Jeremías 43:11 - Biblia Enxet

¹¹ Exegmak sa' ma'a, emasséssak sa' apchókxa Egipto. Apkelxénamap nak eletsapok, eletsapok sa'; apkelxénamap nak kólnaqlakxak megkatnahakxa apkelókxa, kólnaqlakxak sa' megkatnahakxa apkelókxa; apkelxénamap nak eletsapok kempakhakma, kempakhakma sa' eletsapok.

Jeremías 43:11 Referans Kwoze

Jeremías 44:13

Allegássesagkohok sa' ko'o apheykha nak Egipto, ektéma axta séllegassáseykegkoho m'a énxet'ák Jerusalén, kempakhakma sa' alha', meyk, tén han negmasse.

Jeremías 15:2

Apkelmaxneyáha sa' agkok háxko elmahagkok, eltennés sa' sektáha ko'o sekpeywa s'e: “Énxet apkelxénamap nak eletsapok negmasse ekmaso, negmasse ekmaso sa' kalnápok; énxet apkelxénamap nak eletsapok kempakhakma, kempakhakma sa' eletsapok; énxet apkelxénamap nak eletsapok meyk élnapma, meyk élnapma sa' eletsapok; énxet apkelxénamap nak kólnaqlakxak megkatnahakxa apkelókxa, kólnaqlakxak sa' megkatnahakxa apkelókxa'.’

Zacarías 11:9

Tén axta sektáha séláneya nepkések se'e: “¡Matnehek sa' chá'a ko'o kaxwók séltaqmelchesso kéxegke! ¡Peyk sa' agkok chá'a yetsapok kélxama, yetsapok sa' apagkok chá'a m'a! ¡Apmatñeyk sa' agkok chá'a kélxama, emátog sa' apagkok chá'a m'a! ¡Keñe sa' ma'a apkeleymomap nak, etwekxak sa' aqsa chá'a m'a pók nak!”

Jeremías 25:19

Eyágkek axta han ma'a faraón, wesse' apwányam nak Egipto, yetlo apkeláneykha, tén han ma'a apkelámha apmonye'e apagkok, ekweykekxoho m'a apyókxoho énxet'ák apagkok,

Ezequiel 5:12

Eletsapok sa' chá'a xama énxet'ák agkok aptáhakxa nak chá'a apqántánxo, eñama negmasse tén han meyk élnapma, keñe sa' ma'a nápakha nak elnápok ma'a apkelenmexma apheykha nak nepyáwa', keñe sa' ma'a apkeleymomap nak waxpánchesek ekyókxoho keso náxop. Axog sa' eyke ko'o neptámen yetlo sekmeykha sókwenaqte.

Job 20:29

Cháxa appagkanchessama nak Dios etnéssesek ma'a ekmaso nak aptémakxa; cháxa apmáheyókxa nak etnéssesek xa.

Jeremías 25:15

Aptáhak axta ko'o seyáneya Wesse' egegkok, Dios apagkok nak Israel: “Elano' s'e egheykok ekláneyo nak vino seklo. Ema, elák sa' chá'a énxet'ák ekyókxoho apchókxa, seyáphasakxa enxoho chá'a exchep.

Jeremías 42:22

Kólya'asagkoho sa' peya kóletsapwók kempakhakma, meyk tén han negmasse m'a apchókxa kélmakókxa nak kólhók.”

Ezequiel 29:11

Memhagkek sa' xama énxet enxoho m'a tén han ma'a aqsok kélnaqtósso nak. Méko sa' kaxek ekweykmoho cuarenta apyeyam ma'a.

Jeremías 44:12

Wának sa' ko'o kólmasséssók apyókxoho m'a apkelheykekxa nak Judá, tén han apkelpekheykha axta elmeyekxak elhakxak ma'a Egipto. Apyókxoho sa' eletsapok kempakhakma, meyk, cham'a ketcheyetse nak ekweykekxoho m'a apkelwányam nak, etnahagkokxak sa' éñamakxa néltémo hentemegwomhok exma ekmaso, tén han mékoho, tén han aqsok eyeymáxkohol'a kataxche'.