Jeremías 52:1 - Biblia Enxet

¹ Veintiún apyeyam apagkok axta weykmok Sedequías apkeynamo apteme wesse' apwányam, once apyeyam axta weykmok apteme wesse' apwányam ma'a Jerusalén. Hamutal axta ekwesey egken, Jeremías axta apketche, eñama axta m'a Libná.

Jeremías 52:1 Referans Kwoze

2 Reyes 24:18

Veintiún apyeyam apagkok axta weykmok Sedequías apkeynamo apteme wesse' apwányam, once apyeyam axta weykmok apteme wesse' apwányam ma'a Jerusalén. Hamutal axta ekwesey egken, Jeremías axta apketche, eñama axta m'a Libná.

Josué 10:29

Aptekkek axta makham Josué apkeñama m'a yókxexma Maquedá yetlo énxet'ák Israel apkelmahágko m'a tegma apwányam nak Libná, apketámegkek axta.

2 Crónicas 36:11

Veintiún apyeyam apagkok axta weykmok Sedequías apkeynamo apteme wesse' apwányam, once apyeyam axta apteme wesse' apwányam ma'a Jerusalén.

2 Reyes 8:22

Apxakcha'awók axta kaxwók aptamhágkok ma'a énxet'ák Edom, massék axta aptáha apkeláneykha m'a Judá, ekwokmoho s'e kaxwo' nak. Apxakcha'awók axta han aptamheykegkok ma'a tegma apwányam Libná.

Josué 15:42

Tén han ma'a tegma apkelyawe apheykegko nak ma'a Libná, Éter, Asán,

2 Reyes 23:31

Veintitrés apyeyam apagkok axta apkeynamo apteme wesse' apwányam ma'a Joacaz, apqántánxo pelten axta apteme wesse' apwányam ma'a Jerusalén. Hamutal axta ekwesey egken, Jeremías axta apketche, eñama axta m'a yókxexma Libná.

Isaías 37:8

Apleg'ak axta amya'a sẽlpextétamo apwesse' asirios aptepa wesse' apwányam Asiria m'a tegma apwányam Laquis. Tén axta aptaqháwo apkeñama m'a Jerusalén, apwetágweykxeyk axta nahan wesse' apwányam Asiria apketámegkaxa m'a tegma apwányam Libná.

Jeremías 21:1

Apcháphássek axta wesse' apwányam Sedequías Pashur, Malquías axta apketche, yetlo Sofonías apteme axta apkelmaxnéssesso Dios énxet'ák apagkok, Maaseías axta apketche ey'ókxak ma'a Jeremías tén han etnehek yának se'e: “Hẽlpaqhetchessesakpoho negko'o Wesse' egegkok, hakte egketamokmek negko'o m'a Nabucodonosor wesse' apwányam nak Babilonia. Lapmaxcheyk sa' elának Wesse' egegkok ma'a aqsok sempelakkasso nak agweta', tén han yának etaqhohok ma'a Nabucodonosor.” Yetlókok axta appaqhetchesso Wesse' egegkok ma'a Jeremías,

Jeremías 51:59

Apméssek axta apkeltamhókxa etnehek Dios appeywa aplegasso Jeremías ma'a Seraías, Nerías axta apketche, Maaseías axta aptáwen, ektéma axta cuatro apyeyam apteme apkeláneykha apchókxa m'a Sedequías, wesse' apwányam axta m'a Judá. Apyetlókek axta nahan Seraías wesse' apwányam Sedequías apmahágko m'a Babilonia, hakte axta apteme chá'a apkelánéseykekxa yaqwánxa exek ma'a wesse' apwányam.

2 Reyes 25:1

Apxegkek axta han wesse' apwányam Nabucodonosor yetlo apyókxoho sẽlpextétamo apagkok apketámegko Jerusalén, keñe apwakhegwokmo, cham'a ekhem diez, pelten diez, ekwokmo axta nueve apyeyam apteme wesse' apwányam ma'a Sedequías. Apkelpakxenwa'ak axta han ma'a ekpayho nak tegma apwányam, apkelánegkek axta han ámay néten ma'a nepyáwa nak yaqwayam ektamagkok.

Jeremías 39:1

Apxegkek axta Nabucodonosor wesse' apwányam Babilonia yetlo apyókxoho sẽlpextétamo apagkok peya yempakhak ma'a Jerusalén ekweykmo axta diez pelten nueve apyeyam apteme wesse' apwányam Sedequías ma'a Judá, apwakhegwokmek axta.

Habacuc 1:17

¿Ellenxanmagkohoya sa' caldeos sẽlma negko'o yám'én apagkok? ¿Ellenxanmagkohoya sa' apkelnapma énxet'ák meyke apkelmopyóseka apkelányo?