Jeremías 6:22 - Biblia Enxet

²² Aptáhak Wesse' egegkok se'e: “Apkelánekxeyk aptamhágkaxa peya elxegmak énxet'ák apkelyennaqte, apheykha nak ma'a apkelókxa makhawók agko', ekpayho nak nexcheyha.

Jeremías 6:22 Referans Kwoze

Jeremías 10:22

¡Kóltaqmelchesho kélháxenmo! ¡Wa'ak xama amya'a! Xegakmek éxtegyawà ekyawe eñama m'a apchókxa nexcheyha, yaqwayam sa' katnessásekxak yókxexma meykexa énxet ma'a tegma apkelyawe nak Judá, wánxa sa' aqsa katnehek élleykegkaxa m'a semheg nawha'ák éllo.

Jeremías 25:9

aláneyha sa' ko'o apyókxoho énxet'ák apheykha nak nexcheyha yetlo séláneykha Nabucodonosor, wesse' apwányam nak ma'a Babilonia, yaqwayam sa' elxegma', ektámegmak se'e apchókxa nak, yetlo apyókxoho énxet'ák apheykha nak kañe', tén han ma'a apyókxoho énxet'ák apheykha nak neyáwa'. Amasséssók sa' ko'o ekyókxoho. Meteymog ektaháneykekxa mók meyke néxa sa' atnessásekxa', negaye agweta', tén han segyegwakkassamo.

Jeremías 6:1

¡Benjamín énxet'ák apagkok, kóltegyaha kélyexanmomakxa! ¡Kólántép Jerusalén! Kólpáwés kélaqkahasso m'a Tecoa, kólya'és néten xama aqsok magkenatchesso m'a Bet-haquérem, hakte nexcheyha peyk kañék kaxegmak ma'a nentekyawa tén han nenlegeykegkoho ekmaso agko'.

Jeremías 5:15

Aptáhak Wesse' egegkok se'e: “Israel, anaqlókásegmak sa' ko'o exchep énxet'ák, apkeleñama nak makhawók agko', cham'a énxet'ák apkelyennaqte nak tén han nanók agko' énxet'ák nak. Mopwanchek xép apkelpeywa m'a, mey'asagkek han ma'a aptáhakxa enxoho apkelpeywa.

Deuteronomio 28:49

Ektágkásegmak sa' kéxegke Wesse' egegkok ma'a énxet'ák apkeleñama nak apchókxa makhawók agko' keso náxop, cham'a énxet'ák megkólmowána nak kéxegke m'a apkelpeywa. Máxa sa' etnahagkok ma'a ektémól'a náta meyke ahekhek ekyennaqtél'a kampa';

Nehemías 1:9

keñe apxeyenma negya'aweykto enxoho exchep, tén han nenlánegko enxoho m'a apkeltémókxa nak antéhek, nélyahákxoho enxoho, apxeyenma hennaqlosawakxak neyseksa néxpaqneykha ekweykmoho m'a ektemegwánxa nak néxa keso náxop, hennaqlakxak makham ma'a yókxexma ekpagkanamaxche apkelyéseykegkaxa axta ekyetnamakxa apwesey.

Jeremías 4:6

Kólye'és néten bandera kólenmexcheshok ma'a ekpayho nak Sión; ¡kóltegyaha kélyexanmomakxa, nágkólchaqnágwom aqsa! Hakte nexcheyha sa' ko'o kañék asógmak ekyawe agko' nenlegeykegkoho ekmaso, tén han sẽlmassésseyam nak.

Jeremías 13:20

Kólyeheykha, kóllano ektáhakxa apkelxegáyam kélenmexma m'a ekpayho nak nexcheyha. ¿Háxko apkelmahágkaxa m'a nepkések séltémo axta ko'o héltaqmelchessesek, cham'a nepkések eyaqheykencha'a axta kéxegke kélwáxok?

Jeremías 47:2

“Ektáhak ko'o sekpeywa s'e, sektáha nak Wesse': Nexcheyha keñamak ekwa'a ekho yegmen ekyawe, ektémól'a wátsam katyapok yegmen; sawhékxók eyapma m'a apchókxa, tén han ma'a ekyókxoho aqsok ekhéyak nak kañe', cham'a tegma apkelyawe nak, tén han apheykha nak ma'a kañe'. Apkelwehéseyha m'a apyókxoho énxet'ák apheykha nak kañe', kelpayheyha apatña'ák apkellegágkoho ekmáske.

Ezequiel 21:31

ategkesek sa' ko'o seklo takháxet xeye' ektémól'a m'a táxa eyáléwe ekmasól'a; agkések sa' ko'o exche' yaqwayam emok ma'a énxet'ák megkamayósa nak elanok aqsok tén han ma'a apmassesseykmoho nak chá'a aqsok.

Jeremías 4:16

“Kóltennasák sa' pók aptémakxa énxet'ák, tén han Jerusalén apkelxegakmo apkelenmexma apkeleñama m'a apchókxa makhawók agko' nak apkelwónchesakmo apmako yempakhak ma'a tegma apkelyawe nak Judá.

Jeremías 5:16

Apyókxoho aptamhéyak kempakhakma yapmeyk apkelyennaqte m'a, máxa nahan takhaxpop meyke kélápeykekxa m'a apxata nak yágke aktek apagkok.

Jeremías 25:32

Aptáhak Wesse' ekha apyennaqte s'e: “Katekxeyagkohok sa' mók kawak aqsok ekmaso m'a xama apkelókxa, tekkek éxchahayam ekyennaqte agko' eñama m'a néxa xóp nak.”

Jeremías 30:5

Aptáhak Wesse' egegkok se'e: “¡Legáxcheyk élpayheykha kélatña'ák élyegweymáxche', tén han eyeymáxche', tén han magya'áseyak nentáhakxa!

Ezequiel 23:22

Cháxa keñamak sektáha nak ko'o sekpeywa s'e, sektáha nak Wesse': Élenmexma sa' ko'o kaxwók atnessásekxak xeye' m'a élmámenyého nak chá'a, cham'a megkaleklama agko' nak kaxwók xeye' awáxok kalano'. Wának sa' ko'o ektámegmak xeye' énxet'ák apheykha nak ekyókxoho apheykegkaxa,

Habacuc 1:6

Wampakhássesek sa' ko'o m'a caldeos, énxet'ák apkello megkalmayósa nak elanok aqsok, apkelweynchámeykha nak chá'a ekyókxoho yókxexma, yaqwayam emok chá'a xapop megkatnahakxa nak chá'a apagkok.