Jeremías 46:12 - Biblia Enxet

¹² Apkelya'ásegkók kaxwók ekyókxoho apkelókxa kéltamhákxo mékoho, legáxcheyk han élpayheykha kélatña'ák ekyókxoho yókxexma nak keso náxop; apkeltegwákpek chá'a pók kempakhakma yapmeyk, apkelyettelegwágkók nahan chá'a xamók pók náxop.”

Jeremías 46:12 Referans Kwoze

Jeremías 46:6

¡Mopwanchek apkenyahágko m'a apkelyennaqte apagko' nak apkenyehéyak, mopwanchek han apkelxeganakmo m'a apkelyennaqte apagko' nak! Apkelpelápegwokmek ma'a neyáwa nak wátsam Éufrates ekpayho nak nexcheyha, apkelyaqnenágkek nahan.

Jeremías 14:2

“Apkellekxagweyha m'a énxet'ák Judá, apkellegágkok élyentaxno apkelwáxok ma'a apheykha nak tegma apkelyawe apagkok, aphágkek náxop ma'a énxet'ák. Kelpayheyha apatña'ák apkellegágkoho ekmáske m'a énxet'ák Jerusalén.

Isaías 19:2

“Wának sa' ko'o yexpánchesakpok ma'a egipcios —axta aptáhak Wesse' egegkok—, wának sa' elnapakpekxak chá'a pók, elnapakpekxak sa' chá'a apnámakkok apagko', keñe sa' xama tegma apwányam elnapakpekxak nahan chá'a m'a pók tegma apwányam nak, keñe sa' xama apchókxa elnapakpekxak nahan chá'a m'a mók apchókxa nak.

Sofonías 1:10

Keso aptáhakxa exchek appeywa Wesse' egegkok se'e: “Kañexchek sa' kélpáxameykha ektegyeykha ekpasmo xa ekhem nak eyeynamo m'a kéltéma nak Kelasma Átog agkok. Kalpayheykha sa' apatña'ák énxet'ák ma'a kéltéma nak Kaxwe Apheykegkaxa, kaxtegyók sa' ekyennaqte agko' apkelyaqnenma tegma m'a egkexe nak.

Jeremías 51:54

Babilonia keñamak élpayheykha kélatña'ák, caldeos apchókxa keñamak ekyennaqte agko' ekyennama exma.

Jeremías 49:21

Kaxtegyók sa' ekyennaqte agko' apteyekmo sa' ma'a Edom, kayawheykha sa' xapop; kalpayheykha sa' apatña'ák etegyaha ekpasmo, kañexkohok sa' élpayheykha apatña'ák ma'a Wátsam Ekwányam Ekyexwase nak.

Jeremías 48:34

Apkelwehéseyha apkellegágkoho ekmáske m'a énxet'ák Hesbón, wokmók eklegamaxkoho apkelwehéseykha m'a Elalé, tén han Jahas, wokmók nahan eklegamaxkoho ma'a Sóar ekweykekxoho m'a Horonaim, tén han ma'a Eglat-selisiya, hakte wokmók nahan ekteyapmakxa yegmen Nimrim élyamaka.

Isaías 10:4

Sa' agkok kéxegke kólháxahagkok nepyeseksa m'a apkelmomap nak tén han ma'a aptekyawa axta neyseksa kempakhakma, kóletsaphok sa' xamo'. Makke kamassak makham aplo m'a Wesse' egegkok; xénchek makham apwáxok ellegássesagkoho'.

1 Samuel 5:12

Weykekxók axta élpayheykha apatña'ák énxet'ák ma'a néten, hakte sawheykekxók axta apyempe'ék tasqapma m'a meletsapma axta.

Isaías 24:11

Apkelpáxamáha ekyennaqte énxet'ák ámay awáxok aptegyágko eykhe vino; massegwokmek ekyókxoho m'a ektémakxa axta chá'a élpayheykekxa apkelwáxok, kélmasséssek kañe' apchókxa m'a ekpayheykekxa egwáxok nak.

Jeremías 2:36

¿Yaqsa ektáha kélpekhésa nak kólyaqmagkasek pók kélxegexma'a? Elyexanchesha sa' eyke nahan kéxegke m'a énxet'ák Egipto, ektéma axta m'a énxet'ák Asiria.

Jeremías 47:2

“Ektáhak ko'o sekpeywa s'e, sektáha nak Wesse': Nexcheyha keñamak ekwa'a ekho yegmen ekyawe, ektémól'a wátsam katyapok yegmen; sawhékxók eyapma m'a apchókxa, tén han ma'a ekyókxoho aqsok ekhéyak nak kañe', cham'a tegma apkelyawe nak, tén han apheykha nak ma'a kañe'. Apkelwehéseyha m'a apyókxoho énxet'ák apheykha nak kañe', kelpayheyha apatña'ák apkellegágkoho ekmáske.

Jeremías 50:46

Kaxtegyók sa' ekyennaqte agko' apteyekmo sa' ma'a Babilonia, kayawheykha sa' xapop, kañexkohok sa' élpayheykha apatña'ák ma'a mók apkelókxa nak.”

Nahúm 2:5

Apméssek appeywa sẽlpextétamo apkelwesse'e apagkok ma'a wesse' apwányam, apkeltegwákpek apkenyahágko apketámegko m'a tegma kélhaxtegkesso nak, ekyetnakxa nak ekpenchásamaxche m'a yámet ekyawe kélyehegkesso nak átog.