Jeremías 52:9 - Biblia Enxet

⁹ Apmeyk axta caldeos ma'a wesse' apwányam keñe kélyentamákxo m'a aphakxa nak wesse' apwányam Babilonia, ekpayho nak Riblá, yókxexma Hamat. Yetlókok axta han apxeyenma Nabucodonosor yaqwánxa kólteméssesek ma'a Sedequías.

Jeremías 52:9 Referans Kwoze

Jeremías 39:5

Apkelamhágkek axta eyke m'a sẽlpextétamo Caldes, aptahanyeykxeyk axta Sedequías ma'a ekpayhegweykenxa nak xapop ma'a Jericó. Apmeyk axta, kélyentamákxeyk axta aphakxa wesse' apwányam Nabucodonosor, ekpayho nak ma'a Riblá, yókxexma Hamat. Cha'a apxénakxa axta han Nabucodonosor apkeltamhókxa kólteméssesek: nápaqtók axta nahan apkeltamhók kólyaqténchesagkok apyespa'ák apketchek ma'a Sedequías, tén han ma'a apyókxoho kelwesse'e nak ma'a Judá.

Números 13:21

Apkelxegkek axta m'a énxet'ák, apkelanawók axta apchókxa eyeynamo m'a yókxexma meykexa nak énxet Sin, ekpayho nak nepyeyam, ekweykekxoho m'a Rehob, ekpayho nak nexcheyha, ekpayho nak nentaxnamakxa m'a Hamat.

2 Reyes 25:6

Apmeyk axta caldeos ma'a wesse' apwányam keñe kélyentamákxo m'a aphakxa nak wesse' apwányam Babilonia, ekpayho nak Riblá, yókxexma Hamat. Cha'a apxénakxa axta han Nabucodonosor apkeltamhókxa kólteméssesek ma'a Sedequías,

Josué 13:5

Kéméxcheyk han ma'a xapop apagkok nak guiblitas, keñe han ma'a ekyókxoho yókxexma nak Líbano ekpayho nak ekteyapmakxa ekhem, eyeynókxa m'a Baal-gat, émhakxa nak ma'a egkexe Hermón, ekweykekxoho m'a nentaxnamakxa nak ma'a Hamat.

2 Crónicas 33:11

Axta keñamak apchahaya Wesse' egegkok ma'a sẽlpextétamo apkelámha apmonye'e apagkok nak wesse' apwányam Asiria, apchásekkessama axta sawo élhaxe apmoma m'a Manasés, apkelpextetegkek axta cadena sawo élyexwase, apyentameykekxeyk axta m'a Babilonia.

2 Crónicas 8:3

Tén axta apxega apkelnápekpo m'a énxet'ák apheykha nak Hamat nak Sobá, apmeyk axta han ma'a.

2 Reyes 23:33

Apmomchek axta eyke faraón Necao ma'a Riblá aphéssama kañe' negmomaxchexa', yókxexma Hamat, yaqwayam enxoho metnehek wesse' apwányam ma'a Jerusalén. Apkeltémok axta chá'a eyánmagkasek énxet'ák ekyókxoho kañe' apheykegkaxa tres mil trescientos kilos sawo élmope ekmomnáwa, tén han treinta y tres kilos ma'a sawo ekyátekto ekmomnáwa.

1 Reyes 8:65

Apkelanak axta Salomón apkelsawássessamo kélpakxeneykegkaxa nak yenta'a aktegák étkók, tén han ma'a apyókxoho énxet'ák Israel, apxámok apagko' axta apkelwe apkeleñama m'a nentaxnamakxa nak Hamat, ekweykmoho m'a alwáta étkok nak Egipto, apkelánésa m'a Dios Wesse' egegkok, tén han mók apkelsawássessamo ekweykmoho siete ekhem; catorce ekhem axta ekyókxoho apkelsawássessamo.

Números 34:11

kaxog sa' eñama m'a Sefam ekweykekxoho m'a Riblá, ekpayho nak ekteyapmakxa ekhem Ain; sa' kañék nahan néxa xapop kamyenták ma'a nekha nak ekteyapmakxa ekhem neyáwa nak wátsam ekpayhegwayam ma'a Quinéret,

Jeremías 21:7

Keñe sa' Sedequías wesse' apwányam nak Judá, wának emok ma'a Nabucodonosor tén han ma'a pók apkeltaqnagkamakxa apagko' nak chá'a, elmakpohok sa' nahan xamók ma'a sẽlpextétamo apkelwesse'e apagkok, tén han sẽlpextétamo apagkok tén han énxet'ák apkeleymomap nak meletsapma m'a tegma apwányam, megkalnapma nak negmasse, kempakhakma, tén han meyk. Wának sa' ko'o kólnápok kólyetxeygkok sawo, meyke apkelmopyóseka kóllano'. Ko'o sekxeyenma xa, sektáha nak Wesse'.

Lamentaciones 4:20

Apmomakpek ma'a Wesse' egegkok apkelyéseykha nak, sẽlwasqakkáseykekxoho axta chá'a, cham'a wesse' apwányam nentéma axta chá'a agának se'e: “Aghakha sa' chá'a negko'o aphakxa exchep nepyeseksa énxet'ák yaqwayam hẽlmeyók chá'a”.

Ezequiel 11:10

Sókwenaqte sa' kalnápok kéxegke. Sa' alyekpelkohok ko'o kéltémakxa kéxegke m'a ektemegwánxa nak néxa xapop ma'a Israel, keñe sa' kólya'ásegwók sektáha ko'o Wesse'.

Ezequiel 23:24

Káhapwak sa' xeye' ekxámokma agko' ma'a yátnáxeg apkelyenyawasso tén han ma'a sẽlpextétamo; ewakhak sa' ekyókxoho neyáwa exche', yetlo apkelmeykha tén han apkelatchesso apqatkok sawo tén han apkeláhakkásamap, agkések sa' ko'o yaqwayam ékpelkohok xeye' m'a, eñássesagkohok sa' nahan ekhawo m'a ektémakxa nak chá'a segánamakxa apagkok.