Jeremías 48:43 - Biblia Enxet

⁴³ Cháxa keñamak sektáha nak ko'o sekpeywa, ko'o sektáha nak Wesse': Máxa aqsok nawha'ák sa' etnahagkok ma'a énxet'ák Moab, apmenxeneykhal'a apkelnempaqwayam, essenhan ma'a ketók ekpalleykemxal'a máxek, tén han élmomakxa kelhanma.

Jeremías 48:43 Referans Kwoze

Lamentaciones 3:47

nélmenaye, kelhanma, sẽlmassésseyam, tén han ekmaso negha, ¡cháxa sentéma nak negko'o xa!

Salmos 11:6

Yahak sa' Wesse' egegkok átex, táxa tén han aqsok eyáléwomól'a m'a énxet'ák élmaso nak apkeltémakxa, yahak sa' éxchahayam yaqwayam sa' kalwatnek ma'a apyókxoho nak. ¡Ellegássesagkohok sa' Wesse' egegkok ekpayhawo nak etnéssesek!

Jeremías 49:5

Wahak sa' ko'o kéxegke kélaye éleñama ekyókxoho yókxexma nak kélnepyáwa'. Ko'o sekxeyenma xa, sektáha nak Wesse' ekha sekyennaqte. Kélyókxoho sa' kéxegke kólenyahagkok kóltamhok kólwagkasaxchek teyp, méko sa' xama enxoho yaqwayam kánchásekxak makham.

Jeremías 50:24

Babilonia, xép apagko' axta appekkenma kelhanma, métégkok han ekmákxo. Apmákpe', hakte apkenmexeykekxeyk ma'a Wesse' egegkok.