Jeremías 51:5 - Biblia Enxet

⁵ apkeláneykegkek eykhe melya'assáxma nahaqtók ko'o m'a énxet'ák Israel tén han Judá, apsawheyáseykekxók melya'assáxma m'a apchókxa, makke akxakhák ko'o makham, sektáha nak Wesse' ekha sekyennaqte, Dios Appagkanamap nak Israel.

Jeremías 51:5 Referans Kwoze

Zacarías 12:8

Almeyók sa' ko'o m'a apheykha nak Jerusalén, ko'o sektáha nak Wesse'. Apkelyennaqte sa' nahan etnahagkokxak ma'a apkelyelqamákpoho nak, ektéma axta m'a wesse' apwányam David, keñe sa' ma'a David aptawán'ák neptámen nak etnahagkokxak ma'a aptémakxa nak Dios, aptémakxa nak ma'a Wesse' egegkok apchásenneykha, apxegamól'a chá'a apmonye'e.

Zacarías 12:6

“Máxa átex éláléweykhal'a neyseksa yántapák sa' ko'o atnéssesek apkelámha apmonye' nak Judá xa ekhem nak, ektémól'a táxa eyáléweykhal'a nepyeseksa hótáhap apexchakkok kélyaqtónma kéltéteykekxal'a nepxet. Kalwatnek sa' ma'a ekyókxoho apheykegkaxa nak chá'a pók aptémakxa énxet'ák ma'a neyáwa, keñe sa' ma'a énxet'ák apheykha nak Jerusalén elhekxak sa' aqsa makham ma'a tegma apwányam apagkok nak.

Oseas 4:1

Israelitas, kóleyxho aptáhakxa nak appeywa Wesse' egegkok. Appekkenchek yaqwayam elxénchásekxohok apkeltémakxa énxet'ák apheykha nak se'e apchókxa nak, hakte méko kaxwók mekxeymákpoho nepyeseksa énxet'ák se'e, tén han melyepetcheykha apnámakkok; massegkek apkelya'áseyak ma'a Dios.

Zacarías 2:12

Emekxak sa' makham Wesse' egegkok yaqwayam etnehek apagkok apagko' ma'a Judá, xapop ekpagkanamaxche. Exénekxak sa' makham Jerusalén apteme tegma apwányam apagkok apkelyéseykha.

Miqueas 7:20

¡Wesse', ná elwátessem ma'a ektémakxa nak mehegyenyaweykha, tén han segásekhayo apkeltennassama axta etnéssesek nanók axta m'a ẽlyapmeyk nano', cham'a Abraham tén han Jacob!

Miqueas 7:18

Méko pók Dios aphawo nak xép, hakte meyaqmagkásekxeyk chá'a exchep nentémakxa ekmaso, kalwanaqmohok nahan chá'a exchep nénmexeykekxa negko'o néleymomáxche nak egqántawók énxet'ák apagkok. Atsek negko'o eltamhók xép henxekmósek segásekhayo, megkawegqók chá'a aplo.

Oseas 1:10

Xama ekhem sa' exnágwakxohok makham apxámokma israelitas ma'a ektémakxa nak ekxámokma yagkamex ma'a neyáwa nak wátsam ekwányam, méko sa' kawának kay'asagkohok apwánxa, tén han kalyetsetek. Megkatnehek sa' kólának kaxwók se'e: “Háwe kéxegke kaxwók énxet'ák ahagkok.” Sa' etnehek elának Dios se'e: “Kéxegke kélteme apketchek ma'a Dios memassegwayam nak.”

Ezequiel 9:9

Aptáhak axta seyátegmowágkokxo Wesse' egegkok se'e: “Awanhók agko' apkeltémakxa melya'assáxma m'a énxet'ák Israel tén han ma'a énxet'ák Judá. Xámok agko' aqsok ekmaso m'a apchókxa; xámok agko' megkapéwomo nak nentémakxa m'a kañe' tegma apwányam. Apkenagkamchek ko'o ayamasmak ma'a apkelókxa; apkenagkamchek nahan mateyk ma'a aqsok apkelánéyak.

Ezequiel 8:17

Tén axta aptáha seyáneya Wesse' egegkok se'e: “¿Apwet'aya? ¡Megkalleklámeykegkok apkelánegweykta chá'a énxet'ák Judá aqsok ekmaso agko' se'e kañe' nak, apsawheyáseykekxók apchókxa m'a negyennaqteyáseykha nak egyempehek! Megkamassegweykmok selókáséyak, etekhanchessegkek chá'a m'a apkeltémakxa ekmanyása.

Jeremías 50:20

Ektáhak ko'o sekpeywa s'e, sektáha nak Wesse': Megkóteyaxcheyk sa' apkelsexnánémap tén han melya'assáxma énxet'ák Israel, tén han Judá xa ekhem nak, hakte mayaqmagkásekxeyk sa' ko'o apkeltémakxa axta m'a énxet'ák seyhayo nak elweynchamha makham.

Jeremías 46:28

Ektáhak ko'o sekpeywa s'e, sektáha nak Wesse': Jacob énxet'ák apagkok, apteme nak séláneykha, nágkóle, hakte ekheyk ko'o xamók kéxegke. Amasséssók sa' ko'o ekyókxoho apkelókxa, cham'a sélya'assamakxa axta chá'a ko'o kéxegke séxpánchessama. Keñe sa' kéxegke mamassésseme'; allegássesagkohok sa' aqsa ekpayhawo nak atnéssesek séllegassáseykegkoho: megkatnehek sa' mallegassáseykegkoho kéxegke.”

Jeremías 31:37

Kélwanchek sa' agkok kélyetsátegko xama ekhem ekwánxa ekyawe m'a néten, tén han kéllanawo enxoho xapop, ekweykekxoho m'a awhak nak, akxák sa' ko'o énxet'ák Israel xa ekhem nak, eñama m'a ekyókxoho aqsok ekmaso apkeláneyak. Ko'o sekxeyenma xa, sektáha nak Wesse'.”

Jeremías 23:15

Cháxa keñamak sektáha nak ko'o sélxéna sektáha nak Wesse' ekha sekyennaqte xa apkellegasso nak sekpeywa: Alagkok sa' ko'o aqsok ekmáske agko', alagkok sa' ma'a yegmen kélencheheykekxa nak pánaqte segaqhamo, hakte appeykeseykekxeyk ekyókxoho apchókxa nentémakxa ekmaso m'a apkellegasso nak sekpeywa apheykha nak Jerusalén.”

Jeremías 19:4

Hakte eyamasmeyk ko'o israelitas, yókxexma negkenatchesso aptemessáseykekxak se'e xapop nak; apkelméssegkek chá'a aqsok ánek ekmátsa nak ekpaqneyam éten agkok mók aqsok kéláyókxa s'e kañe' nak, cham'a melya'áseykegko nak tén han melya'áseykegko axta m'a apyapmeyk nano', tén han ma'a kelwesse'e apkelwányam nak Judá, apkelnapmeyk énxet meyke nak apkeltémakxa s'e yókxexma nak.

Jeremías 16:18

Ayeykhássamhok sa' ko'o sekxók sekyaqmagkáseykekxa m'a apkeltémakxa ekmaso tén han melya'assáxma, hakte apkenyetséssegkek xapop ahagkok apnegkenma m'a aqsok kéleykmássesso apák nak, apkeláneykegkek nahan aqsok sektaqnagkamo nak chá'a ko'o m'a ekyókxoho xapop sekmeyáseykekxa axta ko'o.”

Isaías 62:12

Eltamhakpok sa' israelitas “Énxet'ák apkelpagkanamap”, “Wesse' egegkok apkelwagkasso teyp”, keñe sa' Jerusalén eltamhakpok, “Tegma apwányam kélmámenyého”, “Tegma apwányam metaqmópéyak”.

Isaías 44:21

“Israel, kaxén sa' apwáxok xép apteme séláneykha. Jacob xép apteme séláneykha, hakte ko'o axta sélane exchep. Israel, náhélwánaqmágwom aqsa ko'o.

Salmos 94:14

Mekxáyhek sa' chá'a Wesse' egegkok ma'a énxet'ák apagkok, mekxáyhek sa' chá'a apxakcha'awok ma'a ektáha nak apagkok.

Esdras 9:9

Sẽlásenneykha naqsa eykhe negko'o, makke hegyenseykmok xép neyseksa sẽlásenneykha naqsa; enxekmóssegkek segásekhayo nápaqta'awók ma'a kelwesse'e apkelwányam nak Persia, egméssegkek nélyennaqte yaqwayam anxátekhásekxak tegma appagkanamap apagkok nak xép, neyseksa aptamheykekxa nápakha'a apketkók, ¡egméssegkek yaqwayam ólmeyawaxchek se'e Judá nak, tén han Jerusalén!

1 Samuel 12:22

Mekxáyhek sa' chá'a m'a Wesse' egegkok, eñama apkelmeyeykha apwesey; hakte apmenyeyk kéxegke etnehek énxet'ák apagkok.

2 Reyes 21:16

Háwe axta ekwánxa agkok apkelánéseykegko melya'assáxma Manasés ma'a énxet'ák Judá, tén han aqsok ekmaso apkelánéyak nápaqtók Wesse' egegkok. Apkelnapmeyk axta han apxámokma apagko' énxet meyke apkeltémakxa m'a Jerusalén, sawheykekxók axta éma apagkok ma'a kañe' nak.

1 Reyes 6:13

axek sa' han chá'a nepyeseksa israelitas, mayenyewek sa' chá'a m'a Israel, énxet'ák ahagkok nak.”

Oseas 4:2

Wánxa aqsa ekyetnama nélyexancháseykha nak egmók yaqwayam anlána', nenteme nak chá'a negmowána amya'a, tén han nentekyawa, tén han negmenyexma, tén han nennaqtawáseykegkoho nak egnaqteyegka'a, nenlane chá'a mók, keñe han ma'a negyennaqteyáseykha nak egyempehek, megkatnegweykmok néxa apkelnapma apnámakkok énxet'ák.

Isaías 51:15

“Ko'o sekteme Dios kélagkok, sekwesey Wesse' ekha sekyennaqte; ayawhaksohok chá'a ko'o yegmen ma'a wátsam ekwányam nak, keñe kapáwak chá'a awáxok ma'a élyaqyahayam agkok nak,

Jeremías 14:9

¿Yaqsa ektéma aptéma m'a aptémól'a énxet mey'áseyak la'a aqsok, aptémól'a m'a kempakhakma yáp megkamopwána nak hempasmok? Wesse', apheyk eyke exchep negyeseksa, apyókxoho énxet apya'ásegkók nentáha negko'o xép énxet'ák apagkok; ¡ná hegkexa aqsa negko'o!

Jeremías 14:19

Wesse', ¿apkexakkek apagkóya exchep ma'a énxet'ák Judá? ¿Leklágwokmeya exchep apkeltémakxa m'a énxet'ák apheykha nak tegma apwányam Sión? ¿Yaqsa ektáha sẽlyensásegko nak negko'o meyke néltaqmelwayam? Nélhaxanmeyk axta kataqmelek negheykha, makke anxaweyk xama enxoho aqsok ektaqmela. Nélhaxanmeyk axta kawak élyenneykha egyempehek, nélmeneykha axta aqsa negweteyk.

Jeremías 51:19

¡Megkaxnawok agko' Jacob nak Dios apagkok xa, apkelane nak ekyókxoho aqsok élánteyapma nak! Axta apkelyéseykha énxet'ák Israel ma'a yaqwayam etnehek apagkok apagko'. Wesse' ekha apyennaqte: cháxa apwesey xa.

Oseas 2:1

Keñe sa' kéxegke kóltéhek kólának kélyáxeg'a s'e: “Dios énxet'ák apagkok”, tén sa' kélyáxeg'a kelwán'ák kóltéhek kólának se'e: “Kélásekheykekxoho”.

Oseas 2:3

Sa' agkok katnahak xa ektáha nak, meyke apáwa agko' sa' atnéssesek ekyókxa'; sa' atnéssesek ma'a ektémakxa axta sekxók ektéyeykmo, sa' atnessásekxak ma'a ektémól'a yókxexma meykexa énxet, ekyamáyo agko' la'a xapop, wának sa' katsapok hem eyaqhe.