Jeremías 6:13 - Biblia Enxet

¹³ “Apyókxoho kelxéneykha chá'a apkelwáxok ma'a aqsok élmenyexamaxche nak; cham'a ekyawe nak kéláyo, tén han ma'a meyke nak kéláyo, apyókxoho nahan aptamhéyak apkelmopwancha'a amya'a m'a apkellegasso nak sekpeywa, ekweykekxoho m'a apkelmaxnéssesso nak chá'a énxet'ák ahagkok.

Jeremías 6:13 Referans Kwoze

Jeremías 23:11

Aptáhak Wesse' egegkok se'e: “Weykmok meheyáyo m'a apkellegasso nak sekpeywa tén han ma'a apkelmaxnéssesso nak chá'a énxet'ák ahagkok, ekweteyak han chá'a apkeláneykegko aqsok ekmaso m'a tegma appagkanamap ahagkok ahagko' nak.

Jeremías 8:10

Cháxa keñamak peya nak ko'o almések pók énxet ma'a apnaqteyegka'a nak, tén han pók énxet yaqwayam etnehek apagkok ma'a xapop apagkok nak. Apyókxoho kelxéneykha chá'a apkelwáxok ma'a aqsok élmenyexamaxche nak; cham'a ekyawe nak kéláyo, tén han ma'a meyke nak kéláyo, apyókxoho nahan aptamhéyak apkelmopwancha'a amya'a m'a apkellegasso nak sekpeywa, ekweykekxoho m'a apkelmaxnéssesso nak chá'a énxet'ák ahagkok.

Miqueas 3:11

Elmok chá'a takha' elxawagkok selyaqye m'a énxet'ák segyekpelchémo nak tegma apwányam, selyaqye aqsa chá'a eltamhok elxawagkok ekyánmaga apkelxekmósso apnámakkok ma'a apkelmaxnéssesso nak Dios énxet'ák apagkok, keñe m'a apkellegasso nak chá'a Dios appeywa, elmok chá'a ekyánmaga apkeltenneykha elxénmakha appasmo m'a Wesse' egegkok, etnehek chá'a apkelpeywa s'e: “Apheyk negyeseksa negko'o Wesse' egegkok; méko xama aqsok ekmaso awanchek hegáhapwak negko'o.”

Jeremías 22:17

“Wánxa eyke aqsa chá'a exchep ekxéneykencha'a apwáxok ma'a apxámáseyak nak aqsok apagkok eñama apmenyexeykha; apkelnapmeyk chá'a m'a meyke nak apkeltémakxa, apnaqtawáseykegkok chá'a énxet'ák apagkok.”

Miqueas 3:5

Megkataqmelweykmok apkelxega m'a énxet'ák ahagkok eñama apkelyexancháseykha chá'a m'a apkellegasso nak sekpeywa apkelmopwancha'a amya'a, apkeltennasso nak chá'a katnehek meyke ektáhakxa apheykha m'a apkelmésso nak chá'a aptéyak, keñe eltennaksek chá'a yempakhak ma'a meléyak nak chá'a aptéyak. Aptáhak apkelxéna Wesse' egegkok, cháxa apkellegasso nak appeywa apkelmopwancha'a amya'a:

Jeremías 14:18

Ektekkek agkok yókxexma, ótak kaxnagkok kélhapák aptekyawa neyseksa kempakhakma; ektaxneyk agkok tegma apwányam, ótak apkeletsapma énxet'ák eñama meyk élnapma. Weykmok apkellegasso Dios appeywa, tén han apkelmaxnéssesso Dios énxet'ák apagkok apkelmaheykegko m'a apchókxa melya'ásegkaxa nak.’”

Jeremías 5:31

Wanchek amya'a m'a apkelxeyenma nak chá'a Dios appeywa apkellegasso; etnahagkok nahan chá'a apmakókxa enxoho etnahagkok apkeláneykha apchókxa m'a apkelmaxnéssesso nak Dios énxet'ák apagkok, ¡kalkohok nahan apkelwáxok énxet'ák ahagkok katnehek xa ektáha nak! ¿háxko sa' eyke kéxegke kóltéhek ekwokmo sa' néxa ekhem?’”

Isaías 57:17

Énxet'ák Israel melya'assáxma axta eyke keñamak seklama ko'o yaqwatakxoho, éllegassáseykegkók axta ko'o m'a, éxakhamchek axta nahan; énmexeykekxeyk axta eyke ko'o m'a, apkelyeheykekxók axta m'a ektémakxa axta ekmámenyého apkelwáxok elanagkok.

Ezequiel 33:31

Keñe elxegmak chá'a m'a énxet'ák ahagkok, elhak chá'a apmonye' exchep, ekhawo m'a aptamheykegkaxal'a chá'a, yaqwayam yeyxhok ma'a appeywa. Makke eláneykegkok chá'a m'a. Elwehenagkohok aqsa chá'a, máxa etnéssesek ma'a ektémól'a xama negmeneykmasso ekmátsal'a ageyxho', selyaqye aqsa chá'a kelxéneykha apkelwáxok ma'a.

Ezequiel 22:12

Yetneyk han chá'a nápakha énxet'ák apagkok apma nak chá'a kólmések ekyánmaga yánékpok yaqhek ma'a pók. Emássesha nahan chá'a selyaqye apagkok pók yetlo apma ekyawe agko' ekyánmaga tén han apkeltémo eyánmagkásekxohok chá'a mók néten, elyennaqtésha nahan chá'a apyempe'ék enaqtawasagkohok ma'a apnámakkok, keñe ko'o megkaxénhek chá'a apkelwáxok. Ko'o sekxeyenma xa, sektáha nak Wesse'.

Lamentaciones 4:13

¡Apyókxoho Dios appeywa apkellegasso tén han apkelmaxnéssesso Dios énxet'ák apagkok keñamak ekyegkenamaxko éma apagkok meyke nak apkeltémakxa m'a kañe' nak tegma apwányam!

Jeremías 32:32

apyókxoho selókáséyak nak chá'a eñama aqsok ekmaso apkeláneyak ma'a énxet'ák Israel, tén han ma'a Judá, ekhawo han ma'a kelwesse'e apkelwányam apagkok nak, tén han ma'a apkelámha apmonye'e apagkok, tén han ma'a apkelmaxnéssesso nak chá'a énxet'ák apagkok, tén han apkellegasso nak chá'a amya'a, tén han ma'a apyókxoho apheykha nak Judá, tén han ma'a Jerusalén.

Jeremías 2:26

“Sa' etnahagkok elmegqeyk énxet'ák Israel, tén han énxet'ák, tén han kelwesse'e apkelwányam, tén han apkelámha apmonye'e, tén han apkelmaxnéssesso Dios énxet'ák apagkok tén han apkellegasso nak Dios appeywa m'a aptémól'a énxet apmenyexma emegqeyk kólwetagkohok apmenyexakxa;

Jeremías 2:8

Mehektamsók ko'o m'a apkelmaxnéssesso énxet'ák ahagkok, mehey'ásegkok ko'o m'a énxet'ák apkelxekmósso nak segánamakxa énxet'ák ahagkok, élmexeykekxeyk ko'o m'a apkelámha apmonye'e nak, keñe m'a apkellegasso nak sekpeywa, apkelxeyenma chá'a m'a Baal ekwesey, apkelyetleykekxeyk ma'a aqsok kéleykmássesso ekteme nak mékoho.

Isaías 28:7

Yetneyk nahan chá'a nápakha apkelyawheykha eñama élnapma vino tén han élpelápagkáseykha chá'a m'a anmen ekyennaqte segaqhamól'a: apkelyawheykha chá'a m'a apkelmaxnéssesso nak Dios énxet'ák apagkok tén han ma'a Dios appeywa apkellegasso nak eñama élnapma m'a anmen ekyennaqte segaqhamól'a, kelyeykessegkexma m'a vino; kelpelápagkáseykha m'a anmen ekyennaqte segaqhamól'a, elyawheykha chá'a m'a apkelwet'a enxoho aqsok kélxekmósso, kalnápok nahan chá'a m'a apkelxéna enxoho yaqwánxa kólteméssesek xama énxet.

Jeremías 2:29

¿Yaqsa ektéma sélxéneykencha'a nak chá'a ko'o? Kélyókxoho élenmexeykekxak ko'o kéxegke. Ko'o sekxeyenma xa, sektáha nak Wesse'.

Jeremías 17:11

Máxa sénhek apkeltahanwayam la'a aqsa megkatnahakxa appok ma'a énxet apxámasso nak aqsok apagkok eñama apmenyexeykha. Ekyennákxoho apyempehek sa' nahan kamassegwók ma'a ekxámokma aqsok apagkok, keñe sa' natámen etnehek ekyeyháxma.

Jeremías 27:15

Apxeyenmeyk Wesse' egegkok melápháseykencha'a m'a; apkelmopwancha'a amya'a aptamheykegkok apkelxeyenma m'a Wesse' egegkok appeywa. Yexpánchesek sa' kéxegke m'a Wesse' egegkok, keñe sa' kéxegke tén han apkelxeyenma nak chá'a apkellegasso Dios appeywa, kélxeyenma nak chá'a xa aqsok nak, kóletsapok sa'.”

Jeremías 42:1

Apkelya'aweykxeyk axta apyókxoho apkelámha apmonye'e sẽlpextétamo, yetlo Johanán, Caréah axta apketche, tén han Azarías, Hosaías axta apketche, tén han apyókxoho énxet'ák, ketcheyetse nak, tén han apkelwányam

Jeremías 23:10

Apxámok énxet apnaqtawáseykegkoho nak chá'a apnaqteyegka'a apkelane chá'a mók se'e apchókxa nak, énxet'ák ekmanyehe nak chá'a elanagkok aqsok ekmaso, apchásenneykekxa nak chá'a apkelyennaqte yaqwayam melánekxések apheykha énxet'ák. Cháxa keñamak apyamanma nak Wesse' egegkok ma'a xapop, keñe ekyamáya, kelyameykegkek nahan pa'at ma'a yókxexma meykexa nak énxet.