Job 1:18 - Biblia Enxet

¹⁸ Axta han epenchásawok appeywa xa énxet nak, apwákxo makham pók, tén axta aptáha apcháneya s'e: —Apkelánegkek axta ektámáxche ekyawe m'a apketchek apkelennay'a tén han kelwán'ák ma'a apketche átnaha apketkok nak apxagkok,

Job 1:18 Referans Kwoze

Job 1:4

Elanagkohok axta chá'a ektámáxche ekyawe xama apxagkok apagko' ma'a Job nak apketchek, ekwákxexa enxoho chá'a ekhem yaqwayam elána', eláneyha axta han chá'a m'a ántánxo nak apkelyáxeg kelwán'ák.

Job 1:13

Xama ekhem axta apwákxo xama énxet ma'a Job apxagkok, neyseksa apkeláneyak ektámáxche ekyawe m'a Job apketchek, yetlo m'a kelwán'ák apketchek, apxagkok axta m'a apketche átnaha apketkok. Apkeltennássek axta s'e amya'a nak: —Nempeynchekmek axta negko'o xapop nélchekha nélchakkasa weyke, tókagkek axta aqsa han pa'at yámelyeheykok keto' nak;

Lamentaciones 1:12

¡Kéxegke ektáha nak kélxega ámay, kólchaqnágwom sekxo', kalchetam kélwáxok yetneyk agkok kéllegeykegkoho ekhawo nak ko'o, señassáseykegkoho agko' nak! ¡Wesse' egegkok seyhe ko'o xa ektémakxa nak ekyentaxno ewáxok eñama setaqnagko!

Jeremías 51:31

Apyaqmagákpek pók apkelseykha nak chá'a amya'a apkeltennássekxo chá'a wesse' apwányam Babilonia apmákpo apyókxoho m'a tegma apwányam apagkok.

Isaías 28:19

Wa'akteyk sa' agkok chá'a m'a, kalpexyawasha sa' chá'a. Yókxoho ekhem sa' chá'a kawata', ekhakxoho ekhem tén han axta'a. Amya'a sa' eykhe nahan chá'a kóllega' megkeyxek sa' eyke chá'a kólè'.

Eclesiastés 9:2

Hawók mók élhaxanma xa apyókxoho nak: énxet appéwomo, énxet mepéwomo, énxet ektaqmalma aptémakxa, énxet ekmaso aptémakxa, énxet eyáxñeyo apwáxok, énxet ekmanyása apwáxok, énxet apmésso aptósso apchaqhe, tén han ma'a megkésso nak aptósso apchaqhe; ekhawo han ma'a ektaqmalma nak aptémakxa, tén han ma'a mey'assáxma nak, tén han ma'a apteméssesso nak ekmámnaqsoho appeywa, tén han ma'a metnéssesso nak ekmámnaqsoho appeywa.

Salmos 34:19

Xámok katnehek aqsok ekmaso apkeltahanye m'a énxet'ák meyke nak apkeltémakxa, Wesse' egegkok akke chá'a elmallahanchesek neyseksa xa ekyókxoho aqsok nak.

Job 27:14

apxámok sa' eykhe etnehek ma'a apketchek, eletsapok sa' eyke kempakhakma, essenhan eñama meyke aptéyak.

Job 16:14

Apxámássek sélyensasso, máxa kempakhakma yáp aptáhak sektamakmo.

Job 8:4

Apketchek kexa keñamak apkeláneyak melya'assáxma nápaqtók Dios, keñe apméssama apkellegeykegkoho ekpayhawo nak etnéssesek.

2 Samuel 13:28

nanók axta han aptáha apkeláneya m'a apkeláneykha nak: “Kóltaqmelchesho sa' kélláneykha Amnón, eyaqha enxoho vino, éltamhók sa' agkok ko'o kólaqhek, kólaqha sa'. Nágkóle aqsa kóltéhek, hakte ko'o séltémo. Kólyennákxoho, nágkóleygwakxa'.”

Job 1:17

Axta han epenchásawok appeywa xa énxet nak apwákxo makham pók, tén axta aptáha apcháneya s'e: —Apqántánxo appasmeykekxa caldeos egketamakmok negko'o, apkelmenyexágkek ma'a yányátnáxeg, sawo han chá'a apkelyetxeyk apkelnapa m'a énxet'ák. Ko'o aqsa exakkók seyewagko sekxeganakmo, yaqwayam enxoho ay'óták xép altennásseta'.

Job 1:19

pelakkassek aqsa ekwa'a éxchahayam ekyennaqte eñama meykexa énxet, sawhawók nahan élyawheyásencha'a m'a tegma nak, keñe ektegkesa apchápékxo tegma m'a apketchek nak. Apsawhékpók nahan apkeletsapa. Ko'o aqsa exakkók seyewagko sekxeganakmo, yaqwayam enxoho ay'óták xép altennásseta'.