Jeremías 4:3 - Biblia Enxet

³ Aptáhak Wesse' egegkok apkeláneya énxet'ák Judá tén han Jerusalén se'e: “Kólchenekxa aqsok aktek ma'a xapop megkólcheneykekxexa nak aqsok; nágkólchenekxa kaxwók aqsok aktek ma'a neyseksa am'ák.

Jeremías 4:3 Referans Kwoze

Oseas 10:12

Axta ektáhak ko'o séláneya s'e: Kólchenekxa sa' kéxegke ekpéwomo nentémakxa', tén sa' kólnakxek kólmekxak ma'a negásekhayo nak. Kólpeynchámekxa sa' makham xapop, yaqwayam sa' kólchenekxak makham aqsok, hakte wokmek kaxwók ekhem yaqwayam kólchetmok Wesse' egegkok, ekwokmoho sa' apwa'akto, apsánto sa' ekxámokma agko' nélwagkásamáxche teyp kélnepyeseksa kéxegke.

Génesis 3:18

Katyapok sa' kaxwók am'ák xapop, tén han pegke, etwok sa' nahan chá'a m'a eñama nak naxma.

Éxodo 23:11

keñe sa' ma'a ekwokmo enxoho siete apyeyam, ná eknekxa aqsa, yoho sa' kallókasek ekyampe xapop apagkok yaqwayam sa' etawagkok ekhéyak kañe' awáxok apkelchekha m'a énxet'ák apmopyóseka, apheykha m'a kañe' apchókxa, tén han yaqwayam enxoho katawagkok éleymomaxche m'a aqsok nawha'ák élmeymentakcha'a nak. Etnésses sa' nahan ma'a anmen yámet apkeneykekxa nak tén han ma'a olivo yámet nak.