Jeremías 46:9 - Biblia Enxet

⁹ “¡Kólxeg kélchánte nak yátnáxeg! ¡Kólxeg kélchánte nak yátnáxeg apkelyenyawasso! ¡Kólxeg kempakhakma yapmeyk: sẽlpextétamo nak Etiopía, tén han Libia, kólmekxa kéláhakkásamáxche'; tén han sẽlpextétamo nak Lidia, apmopwancha'a nak elmaha yágke!

Jeremías 46:9 Referans Kwoze

Ezequiel 27:10

Kempakhakma yapmeyk axta nahan aptemessáseykegkok xép ma'a énxet'ák apkeleñama nak Persia, Lidia tén han ma'a Libia; apwakhassegkek axta apyempehek ma'a apkeláhakkásamap nak tén han ma'a apkelatchesso apqatkok nak, tén axta ektaxnéssamo.

Isaías 66:19

Agkések sa' ko'o xama aqsok magkenatchesso. Wohok sa' elxeganmok nápakha keñe sa' aláphaksek ma'a apheykegkaxa nak chá'a pók aptémakxa énxet'ák: cham'a Tarsis, Libia tén han ma'a Lidia, apkelókxa, apmopwancha'a nak elmaha m'a yágke, tén han ma'a Tubal, Grecia tén han ma'a apkelókxa makhawók agko' nak, neyáwa nak ma'a wátsam ekwányam, cham'a, mellegaya nak ko'o makham axénaxche', melweteya nak makham ma'a seyeymáxkoho; Sa' ellegaksek nepyeseksa pók aptémakxa énxet'ák seyeymáxkoho m'a.

Nahúm 3:9

Etiopía tén han Egipto, axta ekpasmo meyke néxa; keñe axta énxet'ák Fut, cham'a libios, apteme appasmeykekxa.

Jeremías 47:3

Apkelyelqákpek nahan apyapmeyk apkelleg'a yátnáxeg apmagkok apkeléwayam, tén han éxtegyawasso xóp yátnáxeg apkelyenyawasso, tén han élaqtáwayam ma'a amagkok nak, apkexakkek aqsa apketchek.

Jeremías 30:5

Aptáhak Wesse' egegkok se'e: “¡Legáxcheyk élpayheykha kélatña'ák élyegweymáxche', tén han eyeymáxche', tén han magya'áseyak nentáhakxa!

1 Crónicas 1:11

Misraim axta apkeleñamak apkelánteyapma m'a ludeos, anameos, lehabitas, naftuhítas,

Génesis 10:13

Misraim axta apkeleñamak apkelánteyapma m'a ludeos, anameos, lehabitas, naftuhítas,

Génesis 10:6

Keso Cam axta apketchek se'e: Cus, Misraim, Fut, tén han ma'a Canaán.

Jeremías 51:11

Peyk emasséssók Wesse' egegkok ma'a Babilonia, apnaqxétekhássásegkek han apkelwáxok ma'a kelwesse'e apkelwányam nak Media. Cháxa yaqwayam eyaqmagkásekxak Wesse' egegkok apteméssessamakxa axta m'a tegma appagkanamap apagkok. ¡Kóllánekxa yágke aktek kélagkok! ¡Kólmák sa' kéláhakkásamáxche!

Ezequiel 30:4

Kawak sa' kempakhakma m'a Egipto. Aptekyókek sa' agkok apxámokma m'a, tén han kélmenyexchesa enxoho m'a aqsok apagkok ekxámokma nak, tén han kélmasséssekmo enxoho ekweykmoho apowhók ma'a Egipto, elpexyennók sa' énxet'ák apheykha nak ma'a Etiopía.

Ezequiel 30:5

Etekyók sa' nahan kempakhakma m'a sẽlpextétamo apkeleñama nak Etiopía, Libia, tén han ma'a Lidia, tén han ma'a ekyókxoho nak Arabia, Cub tén han ma'a pók énxet'ák nak, tén han ma'a mók nekha apkelókxa ektáha nak chá'a appasmeykekxa.