Jeremías 52:11 - Biblia Enxet11 Keñe m'a Sedequías, apkeltamho kólhexyawássesek apaqta'ák tén han kólpextétek cadena sawo élyexwase yaqwayam kólyentemekxak ma'a Babilonia, apheykenxa axta apmomakpo, ekweykmoho apketsapa. Gade chapit la |
Keñe sa' Sedequías wesse' apwányam nak Judá, wának emok ma'a Nabucodonosor tén han ma'a pók apkeltaqnagkamakxa apagko' nak chá'a, elmakpohok sa' nahan xamók ma'a sẽlpextétamo apkelwesse'e apagkok, tén han sẽlpextétamo apagkok tén han énxet'ák apkeleymomap nak meletsapma m'a tegma apwányam, megkalnapma nak negmasse, kempakhakma, tén han meyk. Wának sa' ko'o kólnápok kólyetxeygkok sawo, meyke apkelmopyóseka kóllano'. Ko'o sekxeyenma xa, sektáha nak Wesse'.
Máxa apmenyexma aptáhak megyessákxo aptawásencha'a m'a tegma appagkanamap apagkok; apmasséssekmek ma'a kélpeykessamókxa nak chá'a. Apmasséssekmek Wesse' egegkok élánamáxche nak chá'a kélessawássessamo m'a Sión, tén han ma'a sábado. Aplo keñamak aptaqnawaya m'a wesse' apwányam tén han ma'a apkelmaxnéssesso nak chá'a énxet'ák apagkok.
Káhapwak sa' xeye' ekxámokma agko' ma'a yátnáxeg apkelyenyawasso tén han ma'a sẽlpextétamo; ewakhak sa' ekyókxoho neyáwa exche', yetlo apkelmeykha tén han apkelatchesso apqatkok sawo tén han apkeláhakkásamap, agkések sa' ko'o yaqwayam ékpelkohok xeye' m'a, eñássesagkohok sa' nahan ekhawo m'a ektémakxa nak chá'a segánamakxa apagkok.