Jeremías 50:37 - Biblia Enxet

³⁷ ¡Kólnáhap ma'a sẽlpextétamo apagkok: elpexyennók sa' apkelaye! ¡Kólnáhap yátnáxeg apagkok, kólekkexches ma'a yátnáxeg apkelyenyawasso apagkok! ¡Kólnáhap ma'a sẽlpextétamo apagkok kélyánmagkasso nak chá'a ekyánmaga apkempakhe: máxa kelán'a sa' etnahagkokxa'! ¡Kólmasséssem ma'a aqsok éltaqmalma apagkok: kólmenyexchesák aqsok apagkok!

Jeremías 50:37 Referans Kwoze

Jeremías 51:30

Apkelwáteságkek apkempakhe m'a sẽlpextétamo Babilonia, apkelhákxeyk ma'a tegma apkelyennaqte apagkok nak; massék apkelyennaqte, máxa kelán'ák aptamhágkokxa'. Apkelántaxneykpek ma'a tegma apkelyawe apagkok nak, kélwatneyásekxeyk ma'a apxanák.

Nahúm 3:13

Máxa kelán'a m'a sẽlpextétamo agkok nak; kelmayhégkek atña'ák apchókxa yaqwayam elántexek ma'a kélenmexma; kelwatneyk táxa m'a kélápeykekxexa nak chá'a atña'ák kélagkok.

Jeremías 51:21

Xép chá'a wásenneykxak alyaqtennagkok ma'a yátnáxeg, tén han ma'a apheykha apkap'ák, tén han ma'a yátnáxeg apkelyenyawasso yetlo m'a apkelxegkesso nak chá'a.

Jeremías 48:41

Emok sa' apkelenmexma m'a tegma apkelyawe nak, tén han ma'a tegma apkelyennaqte nak. Elpexyennók sa' kempakhakma yapmeyk Moab xa ekhem nak, máxa sa' etnahagkok ma'a kelán'a ekmáheyól'a katnehek naqláwa.

Jeremías 25:20

tén han ma'a pók aptémakxa nak chá'a énxet'ák apheykha m'a; tén han ma'a apyókxoho kelwesse'e apkelwányam nak apchókxa Us, tén han ma'a yókxexma apagkok nak ma'a filisteos: cham'a Ascalón, Gaza, Ecrón, tén han ma'a éleymomáxche axta m'a Asdod;

Isaías 19:16

Máxa kelán'a sa' etnahagkok egipcios xa ekhem nak; metwasha sa' yeyk apkelwet'a enxoho emáwhok ellegássesagkohok ma'a Wesse' ekha nak apyennaqte, elyegwáwhok apagko' sa' nahan.

Ezequiel 30:5

Etekyók sa' nahan kempakhakma m'a sẽlpextétamo apkeleñama nak Etiopía, Libia, tén han ma'a Lidia, tén han ma'a ekyókxoho nak Arabia, Cub tén han ma'a pók énxet'ák nak, tén han ma'a mók nekha apkelókxa ektáha nak chá'a appasmeykekxa.

Isaías 45:3

Almések sa' ko'o exchep ma'a aqsok élmomnáwa élpowásamáxche nak, aqsok ekxámokma kélxata nak ma'a kañe' kélpóssamakxa nak chá'a aqsok, yaqwayam sa' ey'asagkoho', ko'o sektáha nak Wesse', Israel Dios apagkok, sekwóneykencha'a exchep.

Hageo 2:22

amasséssók sa' ko'o aptamhéyak chá'a apkelwesse'e apkelwányam keso náxop, néxa sa' atnéssesek aptamhéyak apkelwesse'e; alpeynchók sa' ma'a yátnáxeg apkelyenyawasso kélanchesso nak kempakhakma, yetlo m'a ektáha nak chá'a apkelchánte, eletsapok sa' yátnáxeg, tén han ma'a apheykha nak chá'a apkap'ák; yetsapok sa' chá'a xama apkelyetxeykekxa pók sawo.

Nahúm 2:13

Aptáhak Wesse' egegkok ekha nak apyennaqte s'e: “Élenmexchek ko'o kéxegke: alwatnések sa' ma'a yátnáxeg apkelyenyawasso kélagkok kélanchesso nak kempakhakma, éten sa' atnessásekxa'; alnáhakkasek sa' méwa étkók kélagkok; alyementemekxak sa' aqsok kélmeñexéyak ekheykegko nak kañe' kélókxa', kamaskok sa' kañexchek apkelpeywa m'a apseykha nak chá'a amya'a kélagkok.”

Ezequiel 39:20

Alanaksek sa' ko'o ektámaxche ekyawe, yaqwayam sa' katawagkok ekwokmoho elyaqkanakmo, cham'a yátnáxeg aphápetek tén han ma'a apkelchánte nak chá'a yátnáxeg, tén han ma'a sẽlpextétamo tén han ma'a pók aptémakxa nak chá'a kempakhakma yapmeyk. Ko'o sekxeyenma sektáha nak Wesse'.

Jeremías 50:26

¡Kólchetámegma kéleñama ekyókxoho yókxexma! ¡Kólmeykessesák atña'ák ma'a apxátamakxa nak hótáhap apaktek! ¡Kólánchesekxa énxet'ák, kólmasséssem! ¡Nágkólém xama enxoho!

Jeremías 25:24

tén han ma'a apyókxoho kelwesse'e apkelwányam nak Arabia; tén han ma'a apyókxoho kelwesse'e apkelwányam apagkok nak ma'a pók aptémakxa énxet'ák apheykha nak ma'a yókxexma meykexa énxet;

Salmos 76:6

Xama axta apkelpaqhetchesa exchep ma'a yátnáxeg, tén han ma'a apkelyenyawasso nak, xép aptáha nak Jacob Dios apagkok, máxa életsapma axta tamhágkok.

Salmos 46:9

apmasséssekmek kempakhakma, ekweykmoho m'a néxa xapop nak keso nélwanmeygkaxa; apkelekkexchek ma'a yágke, nekha'a étkók aptemessásak ma'a sawhéwa, ¡apkelwatnékxeyk ma'a yátnáxeg apkelyenyawasso apkenchesso nak kempakhakma!

Jeremías 51:4

Exnagkok sa' aphopák énxet'ák ma'a ámay nak, cham'a ekyókxoho nak caldeos apchókxa,

Jeremías 51:22

Xép chá'a wásenneykxak alyaqtennagkok ma'a énxet'ák, tén han kelán'ák, apkelwányam, tén han wokma'ák, wokma'ák apketkók tén han kelán'ák étkók.

Jeremías 50:10

Elyementók sa' aqsok apagkok caldeos, elyementamagkok sa' aqsok apagkok ekwokmoho élleklámegko apkelméyak. Ko'o sekxeyenma xa, sektáha nak Wesse'.