Jeremías 49:29 - Biblia Enxet

²⁹ Kólyementamák ma'a apkelpakxenéyak nak, tén han ma'a apnaqtósso nepkések, tén han ma'a apkelpakxanma nak chá'a, yetlo m'a ekyókxoho aqsok apagkok apkelmeykegkaxa nak chá'a. Kólyementamák ma'a yányátnáxeg apkelchánte, kólteme kólpáxegkesha ekyennaqte kólyegwakkasek se'e: ‘¡Sawheykxók élmeneymáxche ekyókxoho yókxexma!’

Jeremías 49:29 Referans Kwoze

Jeremías 46:5

“¿Yaqsa eyke ko'o sekwet'a? Apkelaqxegágkokxeyk yetlo ekyawe agko' apkelaye. Apkexpaqneyk apmenxenákpo m'a kempakhakma yapmeyk apagkok; apkenyahágkek meyke apkelpeynchamakpoho neptámen. ¡Sawheykxók élmeneymáxche ekyókxoho yókxexma! Ko'o sekxeyenma xa, sektáha nak Wesse'.

Jeremías 6:25

¡Nágkólántép yókxexma, nágkólmohok ma'a ámay nak! ¡Yetlo apkelmeykha m'a nélenmexma nak; ¡sawhékxók élmeneymaxche ekyókxoho yókxexma!”

Habacuc 3:7

Ekwet'ak ko'o énxet'ák Cusán eyáhapwa'a éltemegweykmoho exma ekmaso, keñe m'a énxet'ák Madián sekwet'a apkelpexyennama apkelaye.

Salmos 120:5

¡Eyóse' nak la'a ko'o sekha nak Mésec megkatnahakxa seyókxa, sekpakxanma nak nepyeseksa m'a énxet'ák Quedar!

Jeremías 49:24

Massék apkelyenna énxet'ák Damasco, xénchek apkelwáxok elxeganmok. Taxneyk apkelwáxok apkelmenaye, tén han apkelaye, tén han apkellegeykegkoho, ektémól'a kelán'a ekmáheyól'a katnehek naqláwa.

Jeremías 10:20

Kéletsagkassek sekpakxanma, kélyétekkessek ekyókxoho apxát'ák seknaqtete nak. Eyenyókek ma'a étchek, ¡Méko kaxwók aptáhak! Méko kaxwók hexátekhassásekxak sekpakxanma, méko kaxwók hepakxenchásekxa'.

Jeremías 4:20

Wa'akteyk aqsa chá'a amya'a ekmaso; ekmaso tamhákxak ma'a ekyókxoho apkelókxa. Kélmasséssekmek ekmanyehe agko' ma'a sélpakxenéyak nak, éltawassáseyha agko' ma'a sekpakxanma nak.

Isaías 60:7

Kélnaqtósso sa' kóltéhek kéxegke apyókxoho m'a nepkések apkeleñama nak Quedar; elyagqak sa' nahan kélheykegkaxa m'a nepkések apkelennay'a Nebaiot apnaqtósso nak, yaqwayam sa' kólmések chá'a Wesse' egegkok kólnegkenchesek ma'a néten nak kélwatnéssamakxa aqsok, kólteméssesek aqsok kélmésso naqsa ekleklamo nak apwáxok, keñe sa' kayágwomhok apteméssesso aptaqmalma apagko' ma'a tegma appagkanamap aptaqmalma apagkok nak.

Isaías 13:20

Mexnekxók sa' chá'a énxet ma'a, méko sa' kaxnekxak xama enxoho m'a kañe' nak. Kamaskok sa' elpakxenagkok énxet'ák Arabia m'a, mellókassessekxék sa' nahan chá'a kaxwók apkelyampe nepkések apnaqtósso keláneykha nepkések ma'a.

Salmos 31:13

Añohok chá'a ko'o elyexchesakpok énxet'ák etnehek hexének se'e: “Sawheykekxók élmeneymáxche ekyókxoho yókxexma.” Apyepetchákxeyk pók apkelánégkokxo yaqwánxa hetnéssesek; ¡apkelánégkokxeyk aptamhágkaxa apmako heyaqhek!

Job 1:3

siete mil axta apyókxoho apnaqtósso nepkések, tres mil yányátnáxeg, mil axta weyke kéltéteykekxa mók, tén han quinientos yámelyeheykok kelwán'ák. Apxámok apagko' axta han apkelásenneykha naqsa. Apyeykhásseykmók axta ekxámokma aqsok apagkok ma'a apyókxoho énxet'ák apheykha axta m'a ekpayho nak ekteyapmakxa ekhem.

Jueces 8:26

Xegkessek axta katyapok diecinueve kilos ekyókxoho m'a kélatchesso kélaphék sawo ekyátekto élmomnáwa nak, meyke ekyepetche m'a nélmeykha nak chá'a nélnáxameykha, tén han ma'a aqsok élmomnáwa, keñe han ma'a apáwa hómáyok apkelántaxneykekxa axta chá'a m'a apkelwesse'e apkelwányam nak Madián, tén han ma'a kélchexenchessamól'a apyespa'ák ma'a yányátnáxeg.

Jueces 8:21

Keñe axta Zébah tén han Salmuná aptáha apcháneya m'a Gedeón: —¡Hẽlnáhap xép! ¡Ekyennaqte apwáxok chá'a keykpelchexkohok ma'a énxet! Apchampákxeyk axta néten Gedeón keñe apkelnapa, apkelmeyk axta m'a aqsok apkelchexenchesso axta apyespa'ák apkelnáxegkáseykha yányátnáxeg apchánte m'a Zébah tén han Salmuná.

Jueces 7:12

Appayhekxeyk axta madianitas, amalecitas tén han apkeleñama nak teyepmakxa ekhem ma'a ekyókxoho nak ekyapwátegweykenxa. Máxa sawa' apxámokma axta aptamhágkok. Apxámók apagko' axta han ma'a yányátnáxeg, máxa m'a xapop ánek ekhéyak nak neyáwa wátsam ekwányam.

Jueces 6:5

Elántaxnéssak axta chá'a apnaqtósso m'a xapop nak Israel, elpakxenagkok axta han chá'a, etwasha axta m'a ekyókxoho nak. Elxegmak axta chá'a yetlo yányátnáxeg apxámokma apagko', aptémól'a sawa' apxámokma.

Génesis 37:25

keñe axta apheyncha'a aptókagko aptéyak. Pelakkassek axta han apkelwet'a apkelxegakmo apkeleyweykekxa m'a ismaelitas, apkeleñama m'a Galaad, yetlo apkelpátegkesso axta han yányátnáxeg ma'a sokmátsa, tén han ma'a ekyókxoho élátsessamo nak élpaqneyam aqsok, yaqwayam elsakxak ma'a Egipto.

Jeremías 49:5

Wahak sa' ko'o kéxegke kélaye éleñama ekyókxoho yókxexma nak kélnepyáwa'. Ko'o sekxeyenma xa, sektáha nak Wesse' ekha sekyennaqte. Kélyókxoho sa' kéxegke kólenyahagkok kóltamhok kólwagkasaxchek teyp, méko sa' xama enxoho yaqwayam kánchásekxak makham.