apketchek, tén han ma'a apteméssessama axta wesse' apwányam mexnémo m'a apkeláneykha tén han ma'a apkelpasmomákpoho axta chá'a ektémakxa aptamheykha wesse', apteméssessama néten agko' kéláyo nepyeseksa m'a apyókxoho nak.

Job 42:10

Keñe axta natámen apkelmaxnéssesso Job ma'a apkelxegexma'a nak, apmeyásekxeyk axta makham Dios ektaqmalma apheykha, ektéma axta m'a nanók axta, apyeykhássessekmók axta apkelmésso m'a aqsok, cham'a ekwánxa axta ekyetnama m'a sekxók axta.

Job 42:12

Appasmomchek axta Dios amonye' yaqwayam katnégwók néxa apha m'a Job, apyeykhássesseykmók axta apkelmésso aqsok ma'a ekweykenxa axta m'a nanók axta. Catorce mil axta apweykmok nepkések apnaqtósso, seis mil yányátnáxeg, mil axta m'a weyke kéltéteykekxa nak mók, keñe mil yámelyeheykok.