Jeremías 51:30 - Biblia Enxet

³⁰ Apkelwáteságkek apkempakhe m'a sẽlpextétamo Babilonia, apkelhákxeyk ma'a tegma apkelyennaqte apagkok nak; massék apkelyennaqte, máxa kelán'ák aptamhágkokxa'. Apkelántaxneykpek ma'a tegma apkelyawe apagkok nak, kélwatneyásekxeyk ma'a apxanák.

Jeremías 51:30 Referans Kwoze

Nahúm 3:13

Máxa kelán'a m'a sẽlpextétamo agkok nak; kelmayhégkek atña'ák apchókxa yaqwayam elántexek ma'a kélenmexma; kelwatneyk táxa m'a kélápeykekxexa nak chá'a atña'ák kélagkok.

Lamentaciones 2:9

Meyke atña'ák táhak ma'a tegma apyawe méko han ma'a kélápeykekxexa nak chá'a: ¡náxop kélchexeyk kélekkexákxo! Kélchexakhagwokmek nepyeseksa énxet'ák melya'áseyak nak Dios ma'a wesse' apwányam tén han ma'a kelwesse'e apagkok; massegwokmek kaxwók ma'a Dios segánamakxa apagkok. ¡Massegwokmek nahan apxekmóssamo chá'a aqsok Wesse' egegkok ma'a apkellegasso nak appeywa, yaqwayam enxoho ellegaksek énxet'ák!

Isaías 19:16

Máxa kelán'a sa' etnahagkok egipcios xa ekhem nak; metwasha sa' yeyk apkelwet'a enxoho emáwhok ellegássesagkohok ma'a Wesse' ekha nak apyennaqte, elyegwáwhok apagko' sa' nahan.

Salmos 76:5

Kélyementameykegkek aqsok apagkok ma'a énxet'ák apkelyennaqte apagko' nak; méko apkeláneykegko m'a apkelyennaqte apagko' nak; ¡apkeletsepme'!

Amós 1:5

Eynnaqtések sa' émpehek almeykesagkok ma'a atña'ák nak tegma apwányam Damasco; amasséssók sa' ma'a wesse' nak yókxexma Bicat-avén tén han apkeláneykha nak ma'a apchókxa Bet-edén, keñe sa' sirios elmakpok, kólnaqlakxak sa' ma'a Quir.” Wesse' egegkok apxeyenma xa.

Jeremías 48:41

Emok sa' apkelenmexma m'a tegma apkelyawe nak, tén han ma'a tegma apkelyennaqte nak. Elpexyennók sa' kempakhakma yapmeyk Moab xa ekhem nak, máxa sa' etnahagkok ma'a kelán'a ekmáheyól'a katnehek naqláwa.

Jeremías 51:57

Aptáhak Wesse' Apwányam, Wesse' ekha nak apyennaqte s'e: “Annáhakkasek sa' ko'o anmen ma'a apkelámha apmonye'e nak Babilonia, tén han ma'a apkelmopwancha'a nak aqsok, tén han ma'a apkeltaqmelchesso nak apkelókxa yetlo apkeláneykha, tén han sẽlpextétamo apagkok, keñe sa' enaqtének meyke néxa, menaqxétekhagkek sa'.

Jeremías 51:32

Apkelmeyk axta apkelenmexma m'a wátsam apkelyekheykekxexa axta chá'a énxet'ák, apkelwatneyk axta han ma'a tegma apkelyennaqte nak, apkelyegwakkók apagko' axta m'a sẽlpextétamo.

Salmos 147:13

Hakte apyennaqtéssamók apkelápeykegkokxa atña'ák kélagkok ma'a, apkeltaqmelchessegkek han énxet'ák apagkok apheykha nak ma'a kañe' tegma apwányam.

Salmos 107:16

¡Nekha'a étkók axta aptemessáseykekxak ma'a atña'ák élánamáxche nak sawo ekyexwase! ¡Apkelekkexeykekxeyk axta m'a sawo kélápeykekxa nak chá'a átog!

Isaías 47:14

Aphawók eyke pa'at apák xa: kalwatnohok ma'a táxa, mopwanchek elwagkasakpok teyp neyseksa m'a táxa eyáléwe. Hakte háwe táxa átex agkok ma'a, yaqwayam enxoho kaxtek tén han kaxek nápaqta'awo'.

Jeremías 50:15

¡Kólwónches kempakhakma m'a ekyókxoho nepyáwa nak! ¡Apmeyásekpek kaxwók ma'a Babilonia! ¡Apkelyaqnenágkek ma'a tegma netna'awo nak, kélyaqnegkeságkek ma'a kélhaxtegkesso nak nepyáwa! ¡Cháxa sekyaqmagkáseykekxa ko'o sélteméssessamakxa xa: kólyaqmagkásekxa apteméssessamakxa! ¡Kóltemésses apteméssessamakxa axta kéxegke m'a!