Jeremías 50:8 - Biblia Enxet

⁸ “¡Kólántép Babilonia, caldeos apchókxa nak! ¡Kólántép, aptémól'a apnaqleykha nepkések exog apmonye' apnaqtósso!

Jeremías 50:8 Referans Kwoze

Jeremías 51:6

“¡Kólántép Babilonia! ¡Kólwagkasaxche teyp kélewagko enxoho! ¡Nágkóltamho kóletsapok eñama apkeláneyak melya'assáxma m'a énxet'ák Babilonia! Wokmek kaxwók sekyaqmagkáseykekxexa mók apkeltémakxa, axnéshok sa' mók ma'a ektémakxa nak chá'a aqsok apkeláneyak.

Isaías 48:20

Kólántép Babilonia, kólxegánem nepyeseksa m'a énxet'ák caldeos. Kóllegés yetlo kélpáxameykha kélátseykha s'e amya'a nak, kólya'assásegwók ekweykmoho m'a néxa xapop nak. Kólteme kólpaqmétek se'e: “¡Apwagkassek teyp Wesse' egegkok ma'a Jacob cham'a apkeláneykha nak!”

Jeremías 51:45

Énxet'ák ahagkok, kólántép xa, ¡kólwagkasaxche teyp kólenyahagkok, amonye' seklómo ahagko'!

Isaías 52:1

Sión, exatakha', énnákxoho; Jerusalén, tegma apwányam aptaqmalma, elántaxnekxa apkelnaqta apkeltaqmalma apagko' nak, hakte melántexek sa' chá'a kaxwók kañe' apwáxok ma'a énxet'ák melya'áseyak nak Dios, tén han ma'a élmanyása nak apyempe'ék.

Proverbios 30:31

tat'a kennawo' eyásennómaxche nak chá'a, yát'ay apketkok tén han wesse' apwányam apxega nak apmonye' m'a sẽlpextétamo apagkok.

Números 16:26

Tén axta aptáha apkeláneya énxet'ák se'e: —Kólántép apkelpakxeneykegkaxa nak xa énxet'ák élmasagcha'a nak apkeltémakxa, nágkólpaknegwomho aqsa xama enxoho m'a aqsok apagkok nak, hakte kóletsapok katnehek kéxegkáxa, eñama melya'assáxma xa énxet'ák nak.

Isaías 52:11

¡Kólántép kaxwók Babilonia, kólántép, nágkólpaknegwomho kaxwók xama aqsok ekmanyása, kólántép kaxwók Babilonia! ¡Kólmópesaxkoho kaxwo' kélseykha nak chá'a m'a aqsok kélmeykegkaxa apagkok nak ma'a Wesse' egegkok!

Zacarías 2:11

Temék sa' agkok xa, apxámok sa' pók aptémakxa énxet'ák elyo'ótak ma'a Wesse' egegkok. Sa' etnehek appeywa s'e: “Atnehek sa' nahan énxet'ák ahagkok xa énxet'ák nak. Keñe sa' axek chá'a ko'o kélnepyeseksa kéxegke.” Keñe sa' kólya'ásegwók kéxegke aptáha seyáphasso ko'o m'a Wesse' egegkok ekha nak apyennaqte.