Jeremías 46:21 - Biblia Enxet

²¹ Aphawók weyke étkók eknaqmelel'a m'a sẽlpextétamo apagkok kélyánmagkasso nak chá'a apkelempakhe, yenyahagkok sa' eyke han ma'a, mopwancha'ak sa' elenmexekxa', hakte kawak sa' ekhem ekmaso agko', yaqwayam kóllegássesagkoho'.

Jeremías 46:21 Referans Kwoze

Jeremías 46:5

“¿Yaqsa eyke ko'o sekwet'a? Apkelaqxegágkokxeyk yetlo ekyawe agko' apkelaye. Apkexpaqneyk apmenxenákpo m'a kempakhakma yapmeyk apagkok; apkenyahágkek meyke apkelpeynchamakpoho neptámen. ¡Sawheykxók élmeneymáxche ekyókxoho yókxexma! Ko'o sekxeyenma xa, sektáha nak Wesse'.

2 Reyes 7:6

Hakte Wesse' egegkok axta apteméssesso m'a sẽlpextétamo nak Siria, yaqwayam ellegak ektémól'a kalxegmak ekxámokma yátnáxeg apkelyenyawasso apkenchesso nak kempakhakma, keñe han yátnáxeg apkelchánte, tén han ma'a ektémól'a sẽlpextétamo apxámokma elxegma'; apkeneykek axta eláneyáha yaqwayam epasmok wesse' apwányam Israel ma'a apkelwesse'e apkelwányam apagkok nak hititas, tén han ma'a apkelwesse'e apkelwányam apagkok nak egipcios, yaqwayam ektamagkok ma'a sirios.

Miqueas 7:4

Máxa yámet ekha nak am'ák apkelxénamap nak chá'a éltaqmalma apkeltémakxa xa énxet'ák nak, máxa pegke m'a apkelxénamap nak chá'a ekha kéláyo. Xegakmek eyke ekhem yaqwánxa kólyaqmagkásekxak apkeltémakxa, apkeltennassama axta m'a énxet apkelhaxneykha cham'a aplegasso nak Dios appeywa. Keñe sa' katyapok nepyeseksa melya'áseyak aptamhágkaxa.

Abdías 1:13

Axta eykhe kapayhawok etaxnegwakxak tegma apwányam ma'a aplegágkoho axta ekmaso, axta eykhe kapayhawok kapayhekxak apwáxok apwet'a ektáhakxa ekmaso apha, cham'a eyesagko axta kélteméssesakxa', axta eykhe kapayhawok elmenyexchesek aqsok apagkok ma'a eyáhapwa'a axta aqsok ekmaso.

Amós 6:4

Kélheykegkek aqsa m'a néten taháno éltaqmalma élánamáxche nak yánnapóxeg apma'ák kélnáxegkáseykha, kólhagkok chá'a m'a néten nak ekpayhakxa, neyseksa kéllánéyak kélessawássessamo; kóltawagkok chá'a m'a nepkések apketkók apnaqmele, tén han ma'a weyke étkók;

Oseas 9:7

¡Wokmek kaxwók yaqwánxa kóllegássesagkoho'! ¡Wokmek kaxwók yaqwánxa kólyaqmagkásekxak ekpayhawo nak kólteméssesek! ¡Ey'asagkohok sa' eyke Israel ekwokmo enxoho xa ekhem nak! Kéltemék chá'a kéxegke s'e: “Ekyeyháxma m'a Dios appeywa aplegasso nak. Ekyeyháxma m'a énxet apha nak apwáxok espíritu.” Kéltemegkek chá'a kéxegke kélpeywa xa ektáha nak, hakte láneyók kélwáxok ma'a kéltémakxa ekmaso, kéllómok kélagko'.

Jeremías 50:27

¡Kólnáhap apyókxoho m'a sẽlpextétamo apagkok nak, kólnaqlakxa yaqwánxa nak etekyók! ¡Apyósekak eyke eykhel'a! ¡Wokmek ekhem yaqwánxa kóllegássesagkoho'!

Isaías 34:7

Máxa yágweyke sa' etnahagkok eletsapok tén han weyke étkók tén han weyke kelennay'a; kayássesek sa' éma m'a xapop apagkok, kamlaksek sa' nahan yagkamex ma'a pexmok apagkok.

Salmos 37:13

Yesmaksek eyke aqsa chá'a Wesse' egegkok, hakte apya'ásegkok kaxwók sa' elmassegwók ma'a élmasagcha'a nak apkeltémakxa.

2 Samuel 10:6

Apyekpelcheyk axta amonitas aplawa m'a David, yetlókok axta aptegye ekha ekyánmaga veinte mil sẽlpextétamo sirios apkeleñama m'a Bet-rehob tén han ma'a Sobá, keñe axta han mil énxet'ák ma'a wesse' apwányam Maacá axta apagkok, keñe doce mil énxet'ák apkeleñama m'a Is-tob.

Ezequiel 35:5

“Nanók élenmexma exche' m'a énxet'ák Israel, kempakhayak axta m'a sekxók apkelxaweykegko axta néxa kéllegassáseykegkoho eñama m'a apkeltémakxa melya'assáxma.

Jeremías 50:11

“Kéxegke caldeos, kélyementaméyak axta aqsok apagkok énxet'ák ahagkok, ¡kalpayhekxa kélwáxok, kólnéwha! ¡Kólnextegmakha néten, ektémól'a weyke étkok ma'a neyseksa pa'at! ¡Kólwehesha aptémól'a elpáwha yátnáxeg!

Jeremías 46:9

“¡Kólxeg kélchánte nak yátnáxeg! ¡Kólxeg kélchánte nak yátnáxeg apkelyenyawasso! ¡Kólxeg kempakhakma yapmeyk: sẽlpextétamo nak Etiopía, tén han Libia, kólmekxa kéláhakkásamáxche'; tén han sẽlpextétamo nak Lidia, apmopwancha'a nak elmaha yágke!

Jeremías 18:17

Máxa sa' ko'o atnehek éxchahayam eñama nak ekteyapmakxa ekhem waxpánchesek ma'a énxet'ák Israel; wának sa' emenxenek ma'a apkelenmexma nak. Wahekxak sa' éyapok, malanók sa', cham'a ekwa'a sa' ekhem séllegassáseykegkoho.”

Isaías 10:3

¿Háxko sa' kóltéhek kéxegke apkelyetsetchásekxo sa' kéltémakxa m'a Dios, kélwet'a sa' kaxegmak makhawók ma'a kéllegeykegkoho nak? ¿Yaqsa sa' kólyo'ókxak kólmaxnegwakxak yaqwayam kapasmok? ¿Háxko sa' kólnegkenwók ma'a aqsok kélagkok ekxámokma élmomnáwa nak?

Proverbios 15:17

Tásek antók nento éleñama nak namyep ma'a ekhakxa nak nélásekhamaxkoho, kaxnók antók ápetek ma'a ekhakxa nak nélenmexamaxche'.

Deuteronomio 32:15

“Apmelayak axta m'a Jesurún, apkeltekpageykha axta apmagkok xapop (apmelayók apagko' axta, apkelyenmomchek axta apmele), tén axta apyamasma m'a Dios, ektáha axta apkelane; aptaqnawágweykmek axta m'a apmasma nak chá'a tén han apwagkasso teyp.

Jeremías 46:22

Elmóhagkok sa' yenyahagkok ma'a énxet'ák Egipto, ektémól'a kalpáwak yéwa, cham'a apkelágketchessa'a sa' sẽlpextétamo, tén han apketamokmo sa' yetlo póte apkelmeykha, aptémól'a elyaqtennagkok ma'a yenta'a élyawe.

Jeremías 48:44

Máxek sa' etyamok chá'a m'a apyexánegkesso nak chá'a apkelnempaqwáméyak, keñe sa' ma'a apteyapma nak chá'a kañe' máxek kamok kelhanma, hakte wahak sa' ko'o apkellegeykegkoho m'a énxet'ák Moab. Ko'o sekxeyenma xa, sektáha nak Wesse'.

Jeremías 49:8

¡Énxet'ák Dedán, kólenyahák, kólyexánem! Hakte peyk ko'o amasséssók ma'a Esaú énxet'ák apagkok; wokmek kaxwók yaqwánxa allegássesagkoho'.

Ezequiel 30:22

Ekeso éñamakxa sektáha nak ko'o sekpeywa s'e, sektáha nak Wesse': Ekxénchek ko'o aptáha sénmexma m'a faraón, wesse' apwányam nak ma'a Egipto. Alekkexchesek sa' ko'o m'a ánet apaktegák nak, cham'a ektaqmalma nak tén han ma'a nanók éntamakxa nak, apaqnegkeshok sa' ma'a sókwenaqte nak.