Job 1:10 - Biblia Enxet

¹⁰ Megyahayók xép kólteméssessamhok exma ekmaso m'a, tén han apketchek ekweykekxoho m'a aqsok apagkok nak; epasmok nahan chá'a ekyókxoho aqsok apkelanakxa enxoho, xámok agko' nahan apnaqtósso, méko ekhawo s'e ekyókxoho apkelókxa nak.

Job 1:10 Referans Kwoze

Salmos 34:7

Eltaqmelcheshok chá'a Wesse' egegkok apchásenneykha m'a apkeláyo nak chá'a Wesse' egegkok, elwagkasek nahan chá'a teyp.

Zacarías 2:5

Axta eyke aptáhak Wesse' egegkok se'e: Ko'o sa' eyke atnehek meteymog kélhaxta ekho táxa, nepyáwa m'a Jerusalén, keñe sa' ma'a nepyeseksa nak tegma apwányam axekmósek seyeymáxkoho.’”

Proverbios 10:22

Ekxákma aqsok egagkok hegwetaksek ma'a ektémakxa nak Wesse' egegkok sempasmo, megkeypetchek ma'a nenlegeykegkoho nak.

Zacarías 2:8

Eyáphássek axta ko'o Wesse' egegkok ekha nak apyennaqte aswok se'e amya'a nak, atnehek wának énxet'ák ektáha axta apkelmenyexchesso ekyókxoho aqsok kélagkok kéxegke s'e: “Énxet apteméssesseykmoho exma ekmaso enxoho énxet'ák ahagkok, cháxa apteméssessekmoho exma ekmaso m'a aqsok sekmasmakxa ahagko' nak chá'a ko'o. Ko'o ahagko' sa' alnapaxchek xa pók aptémakxa nak chá'a énxet'ák, apkelásenneykha naqsa apagko' sa' nahan wának esawhaksohok aqsok apagkok.” Sa' etnehek exekmósek élseyéxma apagkok Wesse' egegkok ekha nak apyennaqte xa ektáha nak, keñe sa' kólya'ásegwók kéxegke aptáha seyáphasso ko'o m'a.

Job 31:25

Mehepeykessáseykekxak ewáxok ma'a ekxámokma aqsok ahagkok, tén han sekxámáseyak ma'a selyaqye ahagkok.

Génesis 15:1

Appaqhetchessek axta Wesse' egegkok Abram natámen xa, apwanmagko axta eyke, aptáhak axta apcháneya s'e: —Abram, nágyé aqsa, ko'o sekteme sekmasma exchep, awanhek sa' katnehek ekyaqmageykekxa aqsok yaqwayam exkak xép.

Salmos 107:38

Etaqmelchessesek chá'a apheykha m'a, yának chá'a exámekxa', tén han kaxámekxak agko' ma'a aqsok apnaqtósso.

Salmos 90:17

Keytek sa' chá'a negko'o tekhenxet ma'a Dios Wesse' egegkok segásekhayo. ¡Wesse', hentekkesses chá'a negko'o nentamheykha, ¡Naqso', hentekkesses chá'a nentamheykha!

Deuteronomio 7:13

Elásekhohok sa' nahan kéxegke, yának sa' kataqmelek kélheykha, yának sa' nahan kólxámekxohok kélagko'; eltaqmelchessesek sa' kélketchet ma'a apkelókxa apteméssessamakxa axta ekmámnaqsoho agko' apmáheyo egkések ma'a kélyapmeyk nano' axta kéxegke, ekweykekxoho m'a aqsok ekyexna kélcheneykekxa kélnakxo nak, tén han ma'a hótáhap apaktek kélagkok, tén han vino tén han pexmok égmenek kélagkok, tén han ma'a weyke kélnaqtósso nak étkók tén han ma'a nepkések nak.

Génesis 26:12

Apkeneykekxeyk axta aqsok Isaac xa apyeyam nak, cháxa yókxexma nak, xámok agko' axta han apnakxo ekyexna aqsok apkeneykekxa, hakte appasmomchek axta m'a Wesse' egegkok,

Isaías 5:5

Altennaksek sa' ko'o kéxegke ekxénakxa nak ewáxok atnéssesek ma'a anmen yámet séneykekxa: alhexyawássesek sa' ko'o m'a kélhaxtegkesso nak neyáwa, yaqwayam sa' kólmasséssók; alpáxqatchesek sa' ma'a meteymog kélhaxta nak neyáwa, yaqwayam sa' kalteyammaxche';

Isaías 5:2

Appeyncheykmek axta xapop, apkelhaxyawassegkek axta nahan meteymog apcháxñessama, keñe apkeneykekxo m'a anmen yámet axchakkok éltaqmalma agko' nak. Apxátekhassegkek axta nahan xama tegma apwenaqte netnók ma'a neyseksa nak apkeneykekxexa, apkeláneyak axta nahan ma'a apkelyaqhapmakxa anmen yámet ekyexna. Apkelhaxanmeyk axta nahan keyxek anmen yámet ekmátsa nak ekyexna m'a émók nak, keñe ekyexnama m'a anmen yámet ekmáske nak ekyexna.

1 Samuel 25:16

Hẽlmeyók axta aqsa chá'a ekhem tén han axta'a, ekweykekxoho m'a nennaqtósso nak nepkések.

Deuteronomio 33:27

Cha'a aptaqmelchesso exchep ma'a Dios memassegwayam nak, cha'a ekpasmo m'a apmopwána megkamassegwayam nak; emenxenchesek chá'a apmonye' exchep ma'a apkelenmexma nak keñe exchep yának chá'a emasséssók.

Salmos 71:21

heyánchessásekxak sa' nahan ko'o kélteme séláyo, hepeykessásekxak sa' makham ewáxok.

Job 42:12

Appasmomchek axta Dios amonye' yaqwayam katnégwók néxa apha m'a Job, apyeykhássesseykmók axta apkelmésso aqsok ma'a ekweykenxa axta m'a nanók axta. Catorce mil axta apweykmok nepkések apnaqtósso, seis mil yányátnáxeg, mil axta m'a weyke kéltéteykekxa nak mók, keñe mil yámelyeheykok.

Génesis 49:25

¡Apyáp Dios apagkok keñamak, cham'a peya nak epasmok; Dios ekha apyennaqte keñamak, cham'a peya nak kataqmalmakha apwáxok elano'! ¡Elmések sa' aqsok éleñama nak néten! ¡Éleñama nak ma'a wátsam ekmattawóneg! ¡Epasmok sa' exámassásekxak apnaqtósso, tén han apketchek!

Génesis 30:43

Axta keñamak aptéma wesse' m'a Jacob, tén han apxámokma m'a nepkések apnaqtósso, tén han apkeláneykha apkelennay'a, tén han kelwán'ák, tén han yányátnáxeg, tén han ma'a yámelyeheykok.

Génesis 30:30

apxámeykekxók apagko' ma'a apqántawók axta sekwaya, hakte appasmomchek axta Wesse' egegkok ma'a sekxók axta sekwaya; ¡ko'o eyke payhawók kaxwók atneykha alanaksek aqsok ekheykha nak exagkok!

Salmos 80:12

¿Yaqsa ektéma apyaqnegkessessama nak kélhaxtegkesso apchahayo chá'a apnakxama m'a appéwomo nak chá'a m'a nekha nak?

Salmos 5:12

hakte xép Wesse' egegkok, eltaqmelchesseshok chá'a apheykha m'a ektáha nak meyenyaweykha, eláhakkashok chá'a m'a apchásekhayo nak, ektémól'a negáhakkásamaxche'.

Job 29:6

ekyetnama axta chá'a ekyawe weyke nagkeygmenek, ektekkessama axta chá'a pexmok égmenek ma'a meteymog;

Deuteronomio 33:11

Wesse', epásem xép, neyseksa apkelwasqápeykekxoho m'a, ema takha' yetlo ektaqmeleykha apwáxok elanok ma'a aqsok apkelánéyak nak. Elekkexches apkap'ák axchakkok ma'a apkelenmexma nak, yaqwayam sa' melchempekxeyk chá'a néten ma'a apkelenmexeykha nak chá'a.”

Génesis 39:5

Appasmomchek axta Wesse' egegkok Potifar apxagkok, tén han yókxexma apagkok, cham'a natámen axta apteméssesso apkemha apmonye' apxagkok ma'a José, tén han apkeltaqmelchessesso m'a ekyókxoho aqsok apagkok ekyetnakxa nak.

Job 1:3

siete mil axta apyókxoho apnaqtósso nepkések, tres mil yányátnáxeg, mil axta weyke kéltéteykekxa mók, tén han quinientos yámelyeheykok kelwán'ák. Apxámok apagko' axta han apkelásenneykha naqsa. Apyeykhásseykmók axta ekxámokma aqsok apagkok ma'a apyókxoho énxet'ák apheykha axta m'a ekpayho nak ekteyapmakxa ekhem.