Jeremías 52:13 - Biblia Enxet

¹³ apwatneykxeyk axta tegma appagkanamap, keñe han ma'a wesse' apwányam apxagkok apyawe, tén han ma'a apyókxoho tegma nak tegma apwányam, ekweykekxoho m'a apyókxoho kelwesse'e apxanák nak,

Jeremías 52:13 Referans Kwoze

Miqueas 3:12

Kéxegke keñamak peya kólpeynchámekxohok xóp ma'a egkexe Sión, kéxegke keñamak peya etnekxak nápakha'a apketkók ma'a Jerusalén, tegma apwányam nak egkexe Sión, kápekxak sa' ekmompánaqma m'a egkexe nak tegma appagkanamap.

Salmos 79:1

¡Oh Dios, apkelántaxnegwa'ak xapop apagkok ma'a melya'áseyak nak xép! ¡Aptawáseyha m'a tegma appagkanamap apagkok, nápakha'a apketkók aptemessásekxak ma'a Jerusalén!

2 Crónicas 36:19

Apwatneykxeyk axta han ma'a Dios tegma appagkanamap apagkok, apkelyaqnegkásegkek axta m'a meteymog kélhaxtegkesso axta nepyáwa' m'a Jerusalén, apkelwatnéssek axta m'a apxanák apkeltaqmalma nak, apmasséssekmek axta ekyókxoho aqsok élmomnáwa ekhéyak axta m'a.

Amós 6:11

Hakte Wesse' egegkok sa' yának kóllegássesagkohok ma'a énxet'ák apheykha nak tegma apkelyawe, tén han ma'a ketcheyetse nak, nápakha'a apketkók sa' etnekxak ma'a apyókxoho nak.

Amós 2:5

Cháxa keñamak peya nak ko'o awatnek ma'a Judá, kamasséssók sa' tegma apkelyawe nak Jerusalén xa táxa nak.”

Lamentaciones 2:7

Aptaqnókek Wesse' egegkok ma'a ekwatnamáxchexa nak chá'a aqsok, apyenyókek ma'a tegma appagkanamap apagkok; apméssek yaqwayam elyaqnegkesagkok apkelenmexma m'a kélhaxtegkesso ekmasma nak chá'a tegma apwányam. ¡Legáxcheyk kélwehéseykha m'a Wesse' egegkok nak tegma appagkanamap apagkok, ektémól'a kañexchek kélwehéseykha kélessawássessamo!

2 Reyes 25:9

apwatnékxeyk axta m'a tegma appagkanamap, tén han ma'a wesse' apwányam apxagkok apyawe, tén han ma'a apyókxoho tegma nak tegma apwányam, ekweykekxoho m'a apyókxoho kelwesse'e apxanák nak,

Zacarías 11:1

¡Líbano, kalmeykesák atña'ák agkok, táxa sa' kalwatnek ma'a yámet cedro agkok!

Ezequiel 24:21

‘Etne sa' elának énxet'ák Israel se'e: Keso aptáhakxa exchek appeywa Wesse' egegkok se'e: Atwasha sa' ko'o tegma appagkanamap ahagkok, cham'a kélmámenyého kélagko' nak chá'a kéxegke kóllano' tén han kélásekhayo kélagko' nak chá'a, tén han éleymáxkoho nak chá'a kélpaqméteykha kólxénmakha, tén han apmésso nak chá'a kélyennaqte; katekyók sa' ma'a kélketchek kélnegkeneykekxa axta m'a Jerusalén, cham'a apkelennay'a nak tén ma'a kelwán'ák nak.

Jeremías 38:23

Axta aptáhak Jeremías apcháneya wesse' apwányam se'e: —Kólmések sa' caldeos ekyókxoho apnaqteyegka'a nak xép, wesse', ekweykekxoho m'a apketchek, megyegketek sa' xép xa énxet'ák nak, kólmések sa' wesse' apwányam Babilonia, kólwatnek sa' ma'a tegma apwányam.

Jeremías 34:22

Wának sa' eyke ko'o elchexyók makham yenmexek se'e tegma apwányam nak tén han ektámenta', emok sa', keñe sa' ewatnekxoho'. Wának sa' ko'o etnekxak meyke xama aqsok ma'a nápakha nak tegma apkelyawe Judá, meyke xama énxet enxoho apha. Ko'o sekxeyenma xa, sektáha nak Wesse'.”

Jeremías 22:14

Apteme nak chá'a epaqmésmakha s'e: ‘Alának sa' exagkok apyawe apagko', yetlo élyawe apwáxok ma'a néten nak.’ Elanaksek chá'a atña'ák étkók, keñe chá'a ewakhaksek elyepetchesek yámet cedro m'a nápakhaw'ék nak, keñe elyexwasaksek chá'a.

Jeremías 7:14

Sa' atnéssesek han ko'o sekteméssessamakxa axta kélpakxanma appagkanamap apyetnama nak Siló s'e tegma appagkanamap sélpeykessamókxa nak chá'a ko'o, sekmésso axta ko'o kéxegke, tén han ma'a kélyapmeyk nano', tén han kélásenneykekxo nak chá'a kéxegke.

1 Reyes 9:8

Keñe sa' se'e tegma appagkanamap nak, meteymog ektaháneykekxa mók sa' etnekxa', keñe sa' ma'a apyókxoho apkelyeykhágwayam nak chá'a, elyegweyk sa' chá'a elweta', elesmaksek sa' chá'a, keñe sa' etnehek chá'a elmaxneyha s'e: ¿Yaqsa kexa ektéma apteméssessama nak Wesse' egegkok se'e apkelókxa nak tén han se'e tegma appagkanamap nak?

Jeremías 6:5

¡Axta'a sa' agketamagkok, agmasséssessók sa' ma'a tegma apkelwenaqte apagkok!”

Jeremías 19:13

Apkelmanyása sa' etnahagkok tegma nak Jerusalén, tén han ma'a tegma apkelyawe apagkok nak ma'a kelwesse'e apkelwányam Judá, tén han ma'a néten tegma kélméssamakxa axta chá'a aqsok ánek ekmátsa nak ekpaqneyam éten agkok ma'a apyókxoho yaw'a, tén han kélyegkenmakxa axta chá'a vino kélmésso m'a mók aqsok kéláyókxa nak, ektéma nak ma'a Tófet.’”

Jeremías 21:10

Hakte xénchek ko'o ewáxok wahak aqsok ekmaso s'e tegma apwányam nak, háwe m'a aqsok ektaqmela nak. Agkések sa' ko'o yaqwayam emok ma'a wesse' apwányam Babilonia, ewatnekxohok sa' nahan ma'a. Ko'o sekxeyenma xa, sektáha nak Wesse'.

Jeremías 21:14

Allegássesagkohok sa' ko'o kéxegke ekhawo ektémakxa nak chá'a aqsok kélláneyak, awatnések sa' naxma kélagkok, cháxa táxa nak, kalwatnek sa' ma'a ekyókxoho aqsok ekhéyak nak kélnepyáwa'. Ko'o sekxeyenma xa, sektáha nak Wesse'.’”

Jeremías 32:29

Elántexek sa' caldeos apketámeyak nak ma'a tegma apwányam, ewatnekxak sa'; elwatnohok sa' xamók ma'a tegma, kélwatnéssamakxa nak chá'a néten aqsok ánek ekmátsa ekpaqneyam ma'a Baal, yaqwayam helókasek ko'o, tén han kélméssamakxa nak chá'a vino m'a aqsok kéláyókxa éleñama nak mók nekha.

Lamentaciones 2:5

Máxa katnaha egmók aptáhak Wesse' egegkok: apmasséssekmók apagko' ma'a Israel; apkelyaqnegkásegkek ma'a apyókxoho tegma apkelyawe agkok, tén han ma'a tegma apkelyennaqte, apcha'ak meyke néxa apkellegeykegkoho ekyentaxno apkelwáxok ma'a Judá, tén han apkellekxagweykha.

Lamentaciones 2:6

Máxa apmenyexma aptáhak megyessákxo aptawásencha'a m'a tegma appagkanamap apagkok; apmasséssekmek ma'a kélpeykessamókxa nak chá'a. Apmasséssekmek Wesse' egegkok élánamáxche nak chá'a kélessawássessamo m'a Sión, tén han ma'a sábado. Aplo keñamak aptaqnawaya m'a wesse' apwányam tén han ma'a apkelmaxnéssesso nak chá'a énxet'ák apagkok.

Ezequiel 16:41

Elwatnések sa' ma'a axagkok nak, exének sa' yaqwánxa kólteméssesek xeye' naqta'awók ekxámokma agko' ma'a kelán'ák. Amasséssessók sa' ma'a ektémakxa nak élane ektémakxa ekmaso megkamasexta, kamaskok sa' kaxwók kayánmagkasek ma'a ektáha nak chá'a élpathetéyak.

Lamentaciones 2:8

Apxeyenmeyk axta Wesse' egegkok elyaqnegkesek ma'a kélhaxtegkesso nak Sión. Apkelyetsátegkek axta yaqwánxa emasséssók, apkelanak axta han meyke apkelwátesseyam. Apkelyaqnegkásegkek axta m'a nápakhaw'ék tegma tén han ma'a kélhaxtegkesso, apkellapwagkásegko axta aptémól'a énxet, apheyásawók axta mók apkelyaqnegkesso.