Jeremías 47:4 - Biblia Enxet

⁴ Hakte wokmek ekhem yaqwánxa kólmasséssók ma'a filisteos, tén han kólyementemekxak Tiro, tén han Sidón ma'a apkeleymomap nak makham ma'a ektáha nak chá'a appasmo.” Naqso', emasséssók sa' Wesse' egegkok ma'a filisteos, apkelánteyapma axta m'a egkexe Creta, apkelmeyáyekmo s'e.

Jeremías 47:4 Referans Kwoze

Amós 9:7

Aptáhak Wesse' egegkok se'e: “Israelitas, kélhawók kéxegke sélányo m'a etiopes, méko kélyeykhamaxche kélmók. Eknaqleykenteyk axta ko'o kéxegke kéleñama m'a Egipto, eknaqleykenteyk axta ko'o filisteos apkeleñama m'a Creta, keñe arameos apkeleñama m'a Quir.”

Isaías 20:6

Sa' etnehek elpaqmétek apyókxoho apheykha nak neyáwa wátsam ekwányam xa ekhem nak: ‘Kóllano ektáhakxa nélásenneykekxo nak chá'a, negye'eykekxo nak chá'a óltamhok hempasmok yaqwayam hegkexakkásekxak ma'a wesse' apwányam Asiria. ¿Yaqsa sa' kaxwók hẽlwagkasek teyp?’”

Deuteronomio 2:23

Hawók axta nahan ektémakxa axta m'a heveos, apheykencha'a axta m'a tegma nekha Gaza apsawhomákpo axta aptekyawoma apkelnapma m'a énxet'ák filisteos, apkelxegeykmo axta apkeleñama m'a Creta, keñe apkelhaya m'a apkelókxa nak.)

Oseas 9:7

¡Wokmek kaxwók yaqwánxa kóllegássesagkoho'! ¡Wokmek kaxwók yaqwánxa kólyaqmagkásekxak ekpayhawo nak kólteméssesek! ¡Ey'asagkohok sa' eyke Israel ekwokmo enxoho xa ekhem nak! Kéltemék chá'a kéxegke s'e: “Ekyeyháxma m'a Dios appeywa aplegasso nak. Ekyeyháxma m'a énxet apha nak apwáxok espíritu.” Kéltemegkek chá'a kéxegke kélpeywa xa ektáha nak, hakte láneyók kélwáxok ma'a kéltémakxa ekmaso, kéllómok kélagko'.

Ezequiel 21:29

Háwe naqsók ma'a aqsok kélwete nak chá'a, wanchek nahan amya'a m'a kélxeyenma nak chá'a yaqwánxa katnehek. Kalyaqtennagkok sa' apyespa'ák sókwenaqte xa énxet'ák tekyawa yapmeyk élmasagcha'a nak apkeltémakxa. Wokmek kaxwók néxa kéllegassáseykegkoho.

Ezequiel 21:25

Wokmek kaxwók ekhem yaqwánxa kóllegássesagkohok xép, wesse' apwányam Israel, tekyawa yáp ekmaso nak aptémakxa.

Ezequiel 7:12

Wokmek kaxwo', xegakmek ekhem. Megkalpayhekxeyk sa' chá'a kaxwók apkelwáxok ma'a apkexakha nak chá'a aqsok, megkatnehek sa' nahan chá'a megkalyaqhápeykha apkelwáxok ma'a apkelma nak chá'a aqsok. Allegássesagkohok sa' ko'o yetlo seklo m'a énxet'ák apkeleymákpoho nak Israel.

Jeremías 46:10

Cháxa Wesse' ekha apyennaqte ekhem apagkok xa, yaqwayam sa' eyaqmagkásekxak apkeltémakxa m'a apkelenmexma nak. Kalnápok sa' sókwenaqte ekwokmoho éleklakmo, tén han ekwokmoho ekyeykesáxma m'a éma apagkok nak. Hakte elnápok sa' énxet'ák Wesse' ekha apyennaqte m'a apchókxa ekpayho nak nexcheyha, neyáwa nak wátsam Éufrates.

Salmos 37:13

Yesmaksek eyke aqsa chá'a Wesse' egegkok, hakte apya'ásegkok kaxwók sa' elmassegwók ma'a élmasagcha'a nak apkeltémakxa.

Ezequiel 30:8

Ekwatneyk sa' agkok ko'o táxa m'a apchókxa nak tén han apsawhékpoho enxoho emassegwók apyókxoho m'a ektáha nak chá'a appasmo, keñe sa' elya'ásegwók sektáha ko'o Wesse'.

Ezequiel 25:16

Cháxa keñamak sektáha nak ko'o sekpeywa s'e, sektáha nak Wesse': Axekmósek sa' ko'o sekmowána allegássesagkohok ma'a énxet'ák filisteos; amasséssók sa' ko'o m'a quereteos, amasséssók sa' nahan ma'a apkeleymomap nak makham apheykha m'a neyáwa wátsam ekwányam.

Isaías 31:8

kalnápok sa' sókwenaqte m'a énxet'ák apheykha nak Asiria, háwe sa' eyke énxet yaqwayam elnápok. Kamenxenek sa' kempakhakma m'a énxet'ák apagkok, keñe sa' ma'a wokma'ák kempakhakma yapmeyk nak katnéssesek kélásenneykha naqsa;

Isaías 10:3

¿Háxko sa' kóltéhek kéxegke apkelyetsetchásekxo sa' kéltémakxa m'a Dios, kélwet'a sa' kaxegmak makhawók ma'a kéllegeykegkoho nak? ¿Yaqsa sa' kólyo'ókxak kólmaxnegwakxak yaqwayam kapasmok? ¿Háxko sa' kólnegkenwók ma'a aqsok kélagkok ekxámokma élmomnáwa nak?

Job 9:13

Aplókek agkok Dios, yehémek kamaskok aplo; mékoho aptemessáseykekxak ma'a élxegexma'a nak yéwa ekwányam Rahab.

1 Crónicas 1:12

patruseos, casluhítas tén han caftoritas, cháxa apkeleñama axta m'a filisteos.

Josué 22:30

Xama axta apkelleg'a aptáhakxa apkelpeywa Rubén énxet'ák apagkok tén han Gad keñe han ma'a nápakha nak Manasés énxet'ák apagkok ma'a apkelmaxnéssesso Dios énxet'ák apagkok Finees, tén han ma'a apkelámha apmonye'e nak apheykegkaxa, keñe han ma'a apkelámha apmonye'e nak chá'a nepyeseksa apnámakkok ektáha axta apkelyetlo, leyawók axta apkelwáxok.

Génesis 10:15

Canaán axta apyáp ma'a Sidón, apmonye' apwete apketche axta, tén han ma'a Het.

Isaías 14:31

¡Filisteos, kélheykha nak apyókxoho tegma apkelyawe, kallapwomák, kalpayheykha kélatña'ák kóllekxagwaha, kólpexyennem kélaye! Hakte apkelxegakmek énxet apxámokma yaqwayam yempakhak ma'a ekpayho nak nexcheyha, máxa éten ekpánmal'a aptáhak; méko nahan xama enxoho apteyapma neyseksa m'a apkeleyweykekxa nak apkelxega.