Jeremías 6:25 - Biblia Enxet

²⁵ ¡Nágkólántép yókxexma, nágkólmohok ma'a ámay nak! ¡Yetlo apkelmeykha m'a nélenmexma nak; ¡sawhékxók élmeneymaxche ekyókxoho yókxexma!”

Jeremías 6:25 Referans Kwoze

Jeremías 49:29

Kólyementamák ma'a apkelpakxenéyak nak, tén han ma'a apnaqtósso nepkések, tén han ma'a apkelpakxanma nak chá'a, yetlo m'a ekyókxoho aqsok apagkok apkelmeykegkaxa nak chá'a. Kólyementamák ma'a yányátnáxeg apkelchánte, kólteme kólpáxegkesha ekyennaqte kólyegwakkasek se'e: ‘¡Sawheykxók élmeneymáxche ekyókxoho yókxexma!’

Jeremías 20:10

Añohok chá'a ko'o etnehek elyexchesakpohok elpaqmétek énxet'ák se'e: “¡Sawheykxók élmeneymaxche ekyókxoho yókxexma!” Etnehek nahan chá'a s'e: “¡Kólchempoho, ansexnenak sa'!” Weykmók nahan chá'a apkelhaxanma atlapmok ma'a sélxegexma'a ahagko' nak. Etnehek chá'a elpaqmétek se'e: “Elyahakxohok sa' kexa kólyexanchesha; keñe sa' agmok, agyaqmagkásekxak ma'a senteméssessamakxa nak negko'o.”

Jeremías 14:18

Ektekkek agkok yókxexma, ótak kaxnagkok kélhapák aptekyawa neyseksa kempakhakma; ektaxneyk agkok tegma apwányam, ótak apkeletsapma énxet'ák eñama meyk élnapma. Weykmok apkellegasso Dios appeywa, tén han apkelmaxnéssesso Dios énxet'ák apagkok apkelmaheykegko m'a apchókxa melya'ásegkaxa nak.’”

Salmos 31:13

Añohok chá'a ko'o elyexchesakpok énxet'ák etnehek hexének se'e: “Sawheykekxók élmeneymáxche ekyókxoho yókxexma.” Apyepetchákxeyk pók apkelánégkokxo yaqwánxa hetnéssesek; ¡apkelánégkokxeyk aptamhágkaxa apmako heyaqhek!

Job 18:11

Elmeneyha sa' chá'a apmahágkaxa enxoho; eyaqmasakpok sa' chá'a apmahágkaxa enxoho.

Jeremías 8:14

Keñe sa' etnehek elpaqmétek énxet'ák se'e: “¿Yaqsa ektéma negheykencha'a nak aqsa s'e? ¡Ólmeyekxak negyókxoho m'a tegma apkelyawe ekyennaqte nak kélhaxtegkáseyak nepyáwa' yaqwayam sa' óletsapwakxak ma'a! Dios Wesse' egegkok peyk hẽlnápekxa'; ẽleykegkek ma'a yegmen kélenchehe nak pánaqte segaqhamo, hakte nenláneykegkek negko'o mólya'assáxma nénmexeykekxo m'a.

Jeremías 4:10

Keñe ko'o sektáha s'e: “¡Wesse'! ¿Yaqsa ektáha apkelyexancháseyncha'a nak énxet'ák Jerusalén? Apkeltennassegkek axta exchep elmések meyke ektáhakxa apheykha, keñe kaxwo', kélyepetchessásegko apyespa'ák sawo.”

Jeremías 4:5

“Kóllegés Jerusalén tén han Judá s'e. Kólpáwes kélaqkahasso kóltennaksek ekyókxoho apchókxa, nágkólésagkoho kóltéhek kélpeywa s'e: ¡Kólchexyem! ¡Agaqnekxak sa'! ¡Ólmeyekxak sa' ma'a tegma apkelyawe ekyennaqte nak kélhaxtegkáséyak nepyáwa'!’

Isaías 1:20

kéllenxanmégkók sa' agkok kélmámenyého kóltéhek élyennaqte kélwáxok, kóletsapok sa' neyseksa kempakhakma.” Wesse' egegkok apagko' apxeyenma xa.

2 Crónicas 15:5

Méko axta xama enxoho ektaqmalma negha m'a nanók axta, apkelmeneykha axta aqsa m'a apyókxoho apheykha nak ma'a ekyókxoho apkelókxa'.

Jeremías 30:5

Aptáhak Wesse' egegkok se'e: “¡Legáxcheyk élpayheykha kélatña'ák élyegweymáxche', tén han eyeymáxche', tén han magya'áseyak nentáhakxa!

Jeremías 46:5

“¿Yaqsa eyke ko'o sekwet'a? Apkelaqxegágkokxeyk yetlo ekyawe agko' apkelaye. Apkexpaqneyk apmenxenákpo m'a kempakhakma yapmeyk apagkok; apkenyahágkek meyke apkelpeynchamakpoho neptámen. ¡Sawheykxók élmeneymáxche ekyókxoho yókxexma! Ko'o sekxeyenma xa, sektáha nak Wesse'.

Lamentaciones 2:22

Máxa keleñamak apnaqlókmo m'a aqsok segyegwakkassamo nak, ektémól'a kólya'ammok ma'a kélessawássessamo; méko axta xama enxoho eyewagko kagketaxchek ma'a aplawa axta exchep Wesse'. Apkelnapmeyk sélenmexma m'a séktegkesso axta, tén han ma'a sélxekmowáseyak axta.

Jeremías 8:15

Nélhaxanmeyk axta kataqmelek negheykha, makke anxaweyk xama enxoho aqsok ektaqmela. Nélhaxanmeyk axta kawak élyenneykha egyempehek, nélmeneykha axta aqsa negweteyk.

Jeremías 49:5

Wahak sa' ko'o kéxegke kélaye éleñama ekyókxoho yókxexma nak kélnepyáwa'. Ko'o sekxeyenma xa, sektáha nak Wesse' ekha sekyennaqte. Kélyókxoho sa' kéxegke kólenyahagkok kóltamhok kólwagkasaxchek teyp, méko sa' xama enxoho yaqwayam kánchásekxak makham.

Ezequiel 7:18

Elántaxnekxak sa' ma'a apáwa sẽlwáxaqxamól'a magkenatchesso éllegágkoho apkelwáxok; kalpexyennók sa' ekyókxoho apyempe'ék, elxog sa' yetlo élyexwáseykekxa nápaqta'a apkelmegqakto, tén han élmópeyo agko' apkelyese.

Ezequiel 21:17

Ko'o sa' nahan ayáteyagkoho ekwokmoho ekmassa seklo. Ko'o sekxeyenma xa, sektáha nak Wesse'.”