Jeremías 5:23 - Biblia Enxet

²³ Kalyéha'ak kéxegke kélwáxok, megkólyaheykekxoho amya'a nahan; élyamasmeyk ko'o, keñe kélxegama.

Jeremías 5:23 Referans Kwoze

Jeremías 6:28

Wesse', apyókxoho apteme élyennaqte apkelwáxok ma'a; énxet'ák aptekkessáseykha naqsa apkelwesey apnámakkok, tén han élmaso apkeltémakxa; máxa sawo élyexwase m'a, tén han sawo ekyentaxno.

Oseas 11:7

Apmenyeyk aqsa heyenyók ko'o m'a énxet'ák ahagkok, elpáxamha eykhe m'a netno nak, méko eyke kapasmok.

Salmos 95:10

Cuarenta apyeyam axta ko'o weykmok séltaqnawéyak xa énxet'ák nak, axta ektemék se'e: ‘Apkelyetnakhágweykmek apagko' se'e énxet'ák nak; ¡melyeheykekxak ma'a séltémókxa axta etnahagkok!’

Deuteronomio 21:18

“Yetneyk agkok apketche xama énxet meyke nak apkelyaheykekxoho appeywa tén han ekyennaqte nak apwáxok, melyaheykekxa nak aptáhakxa yának ma'a apyáp tén han egken, megkeyxek ma'a aplegassáseykegkoho,

Oseas 4:8

Xámássessegkek aqsok apagkok melya'assáxma m'a énxet'ák ahagkok, cháxa keñamak kélmámenyého nak elanagkok melya'assáxma m'a énxet'ák ahagkok.

Jeremías 17:9

“Méko xama enxoho ekyeykhágweykmoho ekmowána amya'a tén han ekmaso ektémakxa ektéma nak apwáxok ma'a énxet. ¿Yaqsa awanchek kay'asagkoho'?

Jeremías 5:5

Ay'ókxak sa' ko'o m'a énxet'ák ekha nak kéláyo, alpaqhetchesek sa' nahan. Megkatnehek sa' nahan melya'áseykegkoho m'a apmopmenyého nak Wesse' egegkok, cham'a apkeltémókxa nak chá'a etnahagkok ma'a Dios apagkok. Apkelenmexeykekxeyk eyke Dios xa apyókxoho nak, megkalyaqwámeykegkok elyahakxoho'.

Isaías 31:6

Énxet'ák Israel, kólyo'óta sa' makham ma'a kéltaqnaweykencha'a kélagko' nak.

Isaías 1:5

Kélmenyeyk aqsa kéxegke kóltéhek sélenmexeykha, méko kaxwók yaqwánxa enxoho anlegássesagkohok ma'a kélyókxa. Sawheykekxók élyense m'a kélpátek, massegkek nahan kélyennaqte.

Salmos 78:8

metnahagkek ma'a aptamheykegkaxa axta apyapmeyk nano', élyennaqte apkelwáxok, tén han élyeyháxma, ekmanyehe eyaqmagkasek mók élchetamso apkelwáxok, ¡énxet'ák apkelyenseyam nak apkelyetleykha Dios!

Jeremías 4:17

Ewakhegwak sa' ma'a Judá, aptémól'a ewakhekxak yókxexma m'a énxet'ák apkeltaqmelchesso nak yókxexma, hakte apkenmexeykekxeyk ma'a Wesse' egegkok. Ko'o sekxeyenma xa, sektáha nak Wesse'.

Sofonías 3:1

¡Jerusalén la'aye, tegma apwányam apkenmexeykekxa nak Dios, eksawheykekxoho nak nentémakxa ekmaso, apnaqtawáseykegkoho nak chá'a m'a apheykha nak kañe'!

Deuteronomio 31:27

Hakte ekya'ásegkók ko'o kéxegke kélteme énxet'ák élyennaqte kélwáxok tén han meyke kapeynchegkesek kéltáhakxa; kélenmexáha agkok makham Wesse' egegkok s'e sakhem nak, keso sekha nak makham ko'o kélnepyeseksa kéxegke, ¿háxko sa' katnehek ma'a sétsapa sa' ko'o?