Jeremías 51:39 - Biblia Enxet

³⁹ Kelmexneyk sa' agkok apyempe'ék, alagkok sa' ko'o apyenéyak, apyenéyak yaqwayam sa' kalyeykesek exma, tén han kamaskok kalya'ássesagkok aqsok. Keñe sa' enaqtének meyke néxa, menaqxétekhagkek sa'. Ko'o sekxeyenma xa, sektáha nak Wesse'.

Jeremías 51:39 Referans Kwoze

Jeremías 51:57

Aptáhak Wesse' Apwányam, Wesse' ekha nak apyennaqte s'e: “Annáhakkasek sa' ko'o anmen ma'a apkelámha apmonye'e nak Babilonia, tén han ma'a apkelmopwancha'a nak aqsok, tén han ma'a apkeltaqmelchesso nak apkelókxa yetlo apkeláneykha, tén han sẽlpextétamo apagkok, keñe sa' enaqtének meyke néxa, menaqxétekhagkek sa'.

Jeremías 25:27

Tén axta aptáha seyáneya Wesse' egegkok se'e: “Eltennés sa', ko'o sektáha nak Wesse' ekha sekyennaqte, Dios apagkok nak Israel, séltamho énagkok ekweykmoho élnapa tén han apkelyekxágko, tén han ekwokmoho apkelyaqnenágko náxop, yaqwayam enxoho melchempekxeyk néten, eñama m'a kempakhakma peya nak ko'o waha'.

Nahúm 3:11

Kólaqhássesek sa' nahan xeyáxa anmen; kalyawheykha sa' keyxanmok kategyaha ekyexanmomakxa apmonye'e m'a élenmexma.

Nahúm 1:10

Máxa am'ák eknaqtétamáxche sa' kóltéhek kólmétek kélyókxoho, tén han ektémól'a pa'at apák.

Daniel 5:30

Cháxa axta'a nak, apmatñakxa axta m'a Belsasar, wesse' apwányam apagkok axta m'a caldeos,

Jeremías 48:26

Kólnáhakkas anmen énxet'ák Moab, hakte apkenmexeykekxeyk Wesse' egegkok. Keñe sa' eltexneykpekxak apkelyekxo m'a énxet'ák Moab, apyókxoho énxet'ák sa' elesmaksek ma'a.

Salmos 13:3

Dios Wesse' ahagkok, ¡hélano, heyátegmowák, hewasqakkásekxoho, tén sa' meytnemek ma'a aphagweykemxa nak apkeletsapma!

Nahúm 3:18

“¡Apnaqteyenmeyk aqsa m'a apkeláneykha nepkések apagkok nak xép wesse' apwányam Asiria! Apkellókassegkek apkelyampe m'a apkeláneykha ekha nak kéláyo, apkexpaqneykha sẽlpextétamo apagkok ma'a élámhakxa nak meteymog, méko m'a eyáncheseykekxa enxoho.