Jeremías 48:9 - Biblia Enxet

⁹ Kólpekkenches xama meteymog kéltáxésso ekxeyenma ekmassegweykemxa m'a Moab, hakte peyk kólmasséssók; nápakha'a apketkók sa' etnekxak ma'a tegma apkelyawe nak, meyke xama énxet apheykekxa m'a.”

Jeremías 48:9 Referans Kwoze

Jeremías 48:28

Énxet'ák Moab, Kólántép tegma apkelyawe kélagkok; kólmohok kólhamok ma'a élaqneykegkaxa nak meteymog, aptémól'a wáx'ay, apkelánegwayam la'a apxanák ma'a naw'ék nak.

Isaías 16:2

Máxa náta élyegwakto, éxakhál'a aqsa axanák aptamheykegkok apkelyeykheykekxoho wátsam Arnón ma'a énxet'ák apheykha nak Moab.

Salmos 11:1

Ekye'eykekxeyk ko'o sekyexánegweykekxo m'a Wesse' egegkok. Kaqhok katnehek amya'a wánéxchek se'e: “Emhók exyenmok ma'a élámhakxa nak meteymog, ektémól'a náta.

Jeremías 46:19

Kóllánekxa sa' kéltáhakxa yaqwayam kólnaqlakxak megkatnahakxa kélókxa, kélheykha nak Egipto, hakte meyke xama aqsok sa' katnekxak ma'a Menfis, tén han nápakha'a apketkók, meyke xama énxet apha.

Salmos 55:6

Keñe sektáha s'e: “Kaxho anna axtal'a ko'o exempenák aptémól'a wáx'ay; tén axta wampa', amhagkok yaqwánxa allókasek sekyampe.

Jeremías 44:22

Massegkek axta eyke apkelenmáxamap Wesse' egegkok ma'a aqsok ekmaso kélláneyak, kélláneykegko axta kéxegke, cham'a aptaqnagkamo apagko' nak chá'a m'a. Cháxa keñamak ektamheykekxo nak kaxwók ekmaso kélókxa kéxegke tén han meyke xama énxet apha m'a; éñamakxa néltémo hentemegwomhok exma ekmaso tamheykekxa', aqsok eyeymáxkohol'a kataxche'.