Biblia Todo Logo
Bib sou entènèt

- Piblisite -




Jeremías 44:22 - Biblia Enxet

22 Massegkek axta eyke apkelenmáxamap Wesse' egegkok ma'a aqsok ekmaso kélláneyak, kélláneykegko axta kéxegke, cham'a aptaqnagkamo apagko' nak chá'a m'a. Cháxa keñamak ektamheykekxo nak kaxwók ekmaso kélókxa kéxegke tén han meyke xama énxet apha m'a; éñamakxa néltémo hentemegwomhok exma ekmaso tamheykekxa', aqsok eyeymáxkohol'a kataxche'.

Gade chapit la Kopi




Jeremías 44:22
40 Referans Kwoze  

Élágkek axta ko'o m'a énxet'ák Jerusalén, tén han ma'a énxet'ák apheykha nak tegma apkelyawe Judá, yetlo kelwesse'e apkelwányam apagkok tén han apkelámha apmonye'e, yaqwayam enxoho amasséssók, tén han atnessásekxak meyke xama aqsok, tén han aqsok eyeymáxkohol'a kataxche', tén han segyegwakkassamól'a, tén han éñamakxa néltémo hentemegwomhok exma ekmaso, aptamheykegko nak makham se'e kaxwo' nak.


Leklágweykmek apháxenmo kéxegke Wesse' egegkok; kóltéhek chá'a kólmaxneyekxohok se'e: “¿Háxko nentémakxa chá'a neganagkama negko'o ekleklágweykmo nak segháxenmo?” Kélxeyenmeyk chá'a kéxegke Wesse' egegkok ekleklamo apwáxok ma'a apkeláneykegkoho nak chá'a aqsok ekmaso, tén han ekpayheykekxoho chá'a apwáxok apkelányo, kóltéhek han chá'a s'e: “¿háxko aphakxa m'a Dios ekpéwomo aptémakxa nak?”


Wának sa' ko'o kólmasséssók apyókxoho m'a apkelheykekxa nak Judá, tén han apkelpekheykha axta elmeyekxak elhakxak ma'a Egipto. Apyókxoho sa' eletsapok kempakhakma, meyk, cham'a ketcheyetse nak ekweykekxoho m'a apkelwányam nak, etnahagkokxak sa' éñamakxa néltémo hentemegwomhok exma ekmaso, tén han mékoho, tén han aqsok eyeymáxkohol'a kataxche'.


Máxa aptáhak aptepa m'a yámakméwa ekteyapmal'a axagkok, meyke xama aqsok tamhákxak ma'a apkelókxa nak, hakte aplókók apagko' ma'a Wesse' egegkok, apcha'ak kempakhakma ekmaso agko'.


Kólmasséssók sa' ekyókxoho s'e apchókxa nak, ekmaso sa' kóltemessásekxa'. Setenta apyeyam sa' kawomhok apteme apkeláneykha Wesse' apwányam Babilonia xa énxet'ák nak.


Cháxa apkeltémakxa aptemessáseykekxo yókxexma meykexa énxet ma'a apchókxa nak, tén han élyamasso apkelwáxok ma'a énxet'ák. Elyeykesha sa' chá'a apqatkok elyegweyk elwetak ma'a ektáhakxa enxoho chá'a apkelyeykhágwayam ma'a.


Mehetegyessók ma'a pa'at ekmátsal'a ekpaqneyam yaqwayam enxoho hesantagkasek etnehek aqsok segkésso naqsa, mehepeykessáseykekxak ewáxok hesantagkasek ma'a apnaqtósso apkelnapma nak pexmok agkok. Keñe ko'o éleklágwokmek ma'a mey'assáxma nak xép; eyampóssekmek ma'a aptémakxa ekmaso nak.


Tén axta aptáha Isaías se'e: “Kóleyxho kéxegke s'e, wesse' apwányam David aptawán'ák neptámen. ¿Kélanagkamcheya kexyókók kólya'aksek exma énxet, kélmako nak han kólya'aksek exma m'a Dios ahagkok?


Allegássesagkohok sa' kaxwók ko'óxa kéxegke ekyentaxno agko', kólesñaha sa', ektémól'a kalesñaha yátnáxeg apyenyawasso awhak eywok ekláneyo hótáhap apaktek.


Apkeláneyak xeyep ma'a apxeyenmakxa axta henteméssesek, segaphássesa m'a néllegeykegkoho ekmaso agko', ekweykekxoho m'a senláneykha nak chá'a negko'o; hakte axta kótémaxchek chá'a katnehek xama enxoho ekhawo ektémakxa axta kéllegassásegkoho eyáhapwe m'a Jerusalén.


Keñe sa' kamaskok seklo; wánxa sa' atnehek séltaqnawéyak ma'a, awanmeyekxak sa'. Massék sa' agkok ko'o séltaqnawéyak ma'a, elya'ásegwók sa' ektáha ko'o sekxeyenma sélmeyeykha ekyawe agko', ko'o sektáha nak Wesse'.


Keñe seklómo ahagko' ko'o, máxa táxa eyáléwe axta temék élwatnama m'a tegma apkelyawe nak Judá, tén han ma'a ámay nak Jerusalén. Nápakha'a apketkók axta aptamheykekxa', tén han meyke xama aqsok, ekwokmoho makham se'e kaxwo' nak.


“Aptáhak Wesse' ekha apyennaqte, Dios apagkok nak Israel se'e: ‘Kélweteyak axta kéxegke ekyókxoho aqsok ekmaso seyáphassama axta ko'o m'a Jerusalén, tén han ma'a pók tegma apkelyawe nak Judá. Nápakha'a apketkók kaxwók aptamheykekxak ma'a, méko han ekha m'a,


Hakte melyeheykekxohok ma'a sélpaqhetchesso axta ko'o, seyásenneykekxo axta m'a séláneykha apkellegasso nak sekpeywa, cham'a séláphassáseykekxo axta chá'a, megkólháxenmo axta chá'a kéxegke. Ko'o sekxeyenma xa, sektáha nak Wesse'.


sa' atnéssesek ko'o sekteméssessamakxa axta Siló s'e tegma appagkanamap nak. Apkelxéneykha ekmaso sa' ko'o atnéssesek apyókxoho énxet'ák apheykha nak keso náxop, cháxa tegma apwányam nak.’”


Wának sa' ko'o káhapwak aqsok ekmaso agko' ma'a, yaqwayam sa' kalyegwakkasek chá'a elwetak ma'a apyókxoho énxet'ák apheykha nak keso náxop, elasmésakpok sa' chá'a ekyókxoho apkelókxa sélya'asakxa enxoho chá'a ko'o waxpánchesek, eltaqnaweykpok sa' nahan, kóltamhok sa' nahan chá'a kaltemégwomhok exma ekmaso.


Eyamasmeyk xép, massegkek sélányo. Ko'o sekxeyenma xa, sektáha nak Wesse'. Cháxa keñamak séleklágweykmo nak séláneykha aqsa, ekya'ássek néten émek peya añássesagkoho', keñe sekmasséssekmo.


Cháxa keñamak Wesse' ekha nak apyennaqte, Apyennaqte apagko' nak ma'a Israel, aptáha appeywa s'e: “¡Wánxa kólteme! Allegássesagkohok sa' ko'o m'a sélenmexma nak. Ayaqmagkásekxak sa' mók ma'a apkeltémakxa nak.


hakte agmasséssók sa' negko'o s'e yókxexma nak. Xámokmeyk apxénamap ekmaso s'e énxet'ák apheykha nak tegma apwányam, weykmek ma'a aphakxa nak Wesse' egegkok, cháxa keñamak sẽláphasa nak apkeltamho agmasséssók.


Keñe axta Wesse' egegkok aptáha s'e: “Magwohok sa' kaxwók kawegqohok apha énxet, hakte megkatnehek chá'a megyetsapma m'a. Ciento veinte apyeyam sa' aqsa chá'a néxa apha.”


Énxet'ák Judá tén han Jerusalén, kólyenyekha nekha kélyempehek, hélya'asagkoho han ko'o sekteme Wesse', kólpekken kélwáxok ma'a ekhémo mók nélpaqhetchásamáxkoho nak; katyapok katnehek seklo ektémól'a táxa eyáléwe, eyáléweykhal'a meyke ekmowána kaspanchesek, eñama kéltémakxa ekmaso.


Aptáhak Wesse' egegkok, Dios apagkok nak Israel apkeláneya keláneykha nepkések, apkeláneykha nak chá'a m'a énxet'ák apagkok: “Kélhayók kéxegke aptekyóma m'a nepkések seknaqtósso, kélmenxenme', megkólláneykha. Ataqmelchesagkohok sa' ko'o allegássesagkohok kéxegke, eñama ekmaso aqsok kélláneyak. Ko'o sekxeyenma xa, sektáha nak Wesse'.


Alyetlókasha sa' kempakhakma, meyk tén han negmasse. Wának sa' ko'o elpexyennók apkelaye apkelwet'a enxoho m'a apyókxoho énxet'ák, atnessásekxak sa' ko'o éñamakxa néltémo hentemegwomhok exma ekmaso, tén han negmegqakto, xama aqsok ekpexchessamo nak egyempehek agweta' tén han segyegwakkassamo nepyeseksa m'a apyókxoho énxet'ák, sélya'assamakxa nak chá'a ko'o séxpánchessama.


Massegkek nahan élxeyenma apkelwáxok kéxegke m'a apyókxoho kélásekhayókxa nak; massegkek élyetnakhassamo apkelwáxok kéxegke. Élyensassegkek axta ko'o kéxegke, máxa axta ektemék ma'a apteméssessamól'a elyensaksek ma'a kélenmexma, éllegassáseykegkok axta ekyentaxno agko' eñama ekxámokma kéltémakxa ekmaso, tén han ekxámokma agko' ma'a megkólya'assáxma.


Wának sa' eyke ko'o elchexyók makham yenmexek se'e tegma apwányam nak tén han ektámenta', emok sa', keñe sa' ewatnekxoho'. Wának sa' ko'o etnekxak meyke xama aqsok ma'a nápakha nak tegma apkelyawe Judá, meyke xama énxet enxoho apha. Ko'o sekxeyenma xa, sektáha nak Wesse'.”


“Aptáhak Wesse' ekha apyennaqte, Dios apagkok nak Israel se'e: ‘Sa' atnehek nahan ko'óxa altaqnaweygkok kéxegke m'a sektémakxa axta séltaqnaweykegkoho ahagko' ma'a apheykha nak Jerusalén, kélmeyákxo sa' ma'a Egipto, altaqnaweygkohok ahagko' sa' ko'o kéxegke. Néltémo hentemégwomhok exma ekmaso sa' kóltemekxa', aqsok eyeymáxkohol'a kataxche', megkólwetekxók sa' chá'a s'e yókxexma nak.’


Kólpekkenches xama meteymog kéltáxésso ekxeyenma ekmassegweykemxa m'a Moab, hakte peyk kólmasséssók; nápakha'a apketkók sa' etnekxak ma'a tegma apkelyawe nak, meyke xama énxet apheykekxa m'a.”


Elya'ásegwók sa' nahan énxet'ák apkeleñama nak mók apkelókxa kélnaqleykekxo énxet'ák Israel ma'a megkatnahakxa nak apkelókxa eñama m'a apkeltémakxa melya'assáxma, hakte eyenseykmek ko'o sétleykha m'a; tén han ekmassama ko'o sélányo, seyhayo aqsa emenxenek ma'a apkelenmexma nak tén han etekyók apyókxoho m'a kempakhakma.


apkeltaqnagkamchek axta m'a segánamakxa apagkok, keñe han ma'a ekhémo mók nélpaqhetchásamáxkoho apkelánesso axta m'a apyapmeyk nano', tén han apchánamakxa axta etnahágkok apmésso axta. Apkelyetlamchek axta han ma'a aqsok kéláyókxa mékoho agko' nak, ektemessáseykekxo axta han mékoho m'a, apkeláneykegkek axta han ma'a aptamheykegkaxa axta m'a énxet'ák apheykha axta m'a nepyáwa, aqsok apkeltennassama axta meltémo elanagkok ma'a Wesse' egegkok.


¿Mallegássesagkóya sa' ko'o eñama apkeláneyak xa aqsok nak? ¿Matnésseseya sa' ko'o ekpayhawo nak atnéssesek séllegassáseykegkoho énxet'ák aptamhéyak nak xa ektéma nak?


Apyókxoho énxet'ák Israel melyaheykekxak ma'a nélxekmowásamáxche apagkok, memáheyók elyahakxohok ma'a apkeltémókxa etnahagkok; cháxa keñamak segáhapwa'a nak negko'o m'a aqsok ekmaso, ekyetnama nak eknaqtáxésamaxche m'a Moisés segánamakxa apagkok, apkeláneykha axta exchep, hakte nenláneykegkek negko'o mólya'assáxma nénmexeykekxo exchep.


Swiv nou:

Piblisite


Piblisite