Jeremías 50:18 - Biblia Enxet

¹⁸ Cháxa keñamak sektáha nak ko'o sekpeywa, sektáha nak Wesse' ekha sekyennaqte, Dios apagkok nak Israel: Añássesagkohok sa' ko'o m'a wesse' apwányam Babilonia, ekweykekxoho m'a apchókxa nak, ekhawo sekteméssessamakxa axta m'a wesse' apwányam Asiria.

Jeremías 50:18 Referans Kwoze

Isaías 10:12

Appenchessek sa' agkok Wesse' egegkok ekyókxoho aqsok apmáheyo nak elának ma'a egkexe Sión tén han ma'a Jerusalén, eñássesagkohok sa' ma'a wesse' apwányam Asiria eñama eyaqheykha apwáxok se'e aptamheykha nak, tén han eñama megyésso yeykpoho', tén han eyeymáxkoho apwáxok.

Jeremías 46:10

Cháxa Wesse' ekha apyennaqte ekhem apagkok xa, yaqwayam sa' eyaqmagkásekxak apkeltémakxa m'a apkelenmexma nak. Kalnápok sa' sókwenaqte ekwokmoho éleklakmo, tén han ekwokmoho ekyeykesáxma m'a éma apagkok nak. Hakte elnápok sa' énxet'ák Wesse' ekha apyennaqte m'a apchókxa ekpayho nak nexcheyha, neyáwa nak wátsam Éufrates.

Nahúm 3:7

Yenyahagkok sa' naqtók xeye' apyókxoho ektáha nak apwete, sa' etnehek apkelpeywa s'e: ‘¡Kélmasséssekmek Nínive! ¿Yaqsa sa' kayósho kalano'? ¿Háxko sa' kóteyágwok yaqwayam kapeykessásekxak awáxok?’

Nahúm 3:18

“¡Apnaqteyenmeyk aqsa m'a apkeláneykha nepkések apagkok nak xép wesse' apwányam Asiria! Apkellókassegkek apkelyampe m'a apkeláneykha ekha nak kéláyo, apkexpaqneykha sẽlpextétamo apagkok ma'a élámhakxa nak meteymog, méko m'a eyáncheseykekxa enxoho.

Deuteronomio 32:41

ekmaxneyákxeyk sa' agkok sókwenaqte élyenma ahagkok tén han seyeynawo sa' yaqwayam alyekpelkoho', axnéshok sa' ko'o mók setnéssessamakxa m'a sélenmexma nak. ¡Agkések sa' apkellegeykegkoho ekpayhawo nak chá'a yaqwayam agkések ma'a ektáha nak chá'a setaqnagko!

Jeremías 27:7

Apkelásenneykha sa' etnehek ma'a apyókxoho pók aptémakxa énxet'ák nak, ekweykekxoho m'a apketche, tén han aptáwen, ekwokmoho sa' nahan ekmáxko m'a Babilonia. Apkelásenneykha sa' etnehek ma'a pók énxet'ák apkelókxa élyawe nak, tén han ma'a kelwesse'e apkelwányam apkelyennaqte nak.

Habacuc 2:8

Épetchekxak sa' pók, pók aptémakxa énxet'ák yenmexek xép, elyementók sa' aqsok apagkok, ekhawo aptémakxa axta chá'a exchep, apkelyementamoma aqsok apagkok ma'a. Exnéshok sa' mók ma'a ekyókxoho aptémakxa ekmaso axta, apyennaqteyáseykencha'a axta apyempehek ma'a apchókxa, apkenmexma axta m'a tegma apkelyawe nak, yetlo énxet'ák apheykha m'a kañe'.