Jeremías 6:8 - Biblia Enxet

⁸ Kastégho sa', Jerusalén, sa' agkok kastégak, ayenyók sa' eñama megkaleklo ewáxok, yókxexma meyke xama aqsok sa' atnessásekxa', meyke énxet apheykha kañe' sa' atnessásekxa'.”

Jeremías 6:8 Referans Kwoze

Oseas 9:12

Kélwánegkessek sa' agkok kélketchek, ko'o sa' alyementemekxak meyke seyégkesso xama. ¡Asagkek sa' katnehek ektáhakxa xa énxet'ák nak, séxaya sa' ko'o!

Ezequiel 23:18

Tén axta ektemégwokmohoxma yáxña'akxoho agko' élana ektémakxa megkamasexta, xekmowásexcheyk axta ekyókxa meyke agko' apáwa, ekwokmoho megkalcha agko' ko'o ewáxok sélano m'a, ekhawo m'a ektémakxa axta sektaqnawágweykmo ektémakxa m'a yáxa nak.

Jeremías 17:23

Axta eyke ko'o heháxenmók ma'a, axta han hélyeheykekxoho', apkelyennaqtéssegkek axta aqsa apkelwáxok, axta hélyeheykekxoho', mopmenyeyk axta kólxekmósagkok.

Sofonías 3:7

Axta entáhak élchetamso ewáxok se'e: ‘Sa' heyeyk chá'a énxet'ák Jerusalén sekteméssesa enxoho xa tén han elyahakxohok chá'a apékessesagkok; tén sa' megkólmasséssemek chá'a m'a apxanák nak eñama ko'o séllegassáseykegkoho.’ Apkelánegkokxeyk axta eyke aqsa makham ekyókxoho m'a mók ektémakxa nak chá'a aqsok ekmaso.

Jeremías 32:33

Eyheykekxeyk apkap'ák, massegkek sélányo. Axta ayenseykmok eykhe sélxekmósso, makke hélyeheykekxoho', melmák takha' m'a séltémókxa etnahagkok.

Salmos 50:17

megkalcha enxoho kélwáxok alxekmósagkok, tén han megkólámenyého enxoho m'a sekpeywa.

Jeremías 31:19

Ekyamasmeyk axta ko'o exchep, chaqhak eyke kaxwók ewáxok ma'a sektémakxa; ekya'ásegwákxók ekyetna may'assáxma, ektekpagáha egkenyek; ekmegqágweykxók ahagko', may'ásegkok sektáhakxa eñama m'a may'assáxma sélane axta sektémakxa wokma'ák.’

Jeremías 9:11

“Meteymog ektaháneykekxa mók sa' ko'o atnessásekxak ma'a Jerusalén, semheg nawha'ák éllo élyexanmomakxa; yókxexma meykexa énxet sa' atnessásekxak ma'a tegma apkelyawe nak Judá, meyke énxet apheykha kañe' sa' atnéssesek.”

Jeremías 7:34

Amasséssók sa' ko'o kélmeneykmasso nak kélessawássessamo tén han ekpayheykekxa egwáxok ma'a tegma apkelyawe nak Judá, tén han ma'a ámay nak Jerusalén, tén han ma'a negmeneykmasso nak chá'a sẽlyamhopma; meyke xama aqsok sa' katnekxak ekyókxoho xa apchókxa nak.”

Jeremías 7:20

Cháxa keñamak peya nak ko'o ayenyenták seklo neyseksa s'e yókxexma nak, ko'o sektáha nak Wesse' tén han nepyeseksa xa énxet'ák nak, ekweykekxoho m'a aqsok kélnaqtósso, tén han yenta'a élámha nak yókxexma, tén han aqsok kélcheneykekxa. Sa' katnehek ma'a ektémól'a táxa eyáléwe, megkólmowánal'a kólsapanchesek.”

Jeremías 4:14

Jerusalén, yáxñásekxa apwáxok aqsok ekmaso, keñe sa' ewagkasakpok teyp. ¡Elwatés ekxéneykha apwáxok aqsok ekmaso!

Jeremías 2:15

¿Yaqsa eyke ektéma kélchetámeykmo nak ektémól'a yámakméwa, yetlo kélpáxegkáseykha ekyennaqte? Ekmaso kéltemessásekxak ma'a apchókxa; kélwatneyáseykekxók nahan ma'a tegma apkelyawe apagkok, méko nahan xama énxet enxoho apheykekxa m'a.

Proverbios 4:13

Emyow sa' ma'a sélxekmowáseyak axta, ná eyenyekxa aqsa; elána' sa' chá'a, hakte cháxa yaqwayam chá'a kagkések ekyennaqte apnények xa.

Salmos 94:12

Oh Wesse', apkeleñémo énxet apkelxekmósso nak chá'a exchep, tén han apmésso nak chá'a nélxekmowásamáxche apagkok,

Salmos 2:10

Kelwesse'e apkelwányam, tén han apkelámha apmonye'e nak keso náxop, kóltaqmelchesho kélháxenmo s'e, ¡kalestegák se'e, kóláwho han!

Deuteronomio 32:29

Kaxtemék axta ekha apkelya'áseyak xa, elyekpelkohok axta; elya'asagkohok axta aqsok élhaxna m'a apmonye'e.

Levítico 26:34

Keñe sa' xapop keytnekxak aqsa neyseksa ektamheykekxa meyke xama aqsok, tén han neyseksa kélheykha kéxegke m'a kélenmexma nak apchókxa'; sa' katnehek kallókasek ekyampe xapop xa, megkamowagko axta kallókasek ekyampe nanók axta.

Jeremías 7:28

Etne sa' elának se'e: Keso énxet'ák melyaheykekxa nak Dios Wesse' apagkok se'e, megkalmopmenyého nak kóllánekxések apkeltémakxa. Massegweykmók agko' apkelxeyenma m'a amya'a ekmámnaqsoho.’”

Proverbios 19:20

Yeyxho chá'a ektáhakxa kélpaqhetchesso, ema chá'a takha' ektáhakxa kélnókáseykha; keñe sa' etnehek ekha apya'áseykegkoho aqsok.

Oseas 2:5

Keláneyak axta ekmaso ektémakxa megkamasexta m'a egken nak, massegkek axta ekteme meyke ektémakxa', ektéma axta ekpeywa s'e: ‘Ategyaha sa' ko'o sélpathetéyak, segkésso nak chá'a sekto, tén han ma'a yegmen, tén han nepkések apwa', tén han apáwa apkeláxñeyo nak, tén han pexmok égmenek, tén han ma'a sekya.’