Jeremías 6:30 - Biblia Enxet

³⁰ Eltamhakpok sa' “sawo élmope élmomnáwa kélchexakha”, hakte xép apkexakha xa, Wesse'.

Jeremías 6:30 Referans Kwoze

Oseas 9:17

Mopmenyeyk elyahakxohok Dios ahagkok xa énxet'ák nak, cháxa keñamak peya sa' elyetnakhaksek ma'a Dios ahagkok, elweynchamha sa' aqsa nepyeseksa m'a pók aptémakxa nak énxet'ák.

Isaías 1:22

Kélhawók axta kéxegke m'a sawo ekmope ekmomnáwa, keñe kéltemessásexchekxoho kélagko' ekho aqsok apák kélchexakha, kélhawók axta m'a vino ektaqmalma, keñe kéltemessásexchekxoho kélagko' ekho yegmen.

Salmos 119:119

Máxa aqsok apák kélchexakha apkelányo exchep ma'a élmasagcha'a nak apkeltémakxa keso náxop; cháxa keñamak seyásekhayo nak ko'o m'a apchánamakxa nak antéhek.

Isaías 1:25

Añássesagkohok sa' ko'o makham wanmexek xép, alwatnések sa' ekyókxoho aqsok apák apagkok; amópessásekxak sa' ekyókxoho ekmanyása apyempehek.

Lamentaciones 5:22

Ẽltaqnaweykegkók apagko' eyke exchep; aplómok apagko' xeyep senlányo.

Jeremías 14:19

Wesse', ¿apkexakkek apagkóya exchep ma'a énxet'ák Judá? ¿Leklágwokmeya exchep apkeltémakxa m'a énxet'ák apheykha nak tegma apwányam Sión? ¿Yaqsa ektáha sẽlyensásegko nak negko'o meyke néltaqmelwayam? Nélhaxanmeyk axta kataqmelek negheykha, makke anxaweyk xama enxoho aqsok ektaqmela. Nélhaxanmeyk axta kawak élyenneykha egyempehek, nélmeneykha axta aqsa negweteyk.

Jeremías 7:29

¡Énxet'ák Jerusalén, kólyaqtén kélwa', keñe sa' kólchexa'! ¡Kólmeneykmés sa' negmeneykmasso senlapwayam ma'a néten nak xóp eyáxñeyo meykexa nak xama aqsok! Hakte apkeltaqnaweygkek Wesse' egegkok ma'a énxet'ák kélagkok nak, apkexakke', apkelyetnakhássek nahan.

Proverbios 25:4

Negyenyókassek agkok chá'a sekxók ekmanyása m'a sawo ekmope ekmomnáwa nak, keñe sa' natámen elának chá'a egheykok ma'a énxet apkeláneyo nak chá'a sawo ekmope;

Salmos 53:5

Elpexyennók sa' apkelaye, melyegwaktamakxoho, hakte yexpánchesek sa' apexchakkok Dios ma'a apkelenmexma. Elmegqágwakxohok sa', hakte eltaqheksohok sa' ma'a Dios.

Jeremías 7:1

Appaqhetchessek axta Wesse' egegkok ma'a Jeremías. Aptáhak axta apcháneya s'e:

Zacarías 11:8

Élántekkessek axta nahan apqántánxo keláneykha nepkések xama pelten, séleklágwayam axta ko'o apkeltémakxa tén han setaqnagko axta ko'o.

2 Reyes 17:20

Tén axta Wesse' egegkok apkeltaqnaweykegko m'a israelitas aptawán'ák neptámen, mékoho axta aptemessáseykxa', apkelméssegkek axta m'a apkelmenyexma nak, ekwokmoho apkelántekkesa m'a apheykegkaxa nak.

Jeremías 23:33

“Jeremías, aptemék sa' agkok xama énxet, essenhan aplegasso nak sekpeywa, essenhan apkelmaxnéssesso nak énxet'ák ahagkok elmaxneyha s'e: ‘¿Háxko apkeltémókxa antéhek Wesse' egegkok?’ Etne sa' elának se'e: ‘Apxénchek kéxegke Wesse' egegkok kéltáha apseykha ekyentaxno, peyk han yohok kólpallamok.’