Jeremías 42:1 - Biblia Enxet

¹ Apkelya'aweykxeyk axta apyókxoho apkelámha apmonye'e sẽlpextétamo, yetlo Johanán, Caréah axta apketche, tén han Azarías, Hosaías axta apketche, tén han apyókxoho énxet'ák, ketcheyetse nak, tén han apkelwányam

Jeremías 42:1 Referans Kwoze

Jeremías 41:11

Xama axta apkelleg'a amya'a ektáhakxa ekmaso aqsok apkelane Ismael ma'a Johanán, Caréah axta apketche tén han ma'a apkelxegexma'a apkelámha apmonye'e nak sẽlpextétamo,

Jeremías 40:13

Apkelmeyákxeyk axta Mispá m'a Johanán, Caréah axta apketche yetlo m'a apyókxoho apkelámha apmonye'e nak sẽlpextétamo apkelheykekxa axta m'a yókxexma, apkelya'aweykxo m'a Guedalías.

Jeremías 6:13

“Apyókxoho kelxéneykha chá'a apkelwáxok ma'a aqsok élmenyexamaxche nak; cham'a ekyawe nak kéláyo, tén han ma'a meyke nak kéláyo, apyókxoho nahan aptamhéyak apkelmopwancha'a amya'a m'a apkellegasso nak sekpeywa, ekweykekxoho m'a apkelmaxnéssesso nak chá'a énxet'ák ahagkok.

Jeremías 44:12

Wának sa' ko'o kólmasséssók apyókxoho m'a apkelheykekxa nak Judá, tén han apkelpekheykha axta elmeyekxak elhakxak ma'a Egipto. Apyókxoho sa' eletsapok kempakhakma, meyk, cham'a ketcheyetse nak ekweykekxoho m'a apkelwányam nak, etnahagkokxak sa' éñamakxa néltémo hentemegwomhok exma ekmaso, tén han mékoho, tén han aqsok eyeymáxkohol'a kataxche'.

Jeremías 42:8

yetlókok axta apcháneyeykha m'a Johanán, Caréah axta apketche, tén han ma'a apkelámha apmonye'e nak sẽlpextétamo ektáha axta apkelxegexma'a, tén han ma'a apyókxoho énxet'ák, cham'a ketcheyetse nak ekweykekxoho m'a apkelwányam.

Jeremías 40:8

apkelmeyákxeyk axta Mispá yetlo énxet'ák apagkok, apkelya'aweykxo m'a Guedalías. Apháha axta nahan nepyeseksa: cham'a Ismael, Netanías axta apketche, tén han Johanán, Jonatán, Caréah axta apketchek; Seraías, Tanhúmet axta apketche; tén han Efai axta apketchek, apkeleñama nak Netofá; tén han Jezanías, apketche axta xama énxet apkeñama Maacat, yetlo énxet'ák apagkok.

Jeremías 8:10

Cháxa keñamak peya nak ko'o almések pók énxet ma'a apnaqteyegka'a nak, tén han pók énxet yaqwayam etnehek apagkok ma'a xapop apagkok nak. Apyókxoho kelxéneykha chá'a apkelwáxok ma'a aqsok élmenyexamaxche nak; cham'a ekyawe nak kéláyo, tén han ma'a meyke nak kéláyo, apyókxoho nahan aptamhéyak apkelmopwancha'a amya'a m'a apkellegasso nak sekpeywa, ekweykekxoho m'a apkelmaxnéssesso nak chá'a énxet'ák ahagkok.

Ezequiel 33:31

Keñe elxegmak chá'a m'a énxet'ák ahagkok, elhak chá'a apmonye' exchep, ekhawo m'a aptamheykegkaxal'a chá'a, yaqwayam yeyxhok ma'a appeywa. Makke eláneykegkok chá'a m'a. Elwehenagkohok aqsa chá'a, máxa etnéssesek ma'a ektémól'a xama negmeneykmasso ekmátsal'a ageyxho', selyaqye aqsa chá'a kelxéneykha apkelwáxok ma'a.

Ezequiel 11:1

Eyeynchek axta ko'o sey'asa néten ma'a Dios apmopwána, éntamákxeyk axta ekweykekxoho m'a apátog nak Wesse' egegkok tegma appagkanamap apagkok, ekpayho nak teyapmakxa ekhem. Apháha axta nahan veinticinco énxet ma'a átog nak. Jaazanías axta nahan ekwet'ak apha nepyeseksa m'a, Azur apketche nak, tén han ma'a Pelatías, Benaías apketche nak, apteme axta apkelámha apmonye'e apagkok ma'a énxet'ák.

Ezequiel 8:11

Setenta apkelámha apmonye'e israelitas axta nahan apchaqnáha apkelpeykásawo xa kéleykmássesso nak, apheyk axta nahan nepyeseksa m'a Jaazanías, Safán apketche. Xama xama axta nahan chá'a apkelmeykha m'a egheykok ekwatnamáxkohol'a awáxok ma'a aqsok ekmátsa agko' la'a ekpaqneyam éten agkok, meyákxeyk axta néten ekpánma ekyentaxno agko' éten agkok ma'a aqsok ekmátsa nak ekpaqneyam.

Jeremías 42:20

Awanhók agko' kéxegke megkólaqhémo kéltáhakxa peya nak kalsexnena', hakte kéxegke kélagkók axta kéltémo ay'ókxések ma'a Dios Wesse' kélagkok, axta kéltáhak séláneya s'e: ‘Hẽlmaxnésses negko'o Dios Wesse' egagkok, hegya'ássesagkoho sa' nahan ekyókxoho m'a aptáhakxa enxoho apcháneya, yaqwayam enxoho negko'o anlána'.’

Jeremías 41:16

Keñe axta Johanán, tén han ma'a apkelámha apmonye'e nak sẽlpextétamo ektáha axta apkelxegexma, apkeláneyncha'a m'a sẽlpextétamo, kelán'ák, sakcha'álétkók tén han ma'a wesse' apwányam apkeláneykha ekyawe axta kéláyo, apkelmoma axta Ismael apkeleñama m'a Mispá, natámen axta apchaqhe m'a Guedalías, apnaqleykenta axta makham Johanán apkeleñeykta m'a Gabaón.

Isaías 48:1

“Kóleyxho s'e, Jacob apnámakkok, kélwesey nak Israel, kélteme nak Judá aptawán'ák neptámen; kélxeyenma nak naqsók ma'a Wesse' egegkok apwesey; kélwóneykha nak chá'a Israel Dios apagkok, meykexho kélyeheykekxoho, tén han kéltémakxa ekpéwomo;

Isaías 29:13

Aptáhak ko'o seyáneya Wesse' egegkok se'e: “Apkelpeywa aqsa chá'a ko'o apkelxeyenmak sétleykencha'a xa énxet'ák nak, apatña'ák aqsa apkelxeyenmak chá'a ko'o seyáyo, keñe m'a apkelwáxok nak megkalxegkáseykencha'a heyáwhok ko'o, énxet apkeltémókxa antéhek nahan chá'a m'a aptamheykegkaxa nak chá'a hélpeykesho', apkeltámésamap apagko'.

2 Reyes 25:23

Xama axta apkelleg'a amya'a m'a sẽlpextétamo apkelámha apmonye'e nak Judá tén han ma'a énxet'ák apagkok, apkelmeyákxeyk axta m'a Mispá, yaqwayam elpaqhetchesakpohok ma'a Guedalías. Ismael axta m'a, Netanías axta apketche; tén han Johanán, Caréah axta apketche; tén han Seraías, Tanhúmet axta apketche, apkeñama axta Netofá; tén han Jaazanías, apketche axta xama énxet apkeñama axta Maacá. Apkelyetlókek axta han énxet'ák apagkok.

Jeremías 37:3

Apcháphássek axta wesse' apwányam Sedequías ma'a Jucal, Selemías axta apketche, tén han ma'a apkelmaxnéssesso Dios énxet'ák apagkok Sofonías, Maaseías axta apketche, ey'ókxak ma'a Dios appeywa aplegasso Jeremías, tén han etnehek yának se'e: “Hẽlmaxnésses negko'o Dios Wesse' egegkok.”

Jeremías 41:18

yaqwayam enxoho yenyahagkok apmonye'e m'a caldeos, hakte apkeláyak axta eñama apchaqhe Ismael ma'a Guedalías, apteméssessama axta apkeláneykha apchókxa m'a wesse' apwányam Babilonia.

Jeremías 43:2

aptáhak axta apcháneya Jeremías ma'a Azarías, Hosaías axta apketche, tén han Johanán, Caréah axta apketche, tén han ma'a pók énxet'ák éleymáxkoho axta chá'a apkelwáxok: “¡Wanchek amya'a m'a aptémakxa nak chá'a appeywa! Meltémók xép hẽltennaksek Dios Wesse' egagkok megyánhek ólmeyekxak aghakxak ma'a Egipto.