Jeremías 51:45 - Biblia Enxet

⁴⁵ Énxet'ák ahagkok, kólántép xa, ¡kólwagkasaxche teyp kólenyahagkok, amonye' seklómo ahagko'!

Jeremías 51:45 Referans Kwoze

Jeremías 51:6

“¡Kólántép Babilonia! ¡Kólwagkasaxche teyp kélewagko enxoho! ¡Nágkóltamho kóletsapok eñama apkeláneyak melya'assáxma m'a énxet'ák Babilonia! Wokmek kaxwók sekyaqmagkáseykekxexa mók apkeltémakxa, axnéshok sa' mók ma'a ektémakxa nak chá'a aqsok apkeláneyak.

Isaías 48:20

Kólántép Babilonia, kólxegánem nepyeseksa m'a énxet'ák caldeos. Kóllegés yetlo kélpáxameykha kélátseykha s'e amya'a nak, kólya'assásegwók ekweykmoho m'a néxa xapop nak. Kólteme kólpaqmétek se'e: “¡Apwagkassek teyp Wesse' egegkok ma'a Jacob cham'a apkeláneykha nak!”

Jeremías 50:8

“¡Kólántép Babilonia, caldeos apchókxa nak! ¡Kólántép, aptémól'a apnaqleykha nepkések exog apmonye' apnaqtósso!

Números 16:26

Tén axta aptáha apkeláneya énxet'ák se'e: —Kólántép apkelpakxeneykegkaxa nak xa énxet'ák élmasagcha'a nak apkeltémakxa, nágkólpaknegwomho aqsa xama enxoho m'a aqsok apagkok nak, hakte kóletsapok katnehek kéxegkáxa, eñama melya'assáxma xa énxet'ák nak.

Jeremías 51:50

Kéxegke kélegketamaxche axta, kólenyahák meyke kélchaqnágwayam, kélwokmek sa' agkok ma'a makhawo nak, kaxén sa' kélwáxok ma'a Wesse' egegkok, nágkalwánaqma aqsa m'a Jerusalén.

Jeremías 51:9

Néltexnágkek negko'o pánaqte m'a Babilonia, makke etaqmelwokmok. Etnehek apagkok xa, nók ólántépok se'e, enxama sa' chá'a ólmeyekxak ma'a negókxa, hakte weykmók apkelane aqsok ekmaso agko' ma'a néten, weykmók ma'a yaphope nak.

Jeremías 50:28

(Apkelwákxeyk Sión ma'a énxet'ák apkelxegányam nak apkeleñama Babilonia, apkeltenneyncha'a ektáhakxa apyaqmagkáseykekxa Dios Wesse' egagkok apkeltémakxa m'a énxet'ák Babilonia, eñama apteméssessamakxa axta m'a tegma appagkanamap nak.)