Jeremías 49:36 - Biblia Enxet

³⁶ Alhak sa' ko'o éxchahayam xa énxet'ák nak éleñama ekyókxoho yókxexma, yaqwayam sa' kaxpánchesek kalya'aksek ekyókxoho yókxexma, ekwokmoho apsawhékpoho apkelmahéyak apkelyexánegwayam ma'a ekyókxoho apkelókxa.

Jeremías 49:36 Referans Kwoze

Jeremías 49:32

¡Kólmenyexchesák yányátnáxeg apkelchánte, tén han ma'a ekyókxoho aqsok apnaqtósso! Waxpánchesek sa' ko'o alya'aksek ekyókxoho yókxexma xa énxet'ák apkelmópéssamo nak chá'a apkelyésesso élpayhakxa nápaqta'a; ekyókxoho yókxexma sa' wahak aqsok ekmaso. Ko'o sekxeyenma xa, sektáha nak Wesse'.

Amós 9:9

Wának sa' ko'o kólektegaxnek ma'a énxet'ák Israel ektémól'a kólektegaxnek hótáhap apaktek ma'a xama hópenyántétkók élyagqáxeykha, meykel'a aptéyam xama enxoho m'a apaqtek.

Daniel 8:8

“Yágwokmók axta aqsa apyennaqte m'a yát'ay apkennawo', kenteyk axta aqsa han apkepetek ekyawe nak neyseksa ekyágweykmoho apyennaqte, tén axta élántepa cuatro apkepet'ák ekyaqmagkasso m'a ekyawe nak, apkelenmexchásekxók axta m'a éleñamakxa nak chá'a éxchahayam ekyókxoho yókxexma.

Ezequiel 5:10

Etyapok sa' neyseksa exche' m'a énxet apteykekxa nak aphápetek ma'a apketchek, tén han ma'a kélketchek apteykekxa nak aphápetek ma'a apyapmeyk. Alának sa' ko'o m'a yaqwánxa axta atnéssesek, keñe sa' ma'a apkeleymomap nak waxpánchesek ekyókxoho keso náxop.

Jeremías 30:17

Alyennaqtéssók sa' makham, altaqmelchessessók sa' kélyense, sa' etnehek eykhe elpaqmétek kélenmexma s'e: ‘Taqmópegkek Sión, méko ekyetnakhássawo awáxok.’ Ko'o sekxeyenma xa, sektáha nak Wesse'.”

Daniel 11:4

Yennaqwokmek sa' agkok apteme wesse' apwányam, kólyaqtennek sa' neyseksa m'a yókxexma apkeláneykegkaxa nak, cuatro apchókxa sa' kóltemessásekxa'. Memekxeyk sa' han aptawán'ák neptámen aptémakxa nak ekha apyennaqte xa wesse' apwányam nak, megkaxók sa' ekyennaqte apchókxa ekweykenxa axta, hakte kaxpánchesaxchek sa', pók sa' han eyaqmagkasek apteme wesse' apwányam.

Daniel 8:22

Keñe m'a cuatro apkepet'ák élántepa axta, énta axta m'a amonye' ekteyapma nak apkepetek, ekteme ekyetchesamaxkoho peya kalántépok makham cuatro aptémakxa nak wesse' apwányam se'e apchókxa nak, megkaxók sa' eyke ekyennaqte m'a ektémakxa axta m'a amonye' axta.

Ezequiel 5:12

Eletsapok sa' chá'a xama énxet'ák agkok aptáhakxa nak chá'a apqántánxo, eñama negmasse tén han meyk élnapma, keñe sa' ma'a nápakha nak elnápok ma'a apkelenmexma apheykha nak nepyáwa', keñe sa' ma'a apkeleymomap nak waxpánchesek ekyókxoho keso náxop. Axog sa' eyke ko'o neptámen yetlo sekmeykha sókwenaqte.

Isaías 56:8

Wának sa' ko'o elchexyók ma'a apheykha nak makham megkatnahakxa apkelókxa, wának sa' yaqnekxak makham.” Wesse' egegkok apxeyenma xa, apkeltémo axta elchexyók makham elyepetchegwaták israelitas ma'a apkexpaqneykha nak mók nekha.

Isaías 27:13

Kólpáwaksek sa' kélaqkahasso ekyennaqte ekpáwà xa ekhem nak, keñe sa' ma'a apkelxegánegwayam axta m'a Asiria, ekhawo nahan ma'a kélnaqleykekxa axta m'a Egipto, elmeyenták sa' Jerusalén elpeykessetámhok ma'a Wesse' egegkok, cham'a egkexe ekpagkanamaxchexa nak.

Isaías 11:12

Ekxenchesek sa' néten aqsok magkenatchesso yaqwayam sa' elwetak ma'a pók aptémakxa nak chá'a énxet'ák, yánchásekxak sa' makham ma'a israelitas kélnaqleykekxa axta megkatnahakxa apkelókxa; yánchásekxak sa' makham ma'a apkelmahéyak axta ekyókxoho yókxexma cham'a énxet'ák Judá apkexpánma axta.

Salmos 147:2

Apxátekhásekxeyk Wesse' egegkok Jerusalén, apchánchesákxeyk han ma'a israelitas kélexpánchesso axta kélya'asso megkatnahakxa apkelókxa.

Deuteronomio 28:64

Yexpánchesha sa' Wesse' egegkok elya'aksek ma'a ekyókxoho apkelókxa apheykegkaxa nak chá'a pók aptémakxa énxet'ák, eyeynamo m'a xama nekha nak xapop ekweykekxoho m'a mók nekha xapop nak, sa' kólpeykeshok chá'a mók aqsok kéláyókxa nak chá'a m'a, cham'a aqsok kéláyókxa élánamáxche nak chá'a m'a yántéseksek tén han ma'a meteymog, megkólweteya nak kéxegke tén han melweteya axta m'a kélyapmeyk nanók axta.

Deuteronomio 28:25

tén han ekwokmoho apmenxena m'a kélenmexma nak. Tásek sa' katnehek kéleywékekxa kélxega peya enxoho kólenmexekxak ma'a, kólexpaqnek sa' eyke kólenyahagkok apmonye'e m'a, elyegweyk sa' nahan apyókxoho énxet'ák apheykha nak keso náxop apkelwet'a enxoho kéxegke.

Zacarías 6:5

Aptáhak axta seyátegmowágkokxo Dios apchásenneykha s'e: “Cháxa ekteme cuatro éleñamakxa nak éxchahayam xa, élánteyapma nak chá'a m'a aphakxa nak Wesse' egegkok apsawheykekxoho nak ekyókxoho keso náxop.