Biblia Todo Logo
Bib sou entènèt

- Piblisite -




Jeremías 8:16 - Biblia Enxet

16 ¡Apkelxegakmek sẽlenmexma! ¡Legáxkók kaxwók Dan apkelennama m'a yátnáxeg apkelchánte nak ma'a énxet'ák! Apkelpáweyk agkok ma'a, kayawheykha ekyókxoho xapop. Apkelxegakmek yaqwayam emasséssak negókxa, tén han ekyókxoho aqsok egagkok, ekweykekxoho m'a tegma apkelyawe yetlo énxet'ák apheykha m'a kañe'.”

Gade chapit la Kopi




Jeremías 8:16
22 Referans Kwoze  

Lais axta ekwesey eykhe sekxók ma'a, keñe aptemessáseykekxo ekwesey Dan, ekxénweykekxoho apwáxok ma'a apyáp nano', Israel axta apketche.


“¡Kelpáwokmek apmagkok yátnáxeg! ¡Apnaqtémokme', apnaqtémokmek ma'a yátnáxeg apkelyennaqte apkeltaqmalma nak!


Kelpexyennegkek han meteymog élekhahéyak ekwet'a; wéweynteyk han mámeye ekyawe agko' eñama m'a néten, páweyk han awáxok ma'a wátsam ekmattawóneg agko' nak, kelnextegkessek élyaqyahayam élyawe agkok.


¡Kóleyxho énmageykha kelyekpexchetma ekwenaqte, tén han éxtegyawasso xapop ma'a yátnáxeg apkelyenyawasso! ¡Kóleyxho élpáweykha apmagkok yátnáxeg, tén han élnextegeykha néten ma'a yátnáxeg apkelyenyawasso!


Apkelyelqákpek nahan apyapmeyk apkelleg'a yátnáxeg apmagkok apkeléwayam, tén han éxtegyawasso xóp yátnáxeg apkelyenyawasso, tén han élaqtáwayam ma'a amagkok nak, apkexakkek aqsa apketchek.


Eyke eyenyenta aplo nepyeseksa m'a énxet'ák melya'ásegko nak xép, cham'a énxet'ák mewóneykha nak chá'a exchep, hakte apkelnapmeyk ma'a Jacob nak énxet'ák apagkok, apmassésseykmek apyókxoho, ekmaso aptemessáseykekxak ma'a apchókxa.


Apkelmákxeyk ma'a yágke tén han sókwenaqte apagkok; apkellómók apagko' nahan ma'a, megkayóshek elanok ma'a aqsok; máxa wátsam ekwányam ekpáwà awáxok ma'a apkelwónchesso nak, apkelxegakmek yátnáxeg apkelchánte. Appenchásegkek aptamhágkaxa yaqwayam yempakhak ma'a Sión.”


Énmexawók axta m'a élámhakxa nak meteymog élekhahéyak, kelpexyennegkek axta; kelyawheykha axta ekyókxoho m'a egkexe nak.


Wesse' egegkok apagkok keso nélwanmeygkaxa, tén han ma'a ekyókxoho aqsok ekhéyak nak awáxok, tén han ma'a ekyókxoho élleykha nak.


Tén axta apyókxoho israelitas apchaqnákxo m'a Mispá, nápaqtók Wesse' egegkok, eyeynmo m'a Dan ekweykekxoho m'a Beerseba, keñe han ma'a Galaad, xama appasmeykekxa axta aptamhákxa'.


¿Xépya apnextegkesso chá'a néten aptémól'a sawa', élyegwakkassamól'a énxet ma'a ekpáweykha apwéhek ekyennaqte?


Kéleykmássesso segmegqassamo nélpeykessamo ensawhessók ma'a aqsok apkelwete axta ẽlyapmeyk nano' ma'a nentémakxa axta egketkók: cham'a nepkések, weyke, tén han egketchek apkelennay'a tén han kelwán'ák.


Etókasek sa' ma'a aqsok ekyexna apkeneykekxa, tén han apto, elnáhakkasek sa' nahan ma'a apketchek apkelennay'a tén han kelwán'ák. Etókasek sa' nahan ma'a nepkések apnaqtósso, tén han weyke, anmen yámet apkeneykekxa, tén han higo yámet. Sókwenaqte sa' elmaha emasséssók ma'a tegma apkelyawe ekyennaqte nak kélhaxtegkáseyak nepyáwa', cham'a apchásenneykekxo nak chá'a exchep.”


Aptáhak Wesse' egegkok se'e: “¡Legáxcheyk élpayheykha kélatña'ák élyegweymáxche', tén han eyeymáxche', tén han magya'áseyak nentáhakxa!


Kólmasséssók sa' eyke nahan apyókxoho m'a apmassésseyam nak chá'a kéxegke, kólnaqlakxak sa' nahan megkatnahakxa apkelókxa apyókxoho m'a kélenmexma nak; wának sa' ko'o kólyementamagkok aqsok apagkok ma'a apkelyementaméyak nak chá'a aqsok kélagkok, wának sa' nahan kólmenyexchesagkok aqsok apagkok ma'a apkelmenyexchesso nak chá'a aqsok kélagkok kéxegke.


Yágke apkelmeykha tén han sawhéwa; Apkellamchek apagkók nahan ma'a, megkayóshek elanok aqsok, máxa wátsam ekwányam éxtegyawà m'a apkelwónchesso nak, yátnáxeg apkap'ák apkelxegakmok. Appenchásegkek aptamhágkaxa yaqwayam yempakhak ma'a Babilonia.


Yawheyha xapop, pexyennegkek nahan, hakte apkelanak Wesse' egegkok ma'a ekxeyenma axta apwáxok elána', apmáheyo etnéssásekxak Babilonia meyke xama aqsok ekmaso agko'.


Tekkek yámakméwa m'a ekyáqtamakxa nak, xegakmek ma'a ekmassésseykmoho nak pók aptémakxa énxet'ák; tekkek ma'a eyókxa nak, peyk kamasséssak kélókxa, yaqwayam kamasséssessók ma'a apchókxa tén han katnéssásekxak yókxexma meykexa énxet, tén han nápakha'a apketkók ma'a tegma apkelyawe kélagkok nak.


Swiv nou:

Piblisite


Piblisite