Jeremías 8:15 - Biblia Enxet

¹⁵ Nélhaxanmeyk axta kataqmelek negheykha, makke anxaweyk xama enxoho aqsok ektaqmela. Nélhaxanmeyk axta kawak élyenneykha egyempehek, nélmeneykha axta aqsa negweteyk.

Jeremías 8:15 Referans Kwoze

Jeremías 14:19

Wesse', ¿apkexakkek apagkóya exchep ma'a énxet'ák Judá? ¿Leklágwokmeya exchep apkeltémakxa m'a énxet'ák apheykha nak tegma apwányam Sión? ¿Yaqsa ektáha sẽlyensásegko nak negko'o meyke néltaqmelwayam? Nélhaxanmeyk axta kataqmelek negheykha, makke anxaweyk xama enxoho aqsok ektaqmela. Nélhaxanmeyk axta kawak élyenneykha egyempehek, nélmeneykha axta aqsa negweteyk.

Miqueas 1:12

Apkelpexyawáha apkellegeykegkoho ekmáske m'a énxet'ák apheykha nak Marot, kelpekhéssek kataqmelwók apheykha, hakte Wesse' egegkok apkeltémo kawak aqsok ekmaso ekweykmoho m'a átog nak ma'a Jerusalén.

Jeremías 8:11

Etnéssesek aqsa chá'a apkelánésso apkelyense m'a énxet'ák ahagkok; exének chá'a ektaqmela, asagkek eykhe katnehek.

Jeremías 4:10

Keñe ko'o sektáha s'e: “¡Wesse'! ¿Yaqsa ektáha apkelyexancháseyncha'a nak énxet'ák Jerusalén? Apkeltennassegkek axta exchep elmések meyke ektáhakxa apheykha, keñe kaxwo', kélyepetchessásegko apyespa'ák sawo.”

Job 30:26

Élhaxanmeyk axta ko'o kapayhekxak ewáxok, keñe seyáhapwaya m'a ekyaqhápeykha ewáxok; élhaxanmeyk axta kawak élseyéxma, keñe seyáhapwaya ekyaqtessóxma.

Jeremías 6:25

¡Nágkólántép yókxexma, nágkólmohok ma'a ámay nak! ¡Yetlo apkelmeykha m'a nélenmexma nak; ¡sawhékxók élmeneymaxche ekyókxoho yókxexma!”

Jeremías 12:12

Apkelxegakmek énxet'ák apkello m'a ekyókxoho egkexe nak yókxexma meykexa énxet, hakte yetneyk ko'o xama sókwenaqte, ko'o sektáha nak Wesse', yaqwayam sa' kamasséssók ekyókxoho s'e apchókxa nak, méko sa' xama enxoho katnehek meyke ektáhakxa apha.

Ezequiel 7:25

Keytek sa' nepyeseksa m'a nélmenaye ekyawe nak; elchetmok sa' eykhe m'a meyke ektáhakxa nak egwáxok, melwetekxeyk sa' eyke.