Jeremías 7:11 - Biblia Enxet

¹¹ ¿Kélanagkamcheya kéxegke katneyk apkelyexánegweyktamxa apkelmenyexma s'e tegma appagkanamap sélpeykessamókxa nak chá'a ko'o? Ekweteyak ko'o ekyókxoho xa. Ko'o sekxeyenma xa, sektáha nak Wesse'.

Jeremías 7:11 Referans Kwoze

Isaías 56:7

anaqlanták sa' ko'o m'a egkexe ahagkok ekpagkanamaxchexa nak alpeykessásekxak sa' apkelwáxok ma'a exagkok ektamhomaxchexa nak chá'a nempeywa nélmaxnagko. Almok sa' ko'o takha' aqsok apkelwatno tén han apkelnapma apnegkenweykekxa chá'a m'a néten nak ekwatnamáxchexa aqsok sélmésso, hakte eltamhakpok sa' ko'o exagkok ektamhomaxchexa nempeywa nélmaxnagko apagkok ma'a apyókxoho énxet'ák.

2 Crónicas 6:33

yeyxho sa' xeyep ma'a aphakxa nak néten, egkés sa' xép ekyókxoho m'a aqsok apkelmaxnagko, yaqwayam sa' elyekpelkohok xép ma'a apyókxoho pók aptémakxa nak énxet'ák keso náxop, tén han yáwhok chá'a, aptamheykegko nak ma'a énxet'ák apagkok Israel, tén han elya'asagkohok ekxénamaxchexa apwesey s'e tegma appagkanamap nak, sélánésso axta ko'o exchep.

Jeremías 23:24

¿Yaqsa awanchek ko'o héxánegkesek? Eksawheykekxók ko'o néten tén han keso náxop, Ko'o sekxeyenma xa, sektáha nak Wesse'.

Jeremías 29:23

Sa' katnehek xa ektáha nak, eñama apkeláneyak aqsok ekmaso agko' ma'a kañe' Israel: Apnaqtawáseykegkók apnaqteyegka'a apkelánéseykegko chá'a m'a apnámakkok apnaqteyegka'a, apkelmopwancha'a amya'a nahan chá'a aptamheykegkok apkelxeyenma m'a sektémakxa sekpeywa, maltémo nak chá'a ko'o elxének. Ekya'ásegkók ko'o xa, ekweteyak nahan. Ko'o sekxeyenma xa, sektáha nak Wesse'.’”

Jeremías 2:34

Apkeltexneymákpek kélnaqta éma apagkok ma'a énxet'ák meyke nak aqsok apagkok, tén han ma'a meyke nak apkeltémakxa, énxet'ák megkólweteya axta chá'a kéxegke elanagkok xama enxoho m'a aqsok ekmaso agko'.

Jeremías 7:10

keñe chá'a kólmeyenták se'e tegma appagkanamap sélpeykessamókxa nak chá'a ko'o, kólchaqnágwaták nahaqto'. Kólának chá'a méko katnehek kélheykha s'e; kólának chá'a kélwanchek kóllenxanmagkohok kéllánéyak xa aqsok sektaqnagkamo nak ko'o.

Ezequiel 35:13

Paqmetchek axta exche' sewañencha'a, kayhek axta ekpeywa sexéneyncha'a ko'o. Ekleg'ak axta nahan ko'o.

Isaías 1:12

Hélyo'óták chá'a ko'o kéxegke. ¿Yaqsa eyke éltémo kólántaxnegwaták chá'a kañe' tegma apwáxok ahagkok yetlo megkóltaqmelchesso?

Daniel 9:18

Henlano negko'o, Dios egagkok, yeyxho han nélmaxnagko; elano ektémakxa nak nennaqtawásamáxche', tén han aptawásamap ma'a tegma apwányam ekxénamaxchexa nak chá'a apwesey. Magwóneyha negko'o exchep óltennaksek ma'a nentémakxa ekpéwomo, wánxa aqsa m'a ektémakxa nak ekyawe apmopyósa henlano'.