Jeremías 8:2 - Biblia Enxet

² kólnegkenek sa' aqsa neyseksa mayáhat, tén han aptaqmelakxa pelten, tén han neyseksa apkelápogwátéyak ma'a apyókxoho yaw'a, apkelmopmenyého apagko' axta chá'a m'a, apkelánéssama axta chá'a aqsok, tén han apkelyetleykencha'a axta chá'a, apkelpaqhetchásamákpoho axta chá'a, tén han apkelpeykessamo axta chá'a. Méko sa' kalmekxak yaqwayam kalátawanyek. Kaxnagkokxak sa' aqsa náxop, ektémól'a weyke ekteyáseykha.

Jeremías 8:2 Referans Kwoze

2 Reyes 23:5

Apkelwátessásegkek axta han apkeltamheykha m'a apkelmaxnéssesso nak énxet'ák agkok ma'a aqsok kéláyókxa, aptemessáseyak axta m'a apkelwesse'e apkelwányam nak Judá, yaqwayam elwatnek chá'a aqsok ekmátsa nak ekpaqneyam éten agkok ma'a néten egkexe kélpeykessamókxa nak chá'a kéleykmássesso, ekheykegko axta m'a tegma apkelyawe nak Judá, tén han ma'a nepyáwa nak Jerusalén, tén han ma'a apkelmaxnéssesso axta chá'a énxet'ák agkok aqsok kéláyókxa', apwatnéssamo axta chá'a aqsok ekmátsa nak ekpaqneyam éten agkok ma'a Baal, ekhem, pelten, yaw'a apkelxegámo nak chá'a, keñe han ma'a ekyókxoho aqsok élápogwátéyak nak néten.

Jeremías 9:22

Hágkek aphopák náxop ma'a énxet'ák, máxa m'a weyke ekteyáseykha ekhéyak la'a yókxexma, máxa m'a hótáhap apyexna appalleykhal'a neptámen ma'a énxet apkelyaqtónma nak, méko nahan élmákxo.” Wesse' egegkok apxeyenma xa.

Deuteronomio 4:19

Kélenmexawók agkok nahan ma'a néten kólwetak ma'a ekhem, pelten, yaw'a, tén han ma'a ekyókxoho aqsok élsassóxma nak néten, nágkólho káhapwak ekyekkónma kólpeykeshok xa, hakte apkeláneyak axta Dios Wesse' kélagkok élsassóxma nak néten yaqwayam kalsássesek exma apyókxoho énxet keso náxop.

Sofonías 1:5

Amasséssók sa' ma'a apkelchánte nak chá'a néten tegma yaqwayam elpeykeshok ma'a aqsok élápogwátéyak nak néten, tén han apkeltekxeyéyak nak chá'a aptapnák xapop etnéssesek naqsók apkelpeywa elxének ma'a sekwesey, tén han ekwesey m'a aqsok kéláyókxa Milcom.

Ezequiel 8:16

Tén axta séntamákxo m'a kañe' étkok apwáxok nak ma'a Wesse' egegkok tegma appagkanamap apagkok, ekwet'ak axta nahan veinticinco énxet apchaheykekxa apkap'ák tegma appagkanamap ma'a nentaxnamakxa nak tegma appagkanamap neyseksa nak ma'a émha amonye' apwáxok tegma, halep nak ekyetnamakxa m'a ekwatnamáxchexa aqsok; apkelpayhawók axta apkelháxahágko m'a ekpayho nak teyapmakxa ekhem yetlo apkeltekxeyéyak élpayhakxa nápaqta'a xapop apkelpeykásawo m'a ekhem.

Jeremías 36:30

Ektáhak ko'o seyáneya exchep se'e Joaquim wesse' apwányam nak Judá, ko'o sektáha nak Wesse', méko sa' xama enxoho aptáwen neptámen etnehek wesse' apwányam apyaqmagkasso m'a David. Kólpekkenek sa' aqsa aphápak xép neyseksa mayáhat ekhem, tén han neyseksa yeyam appok ma'a axta'a,

Jeremías 22:19

Máxa yámelyeheykok sa' kólteméssesek kólátawanyek: kólyenyawaksek sa', kóltekkesek sa' yókxexma Jerusalén.”

Jeremías 19:13

Apkelmanyása sa' etnahagkok tegma nak Jerusalén, tén han ma'a tegma apkelyawe apagkok nak ma'a kelwesse'e apkelwányam Judá, tén han ma'a néten tegma kélméssamakxa axta chá'a aqsok ánek ekmátsa nak ekpaqneyam éten agkok ma'a apyókxoho yaw'a, tén han kélyegkenmakxa axta chá'a vino kélmésso m'a mók aqsok kéláyókxa nak, ektéma nak ma'a Tófet.’”

Jeremías 16:4

Eletsapok sa' eñama negmasse ekmaso agko', méko sa' nahan kalekxagwaha eñama apkeletsapma, méko sa' nahan kalátawanyek: kaxnagkokxak sa' aqsa náxop aphopák, ektémól'a aqsok ekteyáseykha. Kasáwak sa' kempakhakma tén han meyk élnapma, máma sa' etawagkok aphopák, tén han aqsok nawha'ák éllo.”

Salmos 83:10

kélmassésseykmo axta m'a Endor, ¡kélchexakhama axta aqsa aphopák éltahapma néten xóp!

2 Reyes 21:3

apnaqxátekháseykegkokxeyk axta makham ma'a kélpeykessamókxa axta mók aqsok kéláyókxa', apmassésseyam axta m'a Ezequías, apyáp axta; apkelánegkek axta han kélwatnéssamakxa chá'a aqsok ma'a Baal, apkelanak axta han kéleykmássesso Aserá, ektémakxa axta apkeláneya m'a Ahab, wesse' apwányam axta Israel; apkelpeykessamók axta m'a ekyókxoho aqsok élápogwátéyak nak néten, apkeláyók axta han chá'a,

Sofonías 1:17

Aptáhak Wesse' egegkok se'e: “Malya'ássesagkek sa' aptamhágkaxa énxet'ák. Máxa meyke apaqta'ák sa' chá'a etnahagkok elxog, hakte apkeláneykegkek melya'assáxma nahaqtók ko'o. Máxa xapop ánek sa' katnehek kayegkenaxchek éma apagkok, keñe sa' aphápetek kéláncheseykekxa kaxhok ma'a ektémól'a aqsok ekteyáseykha.”

Eclesiastés 6:3

Xama énxet apwanchek chá'a étak cien apketchek, ahóxek nahan katnehek apha; agkok chá'a kapeykessásekxak apwáxok aqsok ektaqmela neyseksa apha ekwenaqte keso náxop, tén han megkólátawaña enxoho chá'a, ekxénchek ko'o sakcha'a apketsapma nak egken awáxok ektáha apkeleñémo, kaxnók xa énxet nak.

2 Reyes 21:5

Apkelánekxeyk axta makham mók élwatnamáxchexa aqsok ma'a ánet apwáxok nak kélhaxtegkesso m'a Wesse' egegkok tegma appagkanamap apagkok, apteméssessek axta han kélwatnéssamakxa chá'a aqsok ma'a ekyókxoho élápogwátéyak nak néten.

2 Reyes 17:16

Apyamasmeyk axta ekyókxoho m'a apkeltémókxa axta etnahagkok ma'a Dios Wesse' apagkok, apkeláneykegkek axta han ánet weyke étkók kelennay'awo sawo ekyexwase égmenek kélpeykáseykekxa, apkeleykmassáseykha axta han Aserá. Apkelpeykessamók axta han chá'a m'a yaw'a aphéyak nak néten keñe han ma'a Baal.

Deuteronomio 17:3

apkelpeykessamo nak chá'a m'a mók aqsok kéláyókxa tén han apkeltekxeyéyak nak chá'a aptapnák apmonye'e, cham'a ekhem, pelten essenhan ma'a yaw'a, meltémo nak chá'a etnahagkok ma'a Wesse' egegkok,

Salmos 53:5

Elpexyennók sa' apkelaye, melyegwaktamakxoho, hakte yexpánchesek sa' apexchakkok Dios ma'a apkelenmexma. Elmegqágwakxohok sa', hakte eltaqheksohok sa' ma'a Dios.

Jeremías 14:16

Tén han ma'a énxet'ák ektáha axta chá'a apkeltennáseykha m'a, eletsapok sa' nahan kempakhakma, tén han meyk élnapma, yetlo apnaqteyegka'a, tén han apketchek apkelennay'a tén han kelwán'ák. Kólchexák sa' aphopák ma'a ámay nak Jerusalén, méko sa' kalátawanyek. Sa' atnehek ko'o ayaqmagkásekxak ma'a apkeltémakxa ekmaso nak.

Jeremías 16:11

Sa' etnehek yátegmowagkok xép se'e: ‘Aptáhak Wesse' egegkok se'e: temegkek kéxegke xa, eñama seyamasma ko'o m'a kélyapmeyk nano' axta kéxegke, apkelyetleykekxo m'a mók aqsok kéláyókxa, yaqwayam enxoho etnahagkok éláneykha tén han elpeykesho', keñe ko'o seyamasma, meláneykegkok ma'a séltémókxa axta etnahagkok sekmésso axta ko'o.

Jeremías 31:40

Hélpagkanchesek sa' ko'o ekyókxoho m'a ekyapwátegweykenxa xapop, kélátawanyamakxa nak chá'a apkeletsapma, kélchexakhamakxa nak han chá'a m'a táhap, tén han ma'a ekyókxoho yókxexma ekheykegko nak ma'a ényahamakxa nak yegmen Cedrón, ekweykekxoho m'a máséyak ekwesey nak Átog Yátnáxeg, ekpayho nak teyapmakxa ekhem, megkólyaqnegkesagkek sa' chá'a kaxwók xama enxoho xa ekyókxoho nak, megkólmasséssemek sa' nahan.”

Ezequiel 6:5

Akxák sa' ko'o aphopák amonye'e kéleykmássesso apagkok ma'a énxet'ák Israel, waxpánchesha sa' apexchakkok ma'a nekhaw'ék nak apwatnamakxa chá'a aqsok.

Ezequiel 29:5

Ayenyók sa' ma'a yókxexma ekyamáyekxa nak exma, yetlo m'a ekyókxoho kelasma éleñama nak wátsam apagkok; etyegwók sa' ma'a yókxexma eyáxñeyo nak, méko sa' nahan kawakxak yaqwayam enxoho kólátawanyek. Wának sa' katwok ma'a aqsok nawha'ák éllo élleykha nak naxma tén han ma'a máma.

Salmos 83:11

Etnésses énxet'ák apagkok ekha nak kéláyo apteméssessamakxa axta m'a Oreb, tén han ma'a Zeeb; etnésses apyókxoho apkelámha apmonye'e apagkok apteméssessamakxa axta m'a Zébah, tén han ma'a Salmuná,

Jeremías 9:20

Kelán'ák, kóleyxho Wesse' egegkok appeywa, kóltaqmelchesho kélháxenmo aptáhakxa nak appeywa. Kóltames éllekxagweykha kélketchek, tén han kélxegexma'a yaqwayam katnehek kallekxagwaha s'e:

Jeremías 9:21

“Taxneyk enxanák nétsapma, wokmek ma'a tegma apkelyawe egagkok apkeltaqmalma nak; kelnapchek sakcha'a apkelennay'a m'a ámay nak, tén han wokma'ák ma'a apheykegkaxa nak chá'a énxet'ák elweynchamha.

Jeremías 16:6

Eletsapok sa' ekyawe nak kéláyo tén han meyke nak kéláyo s'e apchókxa nak; méko sa' kalátawanyek, tén han kalekxagwaha kalano', méko sa' nahan kalpexyekhasha émpehek kaxekmóshok élapwayam élányo, méko sa' nahan kamopaksohok ektegye ekyese.

Jeremías 25:33

Kaxnagkok sa' aphopák ekyókxoho yókxexma nak keso náxop apkelnapma nak Wesse' egegkok xa ekhem nak. Méko sa' kalekxagwaha kalano', méko sa' nahan kalmekxak aphopák yaqwayam kalátawañek; exnagkokxak sa' aqsa náxop ektémól'a aqsok ekteyásekha.

Ezequiel 39:5

Kólhagkok sa' aqsa náxop ma'a yókxexma eyáxñeyo nak. Ekxénchek ko'o xa sektáha nak Wesse'. Ekméssek ko'o sekpeywa.