Jeremías 40:11 - Biblia Enxet

¹¹ Keñe axta nahan ma'a judíos apkelhayam axta m'a Moab, Amón, Edom, tén han ma'a mók apchókxa nak, apkelleg'a amya'a apchahayo apkelheykmo nápakha judíos xapop apagkok ma'a wesse' apwányam Babilonia, tén han apteméssessama apkeláneykha apchókxa m'a Guedalías.

Jeremías 40:11 Referans Kwoze

Isaías 16:4

Kólho aqsa elyexanmok kélheykegkaxa m'a énxet'ák apkelxegányam nak Moab. Kólteme apkelyexanmomakxa apmonye'e m'a énxet'ák apmáheyo nak elnápok.” Massegwokmek sa' agkok kélnaqtawáseykegkoho tén han ekyeyk'a sa' ma'a kélmassésseyam nak, apkelántepa sa' apchókxa m'a apkelántaxnegwayam nak aqsa chá'a megkatnahakxa apchókxa,

Ezequiel 35:15

Payhekxeyk axta exche' awáxok kélmasséssekmo axta m'a apchókxa, apxaweykxa axta apagkok apagko' ma'a énxet'ák Israel, kaxhok sa' eyke nahan ektáhakxa exche' m'a: katnekxak sa' ekmaso m'a egkexe Seír, cham'a apchókxa Edom nak. Keñe sa' kólya'ásegwók ko'o sektáha Wesse'.”

Ezequiel 35:5

“Nanók élenmexma exche' m'a énxet'ák Israel, kempakhayak axta m'a sekxók apkelxaweykegko axta néxa kéllegassáseykegkoho eñama m'a apkeltémakxa melya'assáxma.

Ezequiel 25:12

“Ektáhak ko'o sekpeywa s'e, sektáha nak Wesse': Apheyásawók mók énxet'ák Edom apteméssessamakxa axta m'a énxet'ák Judá, yágwokmók agko' aqsa apkelsexnánémap eñama aptamhéyak xa ektáha nak.

Ezequiel 25:8

“Ektáhak ko'o sekpeywa s'e, sektáha nak Wesse': Apkelxénchek énxet'ák Moab tén han Seír aphawo Judá m'a ekyókxoho apheykegkaxa nak chá'a pók aptémakxa énxet'ák.

Ezequiel 25:6

“Ektáhak ko'o sekpeywa s'e, sektáha nak Wesse': Énxet'ák Amón, kéltekpageykha axta kéxegke kélmék yetlo kélnextegeykha néten kélátseykencha'a, kélasméssegkek axta nahan kélwanyeykencha'a m'a Israel.

Ezequiel 25:2

“Xép apteme nak énxet, yenmexekxoho sa' ma'a apheykegkaxa nak amonitas, eltennés sa' sektáhakxa ko'o sélxeyenma m'a.

Ezequiel 5:12

Eletsapok sa' chá'a xama énxet'ák agkok aptáhakxa nak chá'a apqántánxo, eñama negmasse tén han meyk élnapma, keñe sa' ma'a nápakha nak elnápok ma'a apkelenmexma apheykha nak nepyáwa', keñe sa' ma'a apkeleymomap nak waxpánchesek ekyókxoho keso náxop. Axog sa' eyke ko'o neptámen yetlo sekmeykha sókwenaqte.

Ezequiel 5:3

Elma sa' mók xam'a xa apwa' nak, epextehet sa' nápakha aptaxno.

Jeremías 24:9

Wának sa' ko'o káhapwak aqsok ekmaso agko' ma'a, yaqwayam sa' kalyegwakkasek chá'a elwetak ma'a apyókxoho énxet'ák apheykha nak keso náxop, elasmésakpok sa' chá'a ekyókxoho apkelókxa sélya'asakxa enxoho chá'a ko'o waxpánchesek, eltaqnaweykpok sa' nahan, kóltamhok sa' nahan chá'a kaltemégwomhok exma ekmaso.

1 Samuel 12:12

Xama axta kélweteya kéxegke apmáheyo ektámegmak ma'a Nahas, wesse' apwányam apagkok axta amonitas, keñe axta kéltémo alyéssesha ko'o xama wesse' apwányam yaqwayam etnehek apkemha apmonye' apkeltaqmelchesso, aptáhakxoho eykhe wesse' apwányam kélagkok ma'a Dios Wesse' kélagkok.

1 Samuel 11:1

Apmahágkek axta Jabés ekpayho nak Galaad ma'a Nahas, wesse' apwányam axta Amón, apkelánésagkokxeyk axta aptamhágkaxa sẽlpextétamo apagkok yaqwayam ektamagkok ma'a tegma apwányam. Keñe m'a énxet'ák apheykha nak yókxexma Jabés, aptáha apcháneya s'e: —Ólpaqhetchesaxkohok sa', tén sa' hentéhek negko'o exchep apkeláneykha.

Números 25:1

Xama axta apkelheykmo israelitas ma'a yókxexma Sitim, apkelmáha axta apkelpathetágko m'a kelán'ák moabitas,

Números 22:1

Apkelxegákxeyk axta makham israelitas, apkelpakxenwokmek axta m'a yókxexma ekpayhegweykenxa nak xapop Moab, ekpayho nak ekteyapmakxa ekhem neyp wátsam Jordán, ekpayho nak Jericó.

Génesis 36:8

Axta keñamak apheykmo yókxexma élámhakxa nak meteymog élwenaqte Seír ma'a Esaú, apwesey nak han Edom.

Números 25:2

keltamhók axta nahan epasmok élnapma aqsok kélnaqtósso élmésso m'a aqsok éláyókxa nak. Aptókagkek axta han israelitas ma'a ektéyak nak, apkelpeykásawók axta han ma'a aqsok apcháyókxa nak moabitas.

Isaías 11:14

Épetchekxak sa' pók ektamagkok ma'a énxet'ák filisteos, ekpayho nak taxnegwánxa ekhem, neptámen sa' yeñék yáhapwók; épetchekxak sa' pók elyementamagkok aqsok apagkok ekxámokma m'a énxet'ák apheykha nak teyapmakxa ekhem. Kawomhok sa' nahan apteme apagkok ma'a yókxexma Edom tén han ma'a Moab, apkeláneykha sa' etnahagkok ma'a amonitas.

Jeremías 9:26

cham'a Egipto, Judá, Edom, Amón, tén han ma'a Moab, tén han ma'a apyókxoho apheykha nak yókxexma meykexa énxet, tén han ma'a apkelmópéssamo nak chá'a apkelyésesso élpayhakxa nápaqta'a. Hakte cháxa apyókxoho énxet'ák nak, tén han ma'a apyókxoho énxet'ák Israel, megkalya'ásegkok apkelwáxok ma'a Dios.”

Jeremías 41:10

Apkelmomchek axta han Ismael apxátama kañe' m'a wesse' apwányam apketchek kelwán'ák, yetlo énxet'ák apkelheykekxa axta m'a Mispá, apkeltémo axta elanha Nebuzaradán apteme axta apkemha apmonye' sẽlpextétamo ma'a Guedalías. Apkelmomchek axta m'a Ismael, tén axta apxegeykekxo makham ekxeyenma apwáxok emhagkok ma'a Amón.

Jeremías 43:5

Apchánchesákxeyk axta aqsa apqántawok apkeleymomap axta énxet'ák Judá m'a Johanán, tén han ma'a apkelámha apmonye'e nak sẽlpextétamo, apkelweykta axta makham natámen kélexpánchesso ekyókxoho apkelókxa yaqwayam exmakha m'a Judá:

Ezequiel 34:6

Apkelmahágkek apkexpaqna m'a ekyókxoho neyseksa meteymog élekhahéyak nak tén han ma'a néten egkexe élwenaqte nak, apkelxeganakmek ekyókxoho keso náxop, méko nahan xama énxet enxoho ekyetnakhassamo apwáxok ma'a tén han apxega enxoho elchetmok.

Jeremías 43:6

cham'a apkelennay'a nak, kelán'ák, sakcha'áletkók, wesse' apwányam apketchek kelwán'ák, tén han apyókxoho énxet'ák apkeltémo axta elanha Nebuzaradán, apteme axta apkemha apmonye' sẽlpextétamo m'a Guedalías, ekweykekxoho m'a Jeremías, tén han Baruc.