Jeremías 48:20 - Biblia Enxet

²⁰ Mékoho kéltemessásekxak ma'a Moab, asagkók agko' axta ektáhakxa. ¡Kóllekxagwaha kóllanok ma'a! ¡Kóllegés kélmasséssekmo Moab ma'a neyáwa nak wátsam Arnón!”

Jeremías 48:20 Referans Kwoze

Isaías 16:2

Máxa náta élyegwakto, éxakhál'a aqsa axanák aptamheykegkok apkelyeykheykekxoho wátsam Arnón ma'a énxet'ák apheykha nak Moab.

Isaías 15:8

Weynchámeykha axta aqsa apkelpáxameykha énxet aptegyeykha ekpasmo m'a néxa xapop nak Moab; weykmók axta kéllekxagweykha m'a Eglaim tén han ma'a Beer-elim.

Jueces 11:18

Nélxegamchek axta m'a yókxexma meykexa nak énxet, neghaxnenchámeykekxeyk axta m'a xapop nak Edom, tén han Moab, ekwokmoho nélweykmo m'a ekteyapmakxa ekhem nak ma'a teyp Moab. Nélpakxenweykmek axta m'a neyp nak wátsam Arnón. Axta eyke ólyekheykekxa', hakte axta eyeynókxa xapop Moab ma'a.

Josué 13:9

Axta kelpeheweykmok apkelxawéyak apheykegkaxa m'a ekmahéyak nak eyeynókxa m'a yókxexma Aroer, neyáwa nak wátsam Arnón, keñe han ma'a tegma apwányam apyetnama nak neyseksa m'a ekyapwátegweykenxa xapop, kenhan ma'a ekyókxoho egkexe ekpayhéyak nak ma'a yókxexma Medebá, ekweykekxoho m'a yókxexma Dibón,

Deuteronomio 2:36

Méko axta xama enxoho tegma apwányam magmomakxa negko'o, axta eyeynamókxa m'a tegma apwányam Aroer, apyetnama nak ma'a nekha wátsam Arnón, tén han ma'a tegma apwányam apyetnama nak ma'a ekyapwátegweykenxa xapop, ekweykekxoho m'a Galaad; hakte Dios Wesse' egegkok axta apkeltémo ólmok negko'o m'a apyókxoho nak.