Jeremías 47:7 - Biblia Enxet

⁷ ¿Háxko eyke katnehek kalwataksek? Wesse' egegkok apkeltémo katnehek, apkeltémo kaktamagkok ma'a Ascalón, tén han ma'a apyókxoho énxet'ák apheykha nak neyáwa' wátsam ekwányam.

Jeremías 47:7 Referans Kwoze

Miqueas 6:9

Apkelwóneyha Wesse' egegkok ma'a apheykha nak tegma apwányam, tásek han ageyxhok yetlo negáyo: “Kóleyxho, énxet'ák, tén han kélpaqhetcháseykha nak chá'a kélnámakkok ma'a tegma apwányam:

Ezequiel 14:17

“Eyáphássek agkok nahan kempakhakma ekyókxoho xa kañe' nak apchókxa, séltamho enxoho eletsapok énxet tén han ma'a aqsok kélnaqtósso,

Isaías 10:6

Eyáphássek ko'o ektamagkok ma'a apheykegkaxa nak énxet'ák megyáyo nak Dios, xama apheykegkaxa selókassamo nak chá'a ko'o, yaqwayam sa' elmenyexchesagkok tén han elyementamagkok ma'a aqsok apagkok ekxámokma élmomnáwa nak, yaqwayam sa' elteyammaha etnéssesek ma'a ektémól'a ólteyammaha yelpa' m'a ámay.

Amós 3:6

páweyk agkok kélaqkahasso m'a tegma apwányam, énxet'ák akke kéltamhók kaltemeykha apkelwáxok; temégwokmók agkok exma ekmaso m'a tegma apwányam, Wesse' egegkok akke apcháphasso m'a.

Ezequiel 25:16

Cháxa keñamak sektáha nak ko'o sekpeywa s'e, sektáha nak Wesse': Axekmósek sa' ko'o sekmowána allegássesagkohok ma'a énxet'ák filisteos; amasséssók sa' ko'o m'a quereteos, amasséssók sa' nahan ma'a apkeleymomap nak makham apheykha m'a neyáwa wátsam ekwányam.

Isaías 37:26

¿Ya ey'ásegkok xép, ektáha ko'o séltémo katnehek ekyókxoho xa aqsok nak, ko'o sektáha nak Wesse'? Nanók agko' axta ko'o ekxeyenma ewáxok alának xa, élanak kaxwo'; Ékeso éñamakxa apmasséssekmo nak xép ma'a tegma apkelyennaqte nak tén han aptemessásekxo nak apxámokma m'a tegma aphopák.

Isaías 13:3

Élwóneyha ko'o m'a énxet'ák ahagkok apkelyennaqte nak, ekméssek nahan sekpeywa m'a kempakhakma yapmeyk ahagkok sélyéseykha nak, élpayheykekxoho nak chá'a apkelwáxok atnessásekxak kóneg ma'a sélenmexma, yaqwayam enxoho elanagkok chá'a m'a ektémakxa ko'o séllegassáseykegkoho.”

1 Samuel 15:3

Exeg, ektamák; emasséssem sa' yetlo ekyókxoho aqsok apagkok, nágkalepyósho aqsa elano'. Elnáhap sa' apkelennay'a tén han kelán'ák, sakcha'áletkók, keñe han kaxwe ekpalleyam nak, tén han ma'a weyke kelennay'awo', nepkések, yányátnáxeg, tén han yámelyeheykok.’

Jeremías 48:10

(¡Aptaqnómap sa' etnehek énxet melane nak aptamheykha apmésso m'a Wesse' egegkok! ¡Aptaqnómap sa' etnehek énxet memáheyo nak yaqhek pók neyseksa kempakhakma!)

Ezequiel 21:30

“¡Sókwenaqte, kataxnekxa axagkok! Sa' eykpelkohok ko'o exche' m'a éñamakxa axta, séláneykxa axta, cham'a xapop ekteyapmakxa axta,

Ezequiel 21:9

“Xép, énxet, ellegés sa' ko'o sekpeywa, exén sa' sektáha ko'o séltémo etnehek appeywa s'e, ko'o sektáha nak Wesse': “¡Kélmaxneyákxeyk kaxwók sókwenaqte! ¡Kélyenmáseykxeyk kaxwo'!

Ezequiel 21:14

“Xép énxet, exén sa' ko'o sekpeywa; eyáteyagkoho sa' sókwenaqte, yána sa' kalyetxeykxohok chá'a m'a ekyógkexma. Hakte cháxa sókwenaqte yaqwayam keytek chá'a ekyógkexma xa, sókwenaqte ekyennaqte ekyetno nak chá'a ekyógkexma, élpagkaneykencha'a nak chá'a énxet'ák ekyókxoho yókxexma.