Jeremías 52:7 - Biblia Enxet

⁷ Kélyagkaxqatchek axta m'a nápakha tegma apyawe kélhaxtegkesso nak, apwakhayak axta eykhe caldeos ma'a, axta eyke kahaxnak aptepa wesse' apwányam yetlo apyókxoho sẽlpextétamo apagkok tegma apwányam nak, axta'a axta apkenyahágkok, apkelántekkek axta m'a átog ekpayho nak élámhakxa ánet meteymog tegma kélhaxtegkesso, cham'a ámay ekpayho nak kélchencháseykekxexa axta pánaqte exnók ma'a wesse', keñe apkelyetlawa m'a ámay ekmahéyak nak ekyapwátegweykenxa m'a Jordán.

Jeremías 52:7 Referans Kwoze

Jeremías 51:32

Apkelmeyk axta apkelenmexma m'a wátsam apkelyekheykekxexa axta chá'a énxet'ák, apkelwatneyk axta han ma'a tegma apkelyennaqte nak, apkelyegwakkók apagko' axta m'a sẽlpextétamo.

2 Reyes 25:4

Keñe axta apyagkaxqata nápakha tegma apyawe kélhaxtegkesso, apwakhayak axta eykhe caldeos ma'a, axta eyke kahaxnak aptepa wesse' apwányam yetlo apyókxoho sẽlpextétamo apagkok tegma apwányam apkenyahágko axta'a. Apkelánteyapwokmek axta m'a átog ekyetnama axta neyseksa kélhaxtegkesso tegma, ámay ekmahéyak axta m'a kélchencháseykekxexa axta pánaqte exnók ma'a wesse' apwányam, keñe apkelyetlawa m'a ámay ekmahéyak axta ekyapwátegweykenxa m'a Jordán.

Jeremías 49:26

Exnagkok sa' aphopák wokma'ák apagkok ámay xa ekhem nak, eletsapok sa' apyókxoho m'a kempakhakma yapmeyk apagkok, Ko'o sekxeyenma xa, sektáha nak Wesse' ekha sekyennaqte.

Deuteronomio 32:30

¿Háxko katnehek emenxenek énxet apxakko enxoho m'a mil énxet'ák nak? ¿Háxko katnehek exhok emenxenek diez mil énxet'ák ma'a apqánet enxoho? ¡Wánxa m'a apmésa enxoho yaqwayam emenxenek ma'a Wesse' egegkok, aptáha nak apkeltaqmelchesso!

Deuteronomio 28:25

tén han ekwokmoho apmenxena m'a kélenmexma nak. Tásek sa' katnehek kéleywékekxa kélxega peya enxoho kólenmexekxak ma'a, kólexpaqnek sa' eyke kólenyahagkok apmonye'e m'a, elyegweyk sa' nahan apyókxoho énxet'ák apheykha nak keso náxop apkelwet'a enxoho kéxegke.

Levítico 26:36

“Kéxegke megkóletsapma nak ma'a xapop apagkok nak kélenmexma, kélmenaye ekwányam sa' atnéssesek, yámet áwa' ektéyam eyókáseykha sa' eykhe chá'a kóleyk kólenyahagkok; máxa sawo kélyaqmássesso sa' kóltéhek kólenyahagkok, kólyaqnenagkok sa' aqsa chá'a meyke ekmenxanma;

Levítico 26:17

Alenmexekxak sa' ko'o kéxegke, emenxenek sa' kéxegke m'a kélenmexma nak; elmok sa' ma'a apkeltaqnagko nak chá'a, kólenyahagkok sa' aqsa, méko sa' eykhe kamenxenek.

Jeremías 34:22

Wának sa' eyke ko'o elchexyók makham yenmexek se'e tegma apwányam nak tén han ektámenta', emok sa', keñe sa' ewatnekxoho'. Wának sa' ko'o etnekxak meyke xama aqsok ma'a nápakha nak tegma apkelyawe Judá, meyke xama énxet enxoho apha. Ko'o sekxeyenma xa, sektáha nak Wesse'.”

Jeremías 39:2

Apkelántaxneyk axta tegma apwányam ma'a sẽlpextétamo apyagqaxkatakxa axta, ekhem nueve ektéma axta once apyeyam cuatro pelten apteme wesse' apwányam ma'a Sedequías,

Ezequiel 12:12

Elpatmok sa' aqsok apagkok ma'a wesse' apwányam apagkok nak, Yáqtéssek sa' agkok ma'a, etyapok sa' yetlo xa aqsok apagkok nak, cham'a kélyagqaxqatchesakxa enxoho m'a meteymog kélhaxta nak nepyáwa tegma. Exog sa' yetlo apchaqlasso nápat, yaqwayam enxoho métyehek xama énxet ma'a nápat nak tén han yaqwayam enxoho métyehek apchókxa xa wesse' nak.

Ezequiel 33:21

Apwa'ak axta ko'o sekhakxa xama énxet apxegányam apkeñama m'a Jerusalén, ekwokmo axta cinco ekhem ma'a pelten diez, apwokmo axta doce apyeyam sẽlnaqleykekxa m'a katnahakxa nak negókxa, éltennáseyha axta ko'o apma tegma apwányam ma'a apkelenmexma nak.

Amós 4:3

Kóléwekxak sa' kólántépok ma'a ekyagqaxe nak kélhaxtegkesso tegma, sa' kólchexakhagwók ma'a egkexe Hermón nak.” Wesse' egegkok apxeyenma xa.

Jeremías 6:5

¡Axta'a sa' agketamagkok, agmasséssessók sa' ma'a tegma apkelwenaqte apagkok!”

Ezequiel 12:4

Elhaxyawés sa' aqsok apagkok ekhakxoho ekhem yaqwayam sa' exog emhagkok ma'a megkatnahakxa nak apchókxa nápaqta'awók ma'a apyókxoho énxet'ák; keñe sa' ma'a ektaxnakmo enxoho etyapok sa' nahan nápaqta'awók ma'a apyókxoho énxet'ák. Sa' etnehek etyapok ma'a aptémól'a énxet kóltekkesek apchókxa, kólyentemekxak ma'a megkatnahakxa nak apchókxa.