Jeremías 50:35 - Biblia Enxet

³⁵ Aptáhak Wesse' egegkok se'e: “¡Kólaqha Babilonia, yetlo m'a apheykha nak kañe'! ¡Tén han ma'a apkelámha apmonye'e apagkok, yetlo m'a apkelmopwancha'a nak aqsok!

Jeremías 50:35 Referans Kwoze

Jeremías 47:6

¡Wesse' egegkok sókwenaqte apagkok! ¿Háxko sa' ekwánxa ekhem kalwataksek ekyetneykha ekyógkexma? ¡Kataxnekxa makham axagkok, kawanmeyekxa', wánxa katne!

Oseas 11:6

Kempakhakma sa' katyapok ma'a tegma apkelyawe apagkok nak, kasawhaksek sa' ma'a tegma apkelyennaqte apagkok, eñama m'a aqsok ekmaso ekxeyenma nak chá'a apkelwáxok elanagkok.

Daniel 5:30

Cháxa axta'a nak, apmatñakxa axta m'a Belsasar, wesse' apwányam apagkok axta m'a caldeos,

Jeremías 51:57

Aptáhak Wesse' Apwányam, Wesse' ekha nak apyennaqte s'e: “Annáhakkasek sa' ko'o anmen ma'a apkelámha apmonye'e nak Babilonia, tén han ma'a apkelmopwancha'a nak aqsok, tén han ma'a apkeltaqmelchesso nak apkelókxa yetlo apkeláneykha, tén han sẽlpextétamo apagkok, keñe sa' enaqtének meyke néxa, menaqxétekhagkek sa'.

Zacarías 11:17

¡Keláneykha nepkések mékoho laye, apkexakha nak aqsa chá'a m'a nepkések apnaqtósso! ¡Sókwenaqte sa' kayaqtennek apaktog, kawomhok sa' ma'a apaqtek ekpayho nak apkelya'assamakxa! ¡Ekyame apaktog sa' etnehek, meteyxma sa' nahan katnehek ma'a xama apaqtek!”

Ezequiel 14:2

Tén axta ko'o sepaqhetchesa Wesse' egegkok, aptáhak axta seyáneya s'e:

Jeremías 51:39

Kelmexneyk sa' agkok apyempe'ék, alagkok sa' ko'o apyenéyak, apyenéyak yaqwayam sa' kalyeykesek exma, tén han kamaskok kalya'ássesagkok aqsok. Keñe sa' enaqtének meyke néxa, menaqxétekhagkek sa'. Ko'o sekxeyenma xa, sektáha nak Wesse'.

Jeremías 50:30

Cháxa keñamak peya sa' etekyók wokma'ák apagkok ma'a ámay nak, etekyók sa' apyókxoho kempakhakma yapmeyk apagkok xa ekhem nak. Ko'o sekxeyenma xa, sektáha nak Wesse'.”

Jeremías 50:27

¡Kólnáhap apyókxoho m'a sẽlpextétamo apagkok nak, kólnaqlakxa yaqwánxa nak etekyók! ¡Apyósekak eyke eykhel'a! ¡Wokmek ekhem yaqwánxa kóllegássesagkoho'!

Jeremías 10:7

¿Yaqsa megkakyek xép, Wesse' apwányam apagkok nak pók aptémakxa énxet'ák? Payhawók xép yeykpok. Méko ekhawo exchep nepyeseksa m'a apkelya'áseykegkoho nak aqsok, tén han kelwesse'e apkelwányam nak keso nélwanmeygkaxa.

Jeremías 8:9

Elmegqágwakxak sa' eyke xa énxet'ák apkelmopwancha'a nak aqsok, elyelqakpok sa', ektémól'a aqsok nawha'ák élmál'a kelhanma. Apkelyetnakhássek agkok sekpeywa Méko katnehek apkelmopwancha'a aqsok.

Isaías 66:16

Yetlo táxa sa' etnehek Wesse' egegkok elyekpelkohok énxet keso náxop, elyekpelkohok sa' apyókxoho énxet yetlo sókwenaqte apagkok, apxámok sa' etnehek apkelnapma.

Isaías 44:25

Magwohok ko'o katyapok aqsok apkelxeyenma m'a apkellegasso nak chá'a amya'a apkelmopwancha'a amya'a; malya'ássesagkek chá'a ko'o aqsok ma'a apkelya'áseykegkoho nak chá'a aqsok ekpowasamáxche'. Wánhok nahan chá'a ko'o kólátegmowagkokxak ma'a ekha nak chá'a apkelmopwancha'a, mékoho agko' nahan atnéssesek chá'a m'a ektémakxa nak apkelya'áseyak aqsok.

Isaías 41:25

“Éltamhók axta ko'o éphagwak xama énxet ma'a ekpayho nak teyapmakxa ekhem; ekwóneyha axta apwesey, tén axta apyephagwa'a m'a ekpayho nak nexcheyha. Máxa axta yelpa' aptemessásak apkelteyammeyncha'a m'a kelwesse'e apkeláneykha nak chá'a apkelókxa; máxa axta aptáhak ma'a aptémól'a apkelane yátegwáxwa eyélaqtések yelpa' m'a apmagkok.

Isaías 29:14

Ékeso éñamakxa peya nak ko'o atekkessesek makham aqsok magya'áseyak sempelakkasso nak agwetak nepyeseksa xa énxet'ák nak. Kamassegwók sa' ma'a ektémakxa nak apkelya'áseyak aqsok ma'a énxet'ák apagkok ekha nak apkelya'áseyak tén han ma'a ektémakxa nak ekha apkelmopwancha'a m'a énxet'ák apagkok ekha nak apkelmopwancha'a.”

Levítico 26:25

Wahak sa' ko'o kéxegke kempakhakma eñama megkólláneyak ma'a ekhémo mók nélpaqhetchásamáxkoho ahagkok nak; kólenyahagkok sa' chá'a kéxegke kólmeyekxak ma'a tegma apkelyawe kélagkok nak, wáphássesek sa' eyke ko'o negmasse, keñe sa' kéxegke elmok ma'a kélenmexma.

Isaías 45:1

Apteméssessek axta Wesse' egegkok wesse' apwányam ma'a Ciro, apmeyk axta apmek apkelya'assamakxa yaqwayam enxoho etnehek apkeláneykha apyókxoho énxet'ák keso náxop tén han yaqwayam elyementók chá'a apkelmeykha apkenchesso kempakhakma m'a kelwesse'e apkelwányam nak. Apkeltamhók axta nahan kólmeykessesek chá'a átog tegma apkelyawe apmonye' Ciro m'a Wesse' egegkok meyke enxoho xama énxet apmopwána yápekxa'. Tén axta aptáha apcháneya s'e:

Jeremías 51:47

Kammok sa' ekhem yaqwánxa allegássesagkohok ko'o m'a kéleykmássesso nak Babilonia. Mékoho sa' katnekxak ekyókxoho apchókxa, eksawheykekxoho kélhapák.